þriðjudagur, 30. desember 2008

kaupið ykkur Apple Care...

úff... sérstaklega ef þið hafið keypt apple dótið ykkar annarsstaðar en á Íslandi.

ég keypti mína tölvu fyrir tæpum 3 árum í USA, stuttu eftir að fyrstu macbook tölvurnar komu. 

núna þegar harði diskurinn hrundi ( og gerði það með látum og engu er hægt að bjarga ) fékk ég flýtimeðferðina á viðgerðinni, ísetningu á stærri disknum sem ég keypti, uppsetningu á nýjasta stýrikerfinu, nýjan topp (allt takkaborðið) og tölvan fínni sem aldrei fyrr .... FRÍTT ! svo fæ ég 80 GB disk þegar hann kemur til landsins, skv uppástungu Björgvins ætla ég að setja hann í flakkarabox og taka afrit... þið getið ekki trúað hvað það er leiðinlegt að tapa yfir 10 þúsund myndum og tvemur og hálfu ári af háskólanámi með því að harði diskurinn gefi svona gjörsamlega upp öndina. 

sem-betur-fer er mikið af myndum á netinu... alls ekki allar (iphoto var með rúmlega 10.000 myndir !) en ég á þó eitthvað af myndum frá síðustu 3 árum fyrst að þær eru einhverjar á netinu. Er bara fegin að þetta voru ekki myndir af barninu mínu eða einhverju álíka. 

ég á líka allar glósur útprentaðar frá hverri prófatörn og ég er þakklát fyrir það. Hefði auðvitað viljað hafa þær, og öll verkefni og ritgerðir hjá mér í tölvunni, en þetta er ekki að eilífu glatað. Nema ef húsið myndi skyndilega brenna til grunna. 

Ég á semsagt svo gott sem nýja tölvu. Nýtt stýrikerfi sem ég er að læra á og er núna á fullu að setja upp öll forritin sem mig vantar. úff.. ég þurfti að finna mynd af mér af netinu til þess að save-a í tölvuna til að setja sem display mynd á msn... glatað. 

er búin að vera þvílíkt down yfir þessum gagnamissi og það sem er súrast við þetta allt að ég var búin að ákveða að stækka harða diskinn þegar ég fengi NÁMSLÁNIN og búin að ræða það við nokkra. þá ætti ég backup einhversstaðar og ég hefði aldrei orðið var við að 80 GB greyið myndi deyja. 

þetta var pústblogg í boði Ragna.is
SHARE:

mánudagur, 29. desember 2008

heimurinn að byggjast upp aftur...

já eða að minnsta kosti heimurinn minn..

Fórum í dag og skiptum jólagjöfinni frá mömmu og pabba en það var afgreiddur vitlaus litur af lampa.hann er alveg ógeeeðslega flottur finnst ykkur ekki ? :)

tölvan fór líka á flýtimeðferð í meðferð (viðgerð) og er harði diskurinn ó-n-ý-t-u-r, takk fyrir og bless.. Þar sem að ég keypti mér Apple care þegar tölvan var keypt úti þá er hún ennþá í ábyrgð hjá Apple úti og ég fæ þjónustuna og diskinn borgað af þeim. Ég reyndar ákvað að skipta út 80 GB fyrir 250 GB disk og borgaði ég það þá bara sjálf, það er líka um 3ja vikna bið eftir disknum frá apple í usa og því nenni ég ekki að bíða eftir. Ég á því til sölu 80 GB 2.5" SATA fartölvudisk eftir ca 3 vikur ef þið hafið áhuga.

lampanum er reddað og tölvan verður örugglega komin aftur í gagnið á morgun og ég fæ ekki að vita fyrr en þá hvort að einhverju var bjargað af steindauða disknum... (guð forði mér frá að vera á PC lappa með VISTA fleiri daga)

kveðja
Ragna Björg
SHARE:

laugardagur, 27. desember 2008

3. í jólum.

fékk alveg nóg af letilífi og áti og fór í skokktúr með Jobba...uppskar þar svita og hælsæri sem blæddi síðan svo rosalega úr að skórnir þurfa að fara í þvottavélina... næs... :)

Grey Jobbi fór svo beint úr skokktúrnum og uppeldismeðferð í göngutúr með mömmu og pabba og liggur hann flatur fyrir núna.. :)

kl 3 var haldinn körfuboltaleikur til styrktar Ljósinu sem Jón Þór hefur verið að sækja núna vegna heilaæxlis sem hann er með. 180 þúsund söfnuðust og leikurinn var hinn skemmtilegasti... 30 ára og eldri á móti 30 ára og yngri. Dómarinn átti það til að dæma eins og honum datt í hug og stal boltanum sjálfur og skaut... vítaskotin voru tekin með undarlegri stigagjöf.. :)

eitthvað hefur kvisast út að fólk ætli að kíkja út á lífið í kvöld og ég held að ég láti það ekki líða án þess að kíkja eitthvað út á lífið líka. Það er nú ekki svo mikið að gera hérna í Víkinni :)
SHARE:

fimmtudagur, 25. desember 2008

jólin komu...

... enn og aftur

versta jólagjöf ársins var það að tölvan mín er dáin... (hoppandi helvíti)
og minnst uppáhalds jólagjöfin er mighty mouse apple músin sem ég fékk og nýtist eitthvað lítið meðan tölvan liggur í gröfinni... hún kannski skríður upp vinsældarlistann þegar tölvan verður komin með nýtt innviði.

aðrir hlutir sem litu dagsins ljós úr pökkum þessa árs var

naglalakk
eyrnalokkar
rifjárn
sílíkon sprautupoki
ilmvatn og bodylotion
jólaskraut
ferðakaffibolli til að setja í 12V
kveikjari með upptakara
gólflampi
hringur með stein.
mósaík vasi
Aurum Eyrnalokkar
Pilgrim skartgripa-sett (eyrnalokkar, hálsmen og hringur)
hringur með perlum
armband með perlum
Bók (brúðkaupsnóttin)
Bók (Myrká)
15 þúsund á kaupþingsgjafakorti

já ég held að þetta sé allt..

fórum í dag út í garð að kveikja á kertinu á leiðinu hjá ömmu. Ég, pabbi og þráinn komum svo við í gömlu slökkvistöðinni til að finna þar alveg ónotaða skauta sem ég á víst ! :) og smellpassa ! guð... ég verð eiginlega að fara á skauta, þó að það þýði nokkra marbletti.
Einnig gróf ég líka upp gömul spil til að spila um jólin og kannski ég kíki með einhver af þeim norður. Er nú örugglega á leiðinni þangað bráðum :)

Er búin að vera að lesa Myrká í allan dag með hléum og lagði mig í bleyti í heitu baði með Elínborgu að leysa morðmál eftir kaffið... Erlendur hefur ekki ennþá komið neitt fyrir í bókinni... fór hann í jólafrí eða ?

mmm.. girnilegt deig er að hefast inní eldhúsi sem mun bráðlega breytast í dílíssíjuss hvítlauksbrauð til að fara með humarsúpunni sem verður í kveldmatinn :)

á morgun er síðan lítið jólaboð heima hjá Þorbjörgu og Gunna á Dyrhólum. Hlakka voða til að kíkja þangað..
SHARE:

miðvikudagur, 24. desember 2008

Gleðileg jól



Gleðileg Jól allir saman og takk fyrir samveruna á árinu sem er að líða.

Hafið það sem allra best í faðmi fjölskyldu og vina og skemmtið ykkur svo vel á gamlárskvöld.

jólakveðja

Ragna Björg

SHARE:

föstudagur, 12. desember 2008

deeem


Vildi óska að ég hefði séð þetta fyrr... hefði kannski reddað einhverju í einhverju prófanna...
SHARE:

miðvikudagur, 10. desember 2008

one-to-go

síðasta prófið í vetur byrjar kl hálf 2

það mun vera í aðferðafræði. Bókin sjálf er mjög góð nema að manni svimar við að lesa of mikið um quantitative og qualitative rannsóknir.

námsefnið frá kennurunum er alveg rosalegt ! Þeir virðast ekki hafa komið sér saman um að Grounded theory, grunduð kenning og ígrunduð kenning sé einn og sami hluturinn. Hvað þá að fræðilegt úrtak, theoratical úrtak, kenningar úrtak og kenningarlegt úrtak sé líka sami hluturinn. Svona gríðaleg fjölbreitni á orðum yfir sömu hlutina flækir þetta svoldið ... úff

líf mitt hefst á ný formlega kl 16.30 þegar prófi líkur... nema að ég þarf að vera mætt á slysó kl 15.30.  

það er seinnitímavandamál ! 


SHARE:

mánudagur, 8. desember 2008

I'm baking..

ahhh....
ok, ég bara varð að gera eitthvað. Svo ég ákvað að reyna að rifja upp rabbabarakökuna sem ég bakaði 12hundurðognítíuogníu sinnum á Höfðabrekku í 3 sumur. 
og það var ekkert lítið magn ! heldur var bakað ofan í 120 manns á hverjum degi skal ég segja ykkur *gasp*
ég reyndi þess vegna að muna hvað ætti að vera í kökunni og deila niður með 5 svo að það passaði í skúffukökuformið mitt... haha...

útkoman verður örugglega eitthvað skemmtileg

en hún lítur eðlilega út samt ennþá í ofninum
SHARE:

jæææja...

ég er víst ekki steindauð ennþá þó að prófin hafi verið að reyna að stytta líf mitt til mun síðustu daga. 

Ég hálfpartinn sé eftir að hafa kvartað yfir erfiðum prófum í MH því að það er nú ekkert miðað við próf í Háskóla, jedúddamía !

nú... það er bara 1 próf eftir núna og það er á miðvikudaginn *klöppum fyrir því* 

Engin jólagjöf hefur verið keypt og ekkert jólakort verið föndrað *obbobbobb*

Get eiginlega ekki beðið eftir að klára þessi próf og taka fyrstu flugvél sem ég kemst í norður. Allt of langt síðan ég hef hitt Viðar  :(

þetta var stutt update af stöðunni hjá prinsessunni.

látið ykkur ekki verða kalt á puttunum í snjónum. 

xox
Ragna Björg
SHARE:

þriðjudagur, 2. desember 2008

hjátrúarfull..

já, ég það vanalega ekki...

en þegar kemur að prófum þá vil ég alltaf að það kveiki einhver og helst einhverjir á kerti meðan ég er í prófinu... 

Amma hefur stundum séð um það og mamma gerir það alltaf, en núna er enginn til taks að kveikja á kertum þar sem mamma og pabbi koma í bæinn í fyrramálið með bíl. 

ef einhver af ykkur er heima með kerti við höndina þá megiði alveg kveikja á kerti og hugsa til mín. 
sé loginn stór þá gengur mér vel og voniði svo að hann sé ekki lítill. 

kys og kram
Ragna
SHARE:

mánudagur, 1. desember 2008

Silfurskeiðin

þið trúið ekki hvað ég er búin að taka mörg andköf yfir að bókin Silfurskeiðin sé komin út á íslensku (GASP)




"Þetta er matreiðslubókin sem Ítalir gefa börnunum sínum til þess að kenna þeim aðferðir foreldra sinna og ömmu og afa – og sýna þeim um hvað ítölsk matargerð snýst í raun og veru.

Hún sýnir hvernig á að matreiða holla og gómsæta máltíð, í fyrsta lagi með því að velja réttu hráefnin og í öðru lagi með að fylgja fjölbreyttum uppskriftum sem geta verið einfaldar eða flóknar, en eru alltaf útskýrðar á skýran og skilmerkilegan hátt. Það er þess vegna sem Silfurskeiðin er vinsælasta matreiðslubókin á Ítalíu, bókin sem á sinn stað í eldhúsinu á hverju heimili, bókin sem er hvað oftast gefin í brúðargjöf."


Mig hefur langað í þessa bók (the Silverspoon) mjög lengi og það lengi að ég ætla að KAUPA mér hana þegar ég á pening.... sem verður skv venjubundu skólaári ekki fyrr en næsta júní og get ég alveg beðið þangað til  (held ég) þar sem ég er alveg pottþétt ekki að fara að gifta mig fyrir þann tíma ! (eða anytime soon for that matter) 

ég held að þetta blogg sé svoldið blásið upp af hungri ... og að ég sé andvaka ...
hungrið stendur af því að í kvöldmatinn var kínversk núðlusúpa búin til frá grunni og mallaði á eldavélinni í 3 tíma örugglega í heildina svo að soðið var dílísíjus  og ég er andvaka af því að líkaminn minn veit að ég ætlaði að reka hann í ræktina kl 6.30! (gott ef hann er ekki þrjóskari en ég). Ég held að tilgangurinn sé lítill með að sofa nokkra tíma, til að hoppa og hrista mig í klst til að slefast uppí bókhlöðu kl 8 og læra til rúmlega 9 þegar ég þarf að fara að syngja á tónleikum í Hátíðarsal Háskólans með kórnum og vera svo DAUÐÞREYTT allan daginn að lesa undir fyrsta prófið sem er á miðvikudaginn. 

ég held bara að ég sofi til 8... eða þangað til að Viðar ætlar að hringja í mig og telja mér trú um að það sé ekki eins góð hugmynd og ég held (þá) að kúra "aaaaðeins" lengur. 

Héðan er annars ekkert að frétta nema að ég var búin að hengja upp jólaseríur og kveikja á aðventuljósinu fyrir kl 10 í morgun (Sem Arnar svaf allt af sér)... deginum eyddi ég svo með nýbökuðu sykurlausu-hveitilausu-smjörlausuBláberja muffins-inu (ég furða mig stundum á hve góðar þær virkilega eru), sjóðandi núðlusúpu, tölfræðidæmum, reiknivél og hárlokkum sem liggja á víð og dreif um íbúðina eftir frantic panic köst yfir hvað ég næ ekki að klambra saman í höfðinu á mér tölfræðiformúlum, jafnbilabreytum, raðbreytum og nafnbreytum í eina skiljanlega heild... helst þá í sömu heild og Rúnar okkar hefur í huga. 


prófataflan er sumsé svona

3. des : Hjúkrun Langveikra einstaklinga 
5. des : Tölfræði
8. des : Hjúkrun krabbameinssjúklinga
10. des : Aðferðafræði
12. des : Próflokadjamm (sem er jafnmikil skylda að mæta á eins og prófin sjálf)

óver and out ! 

SHARE:

laugardagur, 29. nóvember 2008

fairytale of New York

aaah... nú sit ég með sæluhroll og brosi... :) 

Ég get hlustað á ótal margar útvarpsstöðvar á netinu í gegnum itunes og einhverntíman í haust fann ég heilan flokk af jólastöðvum. Ég er s.s. búin að vera að hlusta á eina sem er örugglega Hollensk en með mjög góðum jólalögum. Ég var þó farin að sakna mjög jólalagsins sem ég held svo mikið uppá eftir að ég var jólin í Englandi. Það er lagið Fairytale of New York. Ég ákvað því að fara og skoða jólastöðvalistann og athuga hvort ég myndi ekki finna breska stöð. Jú þarna var hún "play Xmas UK"... Lagið sem var í spilun var svo draumalagið "Fairytale of New York" 

and the bells are ringing out for Christmas day... :)

Hérna kemur svo gamalt blogg frá 30. nóvember 2006 þar sem ég skrifaði aðeins um sögu lagsins


jólalagið sem ég ætla að kynna ykkur fyrir (kannski þekkiði það) en það heitir "Fairytale of New York" 

það var fyrst útgefið árið 1987 og er sungið af hljómsveitinni Pogues (írsk sveit) og breskri söngkonu sem hét Kristy MacColl.

þetta lag hefur margsinnis lent í efsta sæti fyrir vinsælasta jólalagið í Bretlandi... og þar á meðal í fyrra!

þið fáið eflaust sjokk á að hlusta á þetta lag enda er söngurinn hjá söngvara Pogues alveg hryllilegur 

jólalagið breiðir ekki út jólaboðskapnum með þeim lofgjarðarsöng sem við þekkjum og fjallar lagið um írskt par sem eru innflytjendur í New York, óbilandi vonir þeirra í þessari stóru og drungalegu borg á meðan þau berjast við alkahólisma og fíkniefnavanda, 
Textinn hefur líka að geyma mjög bitur textabrot eins og t.d. "Happy Christmas your arse/ I pray God it's our last"

hér fyrir ofan skrifa ég "söngkonan hét" ... ástæðan fyrir því er að hún lést árið 2000 í hræðilegu köfunarslysi þar sem að hraðbátur kom inn á köfunarsvæðið og sigldi yfir hana á gífurlegum hraða... barnið hennar slapp, þó nokkuð slasað.
mikið hefur verið rætt um þetta slys í englandi og var líka talað mikið um þetta í fyrra þegar ég var úti.
það sem má finna á síðunni www.justiceforkristy.com er þetta:
"
Kirsty MacColl was an English singer and writer who was killed by a power boat at the age of 41 whilst scuba diving with her sons in a restricted diving area off Cozumel, Mexico on 18th December 2000. Almost six years later, no-one has been made accountable to the satisfaction of her family and friends." 

málið er víst að það vill enginn viðurkenna að hafa stýrt bátnum en sá sem átti hann er margmilljónabisnessrisi frá Mexíkó... 


árið 2005 var þetta lag spilað "live" í þætti Jonathan Ross í UK, þann 22. des nákvæmlega og ég horfði að sjálfsögðu á þegar The Pogues tóku lagið en fengin var að láni Katie Melua til að syngja í stað raddar Kristie...




að lokum kemur textinn




It was Christmas Eve babe
In the drunk tank
An old man said to me, won't see another one
And then he sang a song
The Rare Old Mountain Dew
I turned my face away
And dreamed about you

Got on a lucky one
Came in eighteen to one
I've got a feeling
This year's for me and you
So happy Christmas
I love you baby
I can see a better time
When all our dreams come true

They've got cars big as bars
They've got rivers of gold
But the wind goes right through you
It's no place for the old
When you first took my hand
On a cold Christmas Eve
You promised me
Broadway was waiting for me

You were handsome
You were pretty
Queen of New York City
When the band finished playing
They howled out for more
Sinatra was swinging,
All the drunks they were singing
We kissed on a corner
Then danced through the night

The boys of the NYPD choir
Were singing "Galway Bay"
And the bells were ringing out
For Christmas day

You're a bum
You're a punk
You're an old slut on junk
Lying there almost dead on a drip in that bed
You scumbag, you maggot
You cheap lousy faggot
Happy Christmas your arse
I pray God it's our last

I could have been someone
Well so could anyone
You took my dreams from me
When I first found you
I kept them with me babe
I put them with my own
Can't make it all alone
I've built my dreams around you

SHARE:

föstudagur, 28. nóvember 2008

this takes time...

Fékk stóran sting í hjartað áðan...

svipaðist um í kringum mig eftir símanum, fann hann og var að teygja mig í hann þegar ég fattaði hvað ég var að fara að gera... hringja í ömmu og segja henni að ég hefði fengið 9 í lokaeinkunn í einum áfanganum. Hún vildi alltaf fá að vita. :(

en hún er sko örugglega stoltust í heiminum núna... 
SHARE:

laugardagur, 22. nóvember 2008

status update

-Er á akureyri í allt of miklum snjó
-Keyri um á afturdrifnum benz og kýs betur minn gamla á 4x4
-Er að læra á Amtsbókasafninu á daginn
-Fór í heitan pott hjá Arnari og Önnu í -6 °C
-Viðar bókaði borð á jólahlaðborði á RUB 23 fyrir kvöldið í kvöld.
-Er búin að gera íbúðina hans Viðars heimilvænni fyrir stelpur og júh, hann tók þátt í því með! :)

og þetta var MJÖG stutt rapport ;)

c ya
SHARE:

mánudagur, 17. nóvember 2008

Nú er Ragna Orðlaus ...

Góð vinkona mín sendi áfram bloggið mitt til búðarinnar sem ég skrifaði um daginn vegna leiðindar atviks sem ég varð fyrir. 

Maðurinn sem umtalað atvik snerist um ásamt konu frá búðinni sendu mér email og báðu mig innilegrar afsökunar. Maðurinn man eftir atvikinu og segir að hann þetta svar hafi komið fram vegna óviðeigandi gálgaskaps. 

Þau harma þessa lífsreynslu mína mjög og ég er sammála því, mér fannst þetta mjög leiðinlegt. 

sem einhversskonar skaðabót bað maðurinn mér að koma í búðina ef ég treysti mér til og velja mér skó-par mér að kostnaðarlausu.

Ég er svo gapandi yfir þessum viðbrögðum að ég er næstum með móral. Hefði aldrei trúað að ég fengi svona afsökunarbeiðni og fæ bara sting í hjartað. Ég veit þó að ég á þessa afsökun skilið og hef svo sannarlega samþykkt hana. 

í guðana bænum... fyrirgefiði karlinum líka.

(það er nebbla slatti af töff skóm í Mistý. . . :/ )
SHARE:

latest news.

nýjustu fréttir af mér eru að ég er að detta í próflestur á morgun og er ekkert alltof hress með það. Þessi helv. próf læðast alltaf aftan að manni þó svo að ég hafi ekki verið í lokaprófum síðan í enda febrúar. Ég kunni ágætlega við þetta prófafrí!

Amma var jörðuð á laugardaginn og var athöfnin margmenn og falleg. ég skrifaði minningargrein sem ég er ekki allt of ánægð með... hef hugsað allt of mikið síðan ég sendi greinina inn um hvað ég hefði átt að skrifa og  hvernig eg hefði átt að segja hitt og þetta... en þetta er víst búið og gert. 

var á kóræfingu í gær, aftur í kvöld og svo eru tónleikar á þriðjudaginn með kvennakór háskólans haldnir í Iðnó. Hlakka orðið svoldið til og ég syng einsöng í einu lagi.

jæja... farin í ræktina

take care 
SHARE:

fimmtudagur, 13. nóvember 2008

Endilega lesið þetta !

Er búin að vera heima í allan dag að reyna að finna athygli til þess að reyna að vinna í 40 % lokaverkefni í einum kúrs í skólanum. Athyglin hefur ekki verið til staðar en þess í stað hefur hugurinn reikað út um alla velli alheimsins. Allt í einu langaði mig í eina búð sem ég sá að hafði auglýst kuldastígvél fóðruð með flísefni í Morgunblaðinu um daginn. Og mig langar svo í stígvél sem eru ekki eins háhæluð eins og þau sem ég á, eru með grófan botn sem hægt er að ganga á í öðru en sólskini og blíðu og eru úr alvöru leðri. Svo langar mig líka að vera fín í jarðaförinni hjá ömmu minni á laugardaginn. 

Ég reif mig því af stað fyrir sex til að fara í þessa búð sem auglýsti í morgunblaðinu. Ég hef nú aldrei farið í þessa búð áður en þetta er Misty, efst á laugaveginum. Þessi búðarferð fór nú samt nokkurnvegin endanlega með daginn sem hafði ekki verið upplífgandi fyrir og lenti ég afgreiðslumanni sem sagði svoldið við mig að það bæði særði mig og  móðgaði það rosalega að ég á varla til orð :(

Út í glugga voru nokkur stígvél sem mér leist vel á, bæði ein með engum hæl og alveg flatbotna og önnur með breiðum og góðum hæl.  Maður á sextugsaldri (giska ég á) kom og spurði hvort hann gæti aðstoðað mig og ég benti á þessi lágbotna stígvél og tók upp þessi með hælnum og spurði hvort að hann ætti þessi í 40 til að máta. Hann hélt svo á brott og kom með ein stígvél sem voru ekki rétt... hann fór því aftur að leita betur og ég stóð þarna bara og beið. Í sama mund kemur maður þarna inn sem hafði greinilega verið þarna fyrr um daginn og vildi máta aðra skó svo að meðan ég beið þá fór hann og fann skó handa þessum manni og kom síðan með einn kassa af stígvélum til mín. Þegar hann opnar kassann þá sé ég að þetta eru líka röng stígvél en þetta voru lágbotna stígvélin en þessi náðu bara uppá miðja kálfa en ekki alveg upp að hné. Ég sagði því manninum að þessi stívél væru heldur ekki rétt. Hann sagði því eitthvað sem ég man ekki en endaði á því að segja "þú ert bara svona óaðlaðandi"... gefandi það í skyn að ég væri svo óaðlaðandi að það er ekki að takast að finna réttu stígvélin handa mér ! ég vissi satt að segja ekkert hvað ég átti að segja... umlaði út úr mér "jájá" settist á stól þarna og átti erfitt með að halda aftur af tárunum. 

Ég vissi auðvitað uppá mig skömmina, búin að veltast heima í náttfötum allan daginn, ekki búin að slétta hárið, með örlítinn maskara og ekkert púður. mér leið ekki vel og ég leit ekki vel út. En það að einhverjum búðarmanni finnist það ÞAÐ mikið líka að hann vogar sér að segja svona við kúnna er alveg ótrúlegt. Jafnvel þó að hann hafi verið að grínast með þetta þá er þetta ekki það sem afgreiðslumaður grínast með við kúnna sem hann veit ekkert með hvernig er innanbrjósts. 

Hefði ég ekki verið svona lítil í mér þá hefði ég sjálfsagt sagt eitthvað, þess í stað mátaði ég stígvélin, fann að ég hefði þurft stærri stærð í báðum módelum en langaði ekkert að máta meira, vildi bara fara HEIM og það sem fyrst svo ég setti stígvélin í kassana og fór.

hvað finnst ykkur ? 
SHARE:

miðvikudagur, 12. nóvember 2008

SHARE:

þriðjudagur, 11. nóvember 2008

Hvíl í friði elsku amma


Amma Ragna dó í morgun eftir baráttu við krabbameinið. 
Þetta  fékk ekki langan aðdraganda þó svo að síðustu 2 mánuði hafi þetta verið erfitt. 
Lengst af var hún heima þar sem allir hugsuð fallega og vel um hana en undir lokin var þetta orðið öllum svo erfitt og þungt svo að hún fékk að vera uppá Hjallatúni þar sem henni leið betur og hægt var að hugsa betur um hana.

Hún lést svo í morgun og hefur loksins fengið friðinn sem hún á skilið eftir þennan erfiða tíma.

Allir sem þekktu hana munu sakna hennar. :*

 
SHARE:

mánudagur, 10. nóvember 2008

Jah Sko

komin í bæinn aftur, og Viðar er ekki farinn héðan ennþá...

Hann komst eitt stig áfram í inntökuferlinu sem hann er í og verður hér allavegana fram á miðvikudag. Svoldið skrítið að vera svona lengi saman :) Erum að prufa okkur áfram að lifa venjulegu heimilislífi og vera svoldið alvöru :)

á föstudaginn var heilbrigðisdjamm haldið á Rúbín sem við kíktum á ásamt fullt af fólki af hinum heilbrigðisdeildum háskólans og á laugardaginn héldum við austur í sveitina þar sem ég kíkti aðeins á ömmu uppá elliheimili... Ég held að hún hafi verið meðvituð um að ég var komin til hennar og er glöð með það... Þetta eru ansi erfiðir tímar núna og vona ég bara að þetta taki ekki mikið lengri tíma en þetta hefur nú þegar tekið :( Allir eru orðnir þreyttir og ekki síður amma. 

Á laugardagskvöldið fórum við Viðar og Mamma og Pabbi á Fýlaveislu á Ströndinni þar sem var snæddur saltaður fýll með viðeigandi meðlæti og fyrir þá sem ekki stóðu sig í lýsisátinu gátu fengið sér hangikjöt. Viðar stóðst manndómsvígsluna með glans og var tekinn inn í fjölskylduna... :)

Þegar við komum í bæinn og vorum búin að fá okkur Vesturbæjarísinn sem við vorum búin að tala um mest alla helgina, fórum við á Powersýningu á James Bond. Asskoti skemmtileg mynd og mikið helv. er Bond alltaf flottur ! :o

c ya l8r 


SHARE:

fimmtudagur, 6. nóvember 2008

SHARE:

mánudagur, 3. nóvember 2008

Fótanuddtækið góða


Hérna má sjá gripinn ...

ykkur er öllum boðið í heimsókn til að prufa :)

SHARE:

laugardagur, 1. nóvember 2008

Just to keep it short...

-Kom frá Akureyri á föstudaginn... óskaði mér að ég hefði getað verið lengur... en því miður ekki :(
-Búin að vera að læra á Amtbókasafninu á Akureyri í vikunni... það var ótrúlega næs
-Viðar fékk í bakið og reyndi að láta vorkenna sér... hjúkkan ég er alveg hræðileg og sagði honum að það hefði enginn drepist úr þursabiti...
-Ógeðslega mikill snjór á Akureyri... alveg ótrúlegt ... og svo var -6 stiga kuldi ...
-Fór á sjóinn á duggadugg með Arnari og Viðari... ætlaði að skjóta bíbí en það var of mikið rok...
-Fór í partý með öllum nefndunum í Curator í gær of skemmti mér vel
-Vann í happdrætti í partýinu og vann Melissa fótanuddtæki sem gæti komið sér vel eftir erfiðar vaktir á slysó
- Er á næturvakt á Slysó í kvöld.... það verður stuð :)
-Er voðalega skotin í EMAMI kjólnum mínum


p.s.
myndir frá nefndarpartýinu eru bæði komnar HÉR og koma  inná Facebook aðeins seinna
SHARE:

mánudagur, 27. október 2008

Helgin...

kom og fór... mér til mikillar furðu..

Viðar kom á fösturdaginn, og mamma og pabbi og Þráinn og Jobbi... jæks. það var full íbúð af fólki hérna í bænum um helgina. Mamma og Þráinn voru á Björgun 2008, pabbi var að setja upp ljós í eldhúsinnréttinguna mína, Jobbi var aðallega í því að kúra hjá hverjum þeim sem var heima og ég og Viðar dunduðum okkur við hitt og þetta.

Á laugardaginn kíktum ég, Viðar og Arnar og Ingvar bræður hans á Café Rósenberg og hlýddum þar á Ljótu Hálvitana láta hálvitalega í 3 tíma. Góð skemmtum :)
SHARE:

mánudagur, 20. október 2008

klukk

Ég hef aldrei verið neitt hrifin af klukki en... hérna hafiði þetta 

1. Fjögur störf sem ég hef unnið um ævina:
- Kokkur á Hóteli
- Afgreiðsludama í búð
- Au-pair í Englandi
- Skógræktari

2. Fjórar íslenskar bíómyndir sem ég held upp á:
- Mýrin
- Englar alheimsins
- Sódóma
- Köld Slóð

3. Fjórir staðir sem ég hef búið á:
- Vík í Mýrdal
- Hafnarfjörður
- England
- Reykjavík

4. Fjórir staðir sem ég hef heimsótt í fríum:
- Danmörk
- Írland
- Spánn
- England

5. Fjórir sjónvarpsþættir sem mér líkar:
- House
- Greys anatomy
- Bones
- Allir CSI

6. Fjórar síður sem ég skoða daglega:
- mbl.is
- Visir.is
- perezhilton.com
- Facebook.com

7. Fernt matarkyns sem ég held upp á:
- Pizza
- Hamborgarahryggur
- Humar
- Saltkjöt

8. Fjórar bækur/blöð sem ég held upp á/les oft:
- Hannibal bækurnar
- Matreiðslubók Nönnu
- Arnaldar bækurnar
- Fundimentals of nursing

9. Fjórir staðir sem ég vildi vera á núna:
- Bandaríkin
- Heima uppí rúmi
- Heima í Vík
- England

10. Fjórir bloggarar sem ég á að klukka:
klukka ekki neinn
SHARE:

föstudagur, 17. október 2008

Allir sem einn útrásarbófarnir









Allir sem einn útrásarbófarnir.

Úr munnvikum þar lygin lak
Útskeifur og svalur
Þóttist hafa á öllu tak
Kjaftaglaður halur. 


Höfundur vill ekki láta nafns síns getið

þetta ljóð var ort eftir Kastljós í vikunni, þar sem birt voru gömul viðtöl við framámenn bæði útrásarmenn og pólitíkusa.

lesið þetta ljóð nokkrum sinnum og sjáið að það er þónokkuð til í þessu, ef þið horfðuð á þennan Kastljós-þátt á annað borð. Því miður vill höfundur ekki láta skrifa sig við ljóðið en hann er mér þó nokkuð skyldur...

ritgerðarkveðja
Ragna 
SHARE:

miðvikudagur, 15. október 2008

fyrir karlmenn sem vilja hefja sambúð...

Nýtt námskeið á Bifröst.... einungis fyrir karlmenn
Hvert námskeið tekur tvo daga og efnið er eftirfarandi:


HVERNIG Á AÐ FYLLA ÍSMOLAMÓT ?
Skref fyrir skref með glærusýningu.

KLÓSETTRÚLLUR: VAXA ÞÆR Á KLÓSETTRÚLLUHALDARANUM? Hringborðsumræður.

MUNURINN Á RUSLAFÖTUM OG GÓLFI
Æfingar með körfuefni (teikningar og módel).

DISKAR OG HNÍFAPÖR: FER ÞETTA SJÁLFKRAFA Í VASKINN EÐA UPPÞVOTTAVÉLINA?
Pallborðsumræður; nokkrir sérfræðingar.

LÆRA AÐ FINNA HLUTI
Byrja að leita á réttum stöðum í stað þess að snúa húsinu við gargandi -
Opin umræða.

TÓMAR MJÓLKURFERNUR; EIGA ÞÆR AÐ VERA Í ÍSSKÁPNUM EÐA Í RUSLINU?
Hópvinna og hlutverkaleikir.

HEILSUVAKT; ÞAÐ ER EKKI HÆTTULEGT HEILSUNNI AÐ GEFA HENNI BLÓM
PowerPoint kynning.

SANNIR KARLMENN SPYRJA TIL VEGAR ÞEGAR ÞEIR VILLAST
Sönn saga frá manninum sem spurði til vegar.

ER ERFÐAFRÆÐILEGA ÓMÖGULEGT AÐ SITJA ÞEGJANDI MEÐAN HÚN LEGGUR BÍL?
Ökuhermir.

AÐ BÚA MEÐ FULLORÐNUM; GRUNDVALLARMUNUR Á ÞVÍ AÐ BÚA MEÐ MÖMMU ÞINNI OG MAKA
Fyrirlestur og hlutverkaleikir.

HVERNIG Á AÐ FARA MEÐ EIGINKONUNNI Í BÚÐIR
Slökunaræfingar, hugleiðsla og öndunartækni.

AÐ MUNA MIKILVÆGAR DAGSETNINGAR OG AÐ HRINGJA ÞEGAR ÞÉR SEINKAR
Komdu með dagatalið þitt í tímann.

AÐ LÆRA AÐ LIFA MEÐ ÞVÍ AÐ HAFA ALLTAF RANGT FYRIR SÉR
Einstaklingsráðgjöf og samtöl.



Skráning er hafin í s. 666-9999.


-Viðar, þú ert kominn á biðlista og vonandi kemstu að fyrir jól... þetta er víst svaka vinsælt :)

SHARE:

þriðjudagur, 14. október 2008

aah...

líður alveg yndislega... er ánægð eftir góða helgi og það að Viðar gat verið einum degi lengur hjá mér var alveg æði :) borðuðum bara saman og spiluðum trivial með kveikt á þriðja tug kerta :) ... Hlakka til að geta gert þetta oftar... vonandi verður það sem fyrst...

Verkefnin gætu sligað mann þessa dagana... Ég er á SPSS (tölfræðiforrit) námskeiði alla vikuna sem líkur með prófi á föstudaginn... Ég skilaði úrdrætti á grein í dag fyrir umræðutíma í Vöxtur og Þroski og næst á dagskrá er síðasti umræðutími vegna verknámsins á morgun þar sem ég mæti með viðtalið sem ég tók fyrir 2 vikum (klst langt) og er búin að pikka það allt upp, greina og finna þemu í innihaldi þess... Þarf svo að skila lokaverkefni í verknámskúrsinum Hjúkrun langveikra fullorðinna sem er þetta viðtalsverkefni með fræðilegum heimildum og úrvinnslu á því ásamt útskriftarverkefni sem við gerðum eftir að hafa farið í heimsókn til sjúklings sem hafði útskrifast af deildinni okkar á meðan við vorum þar í verknámi...
jú og á mánudaginn verðum við nokkur í bekknum að vera búin að hittast, lesa grein, búa til spurningar og undirbúa Panelumræður sem eiga fara fram á mánudaginn... 
Þetta er samt ekki allt... Ég er að vinna á fimmtudaginn, Slysó-bráðadeildar-slökkviliðspartý er á laugardaginn og ég er að vinna á 11-E á sunnudagsmorguninn...

það verður bara gaman þegar ÞESSI törn er búin ... aaah. 
Nokkrar slíkar eru samt eftir og einhver heimapróf, heimadæmi stórt verkefni í vöxtur og þroska og meiri greinar til að lesa :) 

áður en ég veit af þá verða komin jólapróf! þetta árið eru prófin frá 3. des til 10. des sem er virkilega jákvæð breyting frá því í fyrra þar sem prófin voru búin 21. desember, á föstudegi fyrir jól... (ég fæ ennþá taugahnútstilfinninguna í magann) 

allt er samt gott að frétta.. 

Árún mín kemur til Íslands á morgun og Bróðir minn fer til Danmerkur á morgun ( til Århus meira að segja... haha) Amma er ágæt og ég er hamingjusöm :)

Síðu helgi kíktum við vinkonuhópurinn í virkilega flottan bústað Rafiðnaðarsambandsins við Apavatn og makarnir fylgdu með (mis-seint þó).  Potturinn var nýttur, farið var í salthnetu og rúsínu-slag, kökur voru bakaðar (TVISVAR) og nautakjöt með öllu var framreitt...
spiluðum líka partý og co og hlegið að hve fólk gat verið seint að fatta stundum :) 
takk elskurnar :)


SHARE:

föstudagur, 10. október 2008

veiveivei

Er að fara í árlega sumarbústaðaferð með Rósunum.... saumaklúbbnum mínum :)

þetta árið er ferðinni heitið upp að Apavatni og mökum boðið að vera með..

Reyndar kemst Viðar ALLS ekki fyrr en á laugardagskvöldið en þetta er bara svo löngu planað að hann fær fáar afsakanir og skal koma þá :) 

jæja, best að halda áfram með aðstandandaverkefnið í krabbahjúkrun til að geta farið að leggja af stað.

c ya all

SHARE:

þriðjudagur, 7. október 2008

mér finnst...

... furðu gott að blogga þegar ég er VIRKILEGA pirruð, og líka þegar ég er sár, reið, leið, osfrv...

tilfinningablogg má kannski kalla þetta? Bloggin eru samt oftast ágætlega dulbúin (þó alls ekki alltaf).

tilfinningablogg dagsins á að fjalla um ...

****eytt út *****

btw... ég er búin að fá ÓGEÐ á Krepputali... og þó að ég skuldi ekkert eða á engin lán í erlendri mynt eða er að fara á hausinn þá er ég samt komin með kvíðahnút í magann...
og eitt það versta er ... að þessu krepputali er ekki NÆRRI lokið. ó nei elskurnar, þetta er rétt að byrja og við eigum eftir að tala um þetta alla ævi ... náið í pennann og blýantinn og farið að hjálpa til við að skrá þennan sögulega atburð sem við erum að verða vitni að. 


SHARE:

fimmtudagur, 2. október 2008

Framtíð og heill íslensku þjóðarinnar er í húfi...

.... jakk!!

Alþingismennirnir og forsætisráðherrann hljóta allir hafa flett upp í "bók klisjusetninga" og flytja núna ræðurnar sneisafullar af þessum klisju-setningum og hljóma allir svo prest-lega að mig langar að tuldra ofan í bringuna á mér "amen" eftir að hver og einn hefur lokið orði sínu. 

Geir H. Haarde hefur greinilega fengið endurútgefinn lyfseðil upp á bjarsýnispillurnar sem hann hefur verið á síðustu 4 mánuði og Steingrímur J. Sigfússon er PPPPirrraður (eins og heyrist svo skemmtilega í leikritinu Fló á skinni þessa dagana í Borgarleikhúsinu og þið ættuð öll að sjá). Já. Steingrímur er virkilega PPPirrrraður og hefði getað dregið predikunar (amen) ræðuna saman í 4 orð.. " I TOLD U SO! " 

Ég ætla nú ekki að tala um þetta neitt of mikið samt :)

Til að rifja upp síðustu daga og síðustu helgi þá kom Viðar síðasta föstudag, frekar seint fyrir minn smekk samt og við kíktum á KFC svona í tilefni þess að það var komin helgi. 
á laugardaginn þrömmuðum við um allan laugarveg vopnuð plakötum og bæklingum og er ég núna búin að skila af mér Þjóðleikhús-vinnunni minni... finally
Um kvöldið var svo eldaður jummý humar og er Viðar að standa sig ansi vel í eldhúsinu og að hjálpa til ... framar öllum vonum ;) híhí
Kvöldið enduðum við svo á pöbbarölti með Arnari, bróður Viðars og hlustuðum á Ingvar hinn bróðir hans spila og syngja á Dubliners 

Eins og í síðasta bloggi þá bauð ég viðar á Vox á Nordica þar sem við eyddum rúmlega klst í að raða hægt og rólega ofan í okkur frábærum Brunch .... ÞIÐ VERÐIÐ AÐ PRUFA ÞETTA ! 
Eftir að hafa kíkt á Ömmu upp á spítala og að Viðar hafi loksins hitt Döggu frænku (hvernig leist þér á hann Dagga? ) og Afa minn þá var komið að síðasta knúzinu áður en fuglinn flaug norður aftur

*þið sem viljið æla af væmni megið gera það núna*

Verknámsvika nr 2 er alveg að verða búin að verkefnin hrannast á okkur, tók klst viðtal í dag við konu sem er með langvinnan sjúkdóm... Var orðin asnalega stressuð að þurfa að taka allt upp, sitja og taka opið viðtal við konuna án þess að reyna að spurja beinna spurninga og yfirheyrsla og reyna frekar að "stíra" viðtalinu. Mestur óttinn var óþarfur enda var konan mjög hress og opin og talaði um flest allt sem ég vildi heyra. 

Ferðinni er heitið austur á morgun og á laugardaginn mun FRITZ VON BLITZ stíga á stokk á Ströndinni.. (good memories!!!! ) :)
ég ætla s.s. að syngja og skemmta mér ... plús að Helena og Pálmi halda upp á afmælin sín þar fyrr um kvöldið.

Ætla núna að einbeita mér að hinum manninum í lífi mínu (Dr. House) 

reynið nú að kommenta einu sinni !! :) 



SHARE:

sunnudagur, 28. september 2008

*rop* afsakið mig....

... en ég er bara ennþá södd eftir  rómantíska ferð á Brunch á VOX í hádeginu....

namm ! 


SHARE:

þriðjudagur, 23. september 2008

verkefna-stjarfi og stress...

Er búin að skoða allar kennsluáætlanir (og sumar eru 20 bls!) og skrifa niður í iCal alla þá skiladaga á verkefnum, umræðufundi, þáttöku í umræðufundum, panelumræður, tölfræði-tölvu-námskeið, verknámsverkefni, heimapróf, ritrýniverkefni og margt fleira. 

þið þarna sem ég laug að ég væri næstum komin í frí eftir 10. október og fram að prófum... haha... þarna laug ég sko að ykkur ! :) 

skipulagið er orðið svo gríðarlegt að það er engin leið fyrir mig að halda planinu en sjáum til, þetta hefst sjálfsagt með smá sjálfsaga.

Gigt í fyrramálið og síðan slysó annað kvöld. gott að Viðar er að koma á föstudaginn svo að ég get fengið smá  dekur eftir vinnuvikuna :) 


SHARE:

mánudagur, 22. september 2008

mánudagur...

flogin heim frá akureyri, lenti rétt rúmlega 10 í morgun og fór í skúlen. 
Hefði nú kannski helst óskað þess að hafa bara ekkert farið norður en ég sé ekki fram á ákvarðanir annarra fyrirfram og sérstaklega ekki hjá þeim sem ég hef ekki nokkur völd yfir. 
böggandi samt að ákvarðanir annarra geti haft svona mikil áhrif á mig... bara ef þið vissuð hvað ég get orðið leið yfir því :(

ferðin var kannski ekki 100% waste of time... Ég fór víst í 30 ára afmæli hjá Önnu og set inn myndir af því seinna, svo eldaði Viðar (já þetta er komið á veraldarvefinn) svaka pastarétt og hvítlauksbrauð og det hele  ! sá getur sko verið stolltur :) 

mikið að gera í vikunni...

verknámið á B7 hefst á morgun og verð svo að vinna á slysó á miðvikudag og fimmtudag. Sem betur fer er ég í verknáminu í fossvogi svo að ég ætti að geta mætt á réttum tíma í vinnuna og vinna tvöfalt á mið og fim. Af fenginni reynslu ´þa er það alger DAUÐI á meðan maður er í verknámi því að einbeitingin er þarf alveg að vera 100% allan daginn í verknáminu því að þar er verið að prufa okkur og láta okkur læra nýja hluti. Ekki skánar það að vera ennþá í aðlögun á slysó :) en henni líkur á fimmtudaginn svo að eftir það er ég on my own ! :) 4 vaktir í aðlögun ? er það ekki nóg ? haha

Nýjustu fréttir er að ég seldi mig á föstudaginn... salan hefur formlega farið fram og kostaði ég 2 árskort í baðhúsinu sem gerir 91 þúsund krónur í sparnað fyrir mig og í staðinn fá þau að eiga mig og minn árangur með húð og hári í svipaðan tíma. 
Ég skal segja ykkur meira þegar myndirnar og greinin verður tilbúið. 

vei vei :) 

fínt fyrir fátækan námsmann sem eyðir of miklu í gagnslausa flugmiða :) 


SHARE:

sunnudagur, 21. september 2008

totally alone...

Er á akureyri, ein, bíllaus, matarlaus (nema að ég borði jógúrt í máltíð nr 2) og það er ógeðslegt veður úti... ég ekki einu sinni með almennilegan jakka.
skil nú eiginlega ekki hvað ég var að gera hingað in the first place.
SHARE:

miðvikudagur, 17. september 2008

2 dagar...

í þessari viku hafa farið í algert rugl... ég hef gert hluti sem ég hefði ekki átt að gera og ekki gert hluti sem ég hefði betur átt að gera...

I'm a total mess
SHARE:

mánudagur, 15. september 2008

að verða upp dressuð...

Fann LOKSINS síðar leggins í dag... sem detta ekki niðrum mig í 12. skrefinu niður tröppurnar á leiðinni út úr íbúðinni, er hætt að setja almennilegar teygjur á föt ? Ég fann líka alveg bráðmyndarlega síða/þunna peysu... þá aðra í röðinni á ekki viku. Ég er bara alveg  bit yfir árangrinum í skólafatakaupum. 
Nýja loftræstingin sem loksins er komin í skólann eftir mikla baráttu fyrir að fá loftræstingu í stofur með 90 manns 5 tíma á dag, er aðeins að drepa okkur. Skv Sæla húsverði þá er víst ekki alveg búið að full stilla hana og hún heldur okkur köldum á meðan. Flottar grifflur og kósý peysur eru semsagt mál málanna þessa dagana, sem og kaffi hjá Ágústu (sem hefur annað hvort skánað síðan í fyrra eða að allt spítalakaffið í sumar hafi kennt okkur að meta betur það sem við höfum). Flest erum við annað hvort vel á veg komin með 1. kaffikort skólaársins eða búin að kaupa annað. Það segir allt um syfjustigið sem við göngum í gegnum á morgnana, sérstaklega þegar Rúnar tölfræði-/félagsfræði-/aðferðafræðikennari kennir okkur 4 tíma í röð og talar um zeta-gildi og úrtaksfræði... (not my thing UH HUH!) eða kannski er það kuldinn sem lætur okkur drekka allt þetta kaffi...?

spennandi fundur sem ég fer á á miðvikudaginn... að honum loknum er ég hrædd um að ég þurfi að taka ákvörðun um hvort ég ætli að selja mig eða ekki... :) í óeiginlegri merkingu 


SHARE:

sunnudagur, 14. september 2008

Helgin búin...

vá, hún líður alltaf svo hratt :/

Helgin var annars tekin með þónokkrum rólegheitum og dálitlum plönum.
Viðar kom á föstudaginn eftir að hafa keyrt eins og skaldbaka að norðan (eða amk mér fannst tíminn líða ansi hægt)

Eldaði svo pizzu í pizzaofninum og pizzan hans Viðars var bara betri (svei-mér-þá)... :) hann er ráðinn í djobbið
Ég var búin að baka svakalega súkkulaðiköku sem við höfðum svo ekki pláss í svo að hún beið fram á laugardaginn.

Á laugardaginn var ég með smá óvænt planað... Byrjaði á að prufa svoldið nýtt sem er ÞETTA .
Þetta er smurt brauð, með beikoni og rifinni skinku í botninum, bakað í smá tíma í ofni, síðan er egg brotið ofan í brauð-bollann og smá rjóma hellt yfir + salt og pipar. setti þetta í soufflé-mót en það er líka hægt að muffins-kökuform. 
um Kvöldið komuLóa og Bjarni með okkur á double-date og við borðuðum á Madonnu og ég bauð svo öllum í Þjóðleikhúsið að sjá Ástin er diskó, lífið er pönk. Eldhresst leikrit og tilvalið að fara til að skemmta sér á laugardegi :)

í dag var formleg skírn Edvards Þórs og var hún haldin í Fella- og Hólakirkju. haha... þið sem voruð í Víkurskóla-barnakórnum kannist örugglega við nafnið. Þarna var nefnilega kórdiskurinn okkar frægi tekinn upp á einhverjum dögum árið nítján-hundruð og snemma... 

old memories....

við horfðum svo mest megnis á klukkuna eftir að skírnarveislunni var lokið og við vorum búin að fara í kringluna. Klukkufjandinn gekk allt of hratt og áður en við vissum af var klukkan orðin það margt að það var kominn tími á að Viðar færi út á flugvöll...

Vildi bara að ég gæti farið þangað næstu helgi... 



SHARE:

fimmtudagur, 11. september 2008

Stuð..

I love whitewine :)


get ekkert bloggað meir um hvað planið er um helgina þó að það sé hellings...
ég get ekkert bloggað um helgina af því að það á eitthvað af því að koma á óvart... ;) tjah, ef ekki flest allt... nema skírnin :)
SHARE:

miðvikudagur, 10. september 2008

óóóó

Var að fatta að það er landsleikur í kvöld og ég er að vinna á slysó...
kannski ég hitti einhverja myndarlega skota í skotapilsum þar :p

fer kannski eftir hver vinnur?
SHARE:

bloggedíblogg

Það hefur sko verið alveg RUGL mikið að gera í þessari viku í verkefna vinnu, heima prófum og dead-lineum.
Ég ætla samt bara að henda inn nokkrum orðum.

Fór austur um síðustu helgi og lét mér ekki nægja að fara til Víkur heldur fór ég þaðan með pabba og jobba litla í sveitina að Hunkubökkum þar sem réttir voru haldnar. Ég var auðvitað búin að panta mér prinsessuherbergið hjá ömmu á afa á meðan mamma og pabbi voru í fellihýsinu og þráinn og Karen í tjaldi. það var síðan legið í öllum rúmum á öllum bæjum og þar á meðal var ferðaþjónustan full.
Á laugardaginn var síðan réttardagur í rosalega góðu veðri og svei mér þá, fólkið næstum jafn margt og kindurnar inní hringnum.
Ég lét mig nú hafa það að draga nokkrar kindur og það er bara drullu erfitt! sérstaklega þegar mamma lætur mann alltaf draga stórar þrjóskar kindur og ofvirk lömb sem eru án handfanga (kollóttar) Þessar sem svo eru með handföngum skilja eftir fallega marbletti á lærunum sem ég skarta stolt núna :)

um kvöldið var svo farið á leiðinlegasta réttarball sem ég hef farið á á ævinni, var líka drulluslöpp með massíva hálsbólgu, kvef, hausverk og svima og fór heim fyrir 2 og ekki einu sinni almennilega ölvuð! :)

annars hefur vikan farið í heimalærdóm og á eftir að vera þannig.
Viðar kemur á föstudaginn og er margt planað, þ.á.m. skírn hjá bróður hans, barnið er löngu nefnt svo að spennan er ekki jafn gríðarleg, nema jú fyrir kræsingunum :)

myndir frá Réttum eru hér
SHARE:

föstudagur, 5. september 2008

Réttir

það er komið að þessu árlega... Fara austur í réttir. Leiðinlegast við þetta allt saman er hve mikið af dóti maður þarf að taka með sér. Réttarföt, hlý föt, spariföt, skóladót, tölvuna, náttföt, venjuleg föt... Taskan verður ekki létt.

Kannski að ég kíki svo á réttarball með hinum unglingunum... c til
SHARE:

þriðjudagur, 2. september 2008

HEIMSKA BELJAN ÞÍN!

loksins fann ég auglýsinguna sem ég hlæ alltaf jafn mikið af á Discovery Channel og er búin að reyna að leika (mis vel) eftir og útskýra fyrir fólki :D 


kommentiði :D
SHARE:

sjúbb sjúbb sjarrei...

stundaði merkilega iðju í dag... frá 11-12.20  stóð ég í hjúkkufötum á háskólatorginu og kynnti Curator, félag hjúkrunarfræðinema, frá 12.20 - 12.40 söng ég með kvennakór háskólans á torginu... á tónleikum til að kynna kórinn... fun.

ég fór nú samt úr búningnum fyrst...

eftir gjörsamlega gangslausa ferð í kringluna (þessi var þá númer 4 í röðinni)  fór ég með bílinn minn í skoðun sem hann stóðst villulaust (fyrir utan bilað bakkljós í nýju ljósunum sem ég fékk um daginn af einum varabílnum)  annars fékk hann toppeinkunn (miðað við bíl sem hefur verið keyrður 274 þúsund kílómetra og er árgerð '93) hann er nú líka toppeintak ! :) með topp ökumanni... uh ég hætti hér bara :)

eftir topp-ferðina í skoðun (ok ok ég er hætt) fór ég heim, aðeins að lesa og bjó svo til uppskrift... notaði 2 uppskriftir til hliðsjónar og breytti, bætti og sleppti hlutum úr og gerði hollar - epla og haframuffins með rúsínum og pecanhnetum


jummí ! 

er búin að smakka þær heitar og smakka þær kaldar síðar...
heita útgáfan lofar góðu :)

bíó kl 17.45 að sjá Sveitabrúðkaup með leikarana sem veita viðtal fyrir og eftir mynd... stuð

SHARE:

föstudagur, 29. ágúst 2008

Fúlt!!

auðvitað er ekki flogið til Akureyrar vegna veðurs... ég bíð því enná hér í Reykjavík... 

Það er nú ekki eins og helgin sé löng :(
SHARE:

fyrir fátæka námsmanninn...

Ef einhver af ykkur er að vinna 2ja vikna kort í Mecca spa-heilsurækt og ætlið ykkur ekki að nota það...

þá er hérna minnkandi háskólanemi sem er með emailið ragna    hjá     ragna.is sem blikkar ótt og títt til ykkar :D
SHARE:

fimmtudagur, 28. ágúst 2008

júbddídúú...

Skrambi hækkuðu allar skólabækur í kreppunni... bók sem kostaði mig 7400 í fyrra er núna seld á 8900! 

ég skildi eftir skóna mína, veskið mitt og lofaði að koma með köku í bóksöluna til að borga fyrir bækurnar sem ég keypti áðan því að hvorki VISA-kortin eða debet kortið vildu "kovera" kostnaðinn... helvíti er þetta orðið slæmt ! 

Á morgun ætla ég að stinga af til Akureyrar, þeas ef að veðurguðirnir verða ekkert hættir að láta móðann mása og hleypi mér ekki í loftið... ég fer þá bara seinna um daginn þegar veðrinu slotar. 
Um helgina er Akureyrarvaka á Akureyri og ætlum ég og Viðar að labba um bæinn og skoða það sem verður í gangi... kannski sjáum við flugelda? oooh , það væri næs :D


SHARE:

þriðjudagur, 26. ágúst 2008

ekkert nema sjálfspíning...

Ég sit hérna og sötra á sjeik ( með röri ) sem er ekkert nema mjólk, klakar, banani og jarðaber + 2 tsk af próteindufti og hugsa hve maturinn sem Rachel Ray er "ólystugur" .... urgh

en...
ég ætla ekki að hætta að missa kíló ! ég skal ! 

stuttur skóladagur í dag, var bara til 11 í morgun og síðan þá hef ég legið í dvala, þó svo að íbúðinni veitti ekki af ryksugun eftir allan mannfjöldan sem var hérna alla helgina. uuh.. geri það í kvöld... 

núna er eitt stk afi búinn að liggja inná sjúkrahúsi síðan á föstudaginn þegar hann kom með flýtileið í bæinn... þó svo að planið hafi verið að útskrifa hann í dag, þá er sjúkrahúsheimsóknum mínum ekki lokið því að í kvöld legst önnur amman inná sjúkrahús og er að fara í enn eina aðgerðina í fyrramálið. 
það er ágætt að ég kann ágætlega vel við mig innan veggja spítalans :)

xox
SHARE:

mánudagur, 25. ágúst 2008

jæja ..

ég er greinilega komin í ruglið.

blogger er komið með fullt af nýjum fítusum sem ég hef ekkert séð...
Ég setti inn kubb hérna til hægri sem heitir "useless knowledge" og þið sem þekkið mig þá hef ég voðalega gaman af því ...
Í hvert sinn sem þið komið hingað inn mun því koma inn ný "gagnslaus vitneskja" og vitneskjan í þetta skiptið er :




The word testimony came from men in Roman times taking an oath before the court that they were telling the truth. To insure their statements were accurate, they swore on their testicles.


Enojy 
SHARE:

Skólinn er byrjaður...

með tilheyrandi syfju :) 
Þess vegna byrjaði ég fyrstu frímínúturnar á því að kaupa mér kaffikort og kaffið hefur skánað síðan í fyrra... svei-mér-þá :) 

Erum núna komin í aðra stofu, stofu 205, sem er kennd við 3ja árið.. já. næst síðasta árið er hafið og núna er þetta serious! :) ekkert pískur meir :) 

Auðvitað horfði ég á leikinn í gærmorgun. Við vöknuðum öll sem gistum í íbúðinni eldsnemma og ég vippaði fram á morgunverðarborðið stóru hlaðborðið af "English-breakfast" sem samanstóð af ristuðu brauði, spældum eggjum, steiktu beikoni, steiktum pulsum, spaghetti í dós og bökuðum baunum, ofnbökuðum tómötum og auðvitað fylgdi kaffi með sem var svo notað til að bleyta í ástarpungum og kleinum sem komu frá mömmu...
Svona morgunverður fer samt ekkert voðalega vel í magann... einu sinni á ári er fínt ! :)


Ég er núna búin að uppfæra og bæta inn linkum hérna inná síðuna 
SHARE:

sunnudagur, 24. ágúst 2008

helgin á enda...

og það þýðir bara eitt...

fyrir mig er sjálfsagt best að finna til blað og blýant því að skólinn hefst á MORGUN og það verður ekkert slakað á frá og með fyrsta kennslutíma. 
Ég verð svo auðvitað í fullu fjöri sem gjaldkeri Curators og þarf að mæta í helst -ALLAR- vísindaferðir, kórinn er svo á þriðjudagskvöldum í 2 tíma og ég vinn á slysó öll miðvikudagskvöld.  :)

Planið fyrir veturinn er því nokkurnveginn
 svona og það verður nóg að gera í verkefnavinnu, bókalestri og verknámi.. Ég er samt ekki búin að fá að vita í hvaða verknámshóp ég er í þessa önnina þó að ég auðvitað voni að ég sé í hóp A og fái því góðan tíma til að lesa undir jólaprófin en ekki vera að byrja í prófum daginn sem ég klára verknámið og þarf að skrifa ritgerð um leið og ég les undir prófin ... eins og ég lenti í í síðustu jólaprófum.


Viðar kom um helgina og hann hitti loksins Afa og ömmu á Hunkubökkum (þó að það hafi ekki verið undir ákjósanlegum aðstæðum) 
Á menningarnætur-deginum gengum við aðeins um miðbæinn vopnuð regnhlífum því að það rigndi all hressilega allan daginn alveg fram á kvöld. 
Fúsi og Guðný kíktu svo líka í heimsókn og voru í mat hjá okkur þar sem eldað var gourmet nauta fillet með svaka góðu meðlæti... mmmmmm :D
við töltum svo öll saman yfir á miklatún í gúmmítúttum og flott á því og hlýddum á tónleikana ásamt öllum hinum :) sem voru ekkert fáir. 
þegar síðasta lagið hljómaði, gengum við áleiðis niður að sjá þar sem við komum okkur kózý fyrir á fjörugrjótinu og horfðum á flugeldasýninguna. Eitthvað datt fjörið niður við flugeldana því að ekkert okkar langaði að djamma meir og fórum við því bara heim, Hildur og Gústi kíktu við og við  spjölluðum öll fram á nótt
SHARE:

miðvikudagur, 20. ágúst 2008

long time, no see



allt of langt síðan ég bloggaði síðast og nú veit ég ekkert hvar ég á að byrja !

Ég var örugglega ekki búin að segja ykkur að ég fór aftur á akureyri þarsíðustu helgi.. oooh ég veit. Get ekki tollað á þeim staðs em ég ætla mér. ákvörðunin að fara þangað var ansi ansi snögg-tekin og var rétt rúmur klukkutími liðinn frá því að mér datt í hug að fljuga þangað með hoppi og þangað til að ég var komin þangað !

Á föstudeginum var svo fiskisúpa á Dalvík og fórum við því þangað og smökkuðum fiskisúpur í görðum fólksins og hlýddum á Hvanndalsbræður spila í garðinum hjá Svanhildi og Loga. Við röltum svo um götur Dalvíkur, kíktum á fallega garða og hittum fólk. Renndum síðan heim til Arnars og Önnu og vígðum pottinn hjá þeim sem þau voru að setja upp í garðinum. Ótal kerti og algert logn... algert æði ! :) finnst verst að hafa ekki reynt að taka mynd af þessu.

á Laugardeginum var viðar að vinna svo að ég fór bara í hálfgerða "pössun" til Arnars og Önnu og við rúntuðum á Dalvíkur þar sem fiskidagurinn mikli var í hæstu hæðum og gengum þar á milli bása og borðuðum fisk í massavís, í allskonar útfærslum.

Við enduðum svo kvöldið á svipuðum nótum og kvöldið áður... Grilluðum jammí mat og fórum svo í pottinn :)

Síðustu helgi var ég EKKI á Akureyri ( GASP! ) Heldur fór ég í fallegasta og skemmtilegasta brúðkaup sem ég hef farið í ... Brúðhjónin voru yndin Björgvin og Ellý og var athöfnin og veislan alt hið glæsilegasta. Ekkert var too much og allt svo passlegt og fínt. Maturinn var geeheeeðveikur og kakan góð (namm)
takk fyrir mig :*
Núna er ég komin heim í Víkina og planið er ekki mikið, ég stoppaði reyndar á Hellu á austurleiðinni og hjálpaði björgunarsveitinni í Vík við að tjalda stærsta tjaldi á íslandi sem er 1200 fermetrar og riiihiiisa stórt.. það tók okkur 11 líka rúma 6 tíma að tjalda því og 4 litlum tjöldum með...




eftir smá rúnt í sveitina í gær þá er ég aftur komin í víkina og hér er skal ég ykkur segja... alveg frábært veður !

c ya later ;)
SHARE:

miðvikudagur, 6. ágúst 2008

jebbsí...

6 dagar eftir í vinnunni... hellings að gerast...

-Veit ekki alveg hvernig helgin verður en sjáum til :) 

-Byrjuð aftur í ræktinni og að borða gras :D nenni ekki lengur að standa í stað !

-Skólinn? ehuh.. hugsa um það seinna


SHARE:

mánudagur, 4. ágúst 2008

Jæja..
þá er ég komin heim enn og aftur.

Ég fór aftur til Akureyrar á föstudaginn, aðeins 4 dögum eftir að ég kom þaðan síðast. 
Ég hoppaði á föstudagsmorgnunm kl hálf 9 og langaði að grenja þegar ég horfði á fullt af fólki með bros á vör labba inn í aðra vél en mína kl 8.15  og hún átti að lenda á Þjóðhátíð... úff mig langaði að hoppa bara í hana ! :) Eitthvað var það þó sem leiddi mig upp í Akureyrarvélina og ég lenti á Akureyri að ganga 10 í rosalega góðu veðri. Ég nýtti sólskinið þó eitthvað lítið og lagði mig í rúma 2 tíma þegar Arnar var búinn að skutla mér heim til Viðars. Þegar Viðar var svo búinn að vinna skoðuðum við aðeins Akureyri einu sinni enn og enduðum í pizzu heima hjá Arnari og Önnu þar voru svo líka Svanur og Biggi sem koma orðið árlega norður um Versló.
Kvöldið fór svo í smá drykkju og partý heima hjá þeim en við fórum þó snemma heim enda bæði drulluþreytt. 

Á laugardeginum var letin tekin á þetta. Veðrið fyrir það fyrsta var ekkert rosalega gott en upp úr 3 braust sólin fram og veðrið eftir það var gríðar gott. Enn sem aftur enduðum við hjá Arnari og Önnu og grilluðum saman hamborgara. Ekkert SMÁ GÓÐA hamborgara líka ! 
Svanur sagði það líka hátt og skýrt "American style hvað!" 
Ég kom mér samt næstum því í smá bobba því að í smá stund "týndist" eitt hamborgarabrauðið og eftir að hafa margtalið brauðin og kjötið þá vantaði eitt brauð og ég vissi ekkert hvað ég hafði gert við það. Þá allt í einu gellur í Svani... "SJITT, ÉG GLEYMDI KJÖTINU!" Það var því aflétt undirbúningi alsherjarleitar og auka kjötið skellt inn í "american style- hvað" borgarann hans Svans... haha

Einhver kvöldvaka var niðrí bæ á Laugardeginum en þar var skítkalt og ekkert eins margt fólk eins og ég hefði haldið svo að við fórum snemma heim og  höfðum það náðugt.

Á sunnudaginn bjó ég til "plat" afmælisdag Viðars. Hann á ekki afmæli fyrr en á miðvikudaginn en þá verð ég auðvitað ekki með honum svo að ég gerði sunnudaginn að afmælisdeginum hans svona á milli okkar. Hann fékk því afmælispakka í rúmið og var held ég bara ágætlega ánægður með valið. úff... ég var svo stressuð :/ Hann allavegana þorir ekki að segja annað.. :)
Ég sagði honum svo að ég væri búin að panta borða á La vita e Bella kl 7 og við ættum kannski aðvera svoldið fín... Hann dressaði sig upp og var ekkert smá sætur og þegar við stóðum fyrir utan Belluna sagði ég honum að við værum reyndar að fara á Friðrik V sem er rosalega flottur staður. Þar beið okkar 5 rétta ævintýramatseðill með smáréttum inná milli og tók það rúma 3 tíma að borða alla veisluna :) Efir góða góða matinn fórum við á Völlinn og fylgdumst með Eurobandinu og Danska sjarmörnum syngja ásamt fleirum .
Þegar flugeldasýningin var búin og allir gengu út af vellinum var mér hrósað fyrir flotta framkomu... Ég er kannski í svipinn örlítið lík Regínu Ósk... hélt konan að Viðar væri Friðrik Ómar? :)

Kvöldið var svo endað í árlegu versló partý heima hjá Birnu og Baldri. 

Enduðum helgina á að keyra í Munaðarnes í 30 ára afmæli og þaðan fékk ég svo far til Reykjavíkur. Ég gleymdi samt að bíllinn minn er útá flugvelli og nennir einhver að skutla mér þangað að ná í hann ?! 

Hér koma nokkrar myndir og eru alls ekki í röð


Í brekkunni á vellinum



Sviðið


Svanur haldandi á Frigg... ekki beint kjölturakkastærðin


Partý hjá Birnu og Baldri 


Að borða á Friðrik V


É


Freyja (bifukolla)

SHARE:

miðvikudagur, 30. júlí 2008

working the nightshift...

já ég var búin að ákveða að blogga í nótt þar sem það er svo langt síðan síðast en einhvernvegin er nóttin bara búin að líða ósköp hratt fyrir framan sjónvarpið á milli þess sem maður stússast og svarar bjöllum. Núna þar sem klukkan er að verða 6 er farið að koma að blóðprufutökum, sýklalyfjagjöfum og lífsmarkamælingum.

Síðasta helgi var æði, hreint út sagt :)
Ég flaug norður seinni partinn á fimmtudaginn, beint eftir vinnu, þar sem að ég hafði fengið alveg fruntalega gott tilboð á flugi fyrir svolitlu síðan, flugið kostaði mig bara 3800 kall.. ég meira að segja athugaði visa reikninginn til að sjá hvort að þetta hefði virkilega verið satt :)
Íris Björk vinkona kom með í flugið til að fá andlegan stuðning en hún er komin í sumarfrí og verður heima í sælunni í einhvern tíma.
Helgin hjá mér og Viðari var ansi plönuð... en ekki hvað, svona þegar ég á í hlut?
Á fimmtudeginum höfðum við það bara ansi kósí og fórum út að borða og svo fengum við okkur Brynjuís :)
Á föstudeginum var Viðar auðvitað að vinna og ég nýtti tímann í að fara í litun hjá Bryndísi(fannst þetta fyndið, sérstaklega þar sem konan var óendanlega lík mömmu) á Hárgreiðslustofu með AVEDA vörum á Akureyri og kíkti síðar til Írisar á pallinn heima hjá mömmu hennar. Veðrið var geeeðveikt og þurfti maður að anda hægt svo að maður svitnaði ekki hratt. Í hádeginu fórum við að borða á Strikinu og borðuðum úti á svölum í góða veðrinu.
Þar sem veðrið var svona gott þá urðum við að nýta sólina 100% og fórum síðar í sund með Diljá litlu hennar írisar og frænku þeirra.

Loksins þegar Viðar var búinn að vinna og allt orðið tilbúið brunuðum við austur á leið og byrjuðum á að fara á tjaldstæðið í Ásbyrgi en þar var allt troðfullt og búið að loka á fleiri farfugla svo að við færðum okkur yfir í Vesturdal sem er aðeins vestar og Hljóðaklettar eru þar. Við sáum sko alls ekki eftir þessari tilfærslu þar sem að náttúran er afar falleg þarna og svo var veðrið ólýsanlega gott. Við grilluðum ekki fyrr en upp úr 10 í kvöldkyrrðinni og hlýunni og skriðum svo í bælið sem var nú ekki alveg það mýksta.
Hitinn í tjaldinu vakti okkur rúmlega 6 morguninn eftir og gátum við lítið sofið eftir það. Enduðum á að hrökklast út úr tjaldinu með teppi og dýnu og leggjast í sólbað því að veðrið var enn betra en deginum áður, þrátt fyrir að það væri svoldið hvasst. Guði sé lof fyrir þetta rok, því að annars hefði verið ólíft. Rokið var líka útlenskt (heitt) svo að þetta var næs :)

Eftir grillun númer 2 lögðum við af stað í 1 1/2 tíma gönguferð um svæðið og skoðuðum Hljóðakletta og Rauðhóla, tókum svo saman tjaldið og rúlluðum okkur á Húsavík þar sem Arnar og Anna, vinir Viðars voru og auk þess stóðu Mærudagar yfir í bænum. Mamma Arnars var svo yndisleg að leyfa okkur að hafa afnot af sturtu og baði og við tjölduðum á túnbletti fyrir neðan húsið, á aðeins sléttara undirlendi en nóttina áður :)
Það sem eftir var af deginum fór í að labba um markaðinn á hafnarbakkanum, kíkja á (lélega) 4x4 sýningu, borða á Sölku, labba um bæinn, fara á kvöldvökuna og einhversstaðar í millibilinu lögðum við okkur (svona þar sem við sváfum ekkert of vel á hólunum nóttina áður).
Ég var voooðalega léleg í öllu djammeríi þó svo að bærinn hafi IÐAÐ af fjöri og böll voru í hverjum hjalli, kom ekki niður heilum bjór og við vorum skriðin ofan í pokana ansi snemma á djamm-mælikvarða :)
´
Á sunnudeginum var mér sópað í 1 árs afmæli hjá dóttur, vini Viðars og endaði kvöldið með því að fara út að borða, borða brynjuís (aftur... skylda) og horfa á DVD...
´
Mánudaginn hoppaði ég heim og fór svo að vinna...
:(

Ég er sem betur fer ða fara aftur norður um helgina..
ég fæ nefnilega besta verslunarmannahelgarfrí sem ég hef nokkurntíman fengið síðan ég byrjaði að vinna á sumarin. Frí föst-lau-sun-mán og kvöldvakt á þrið :) Auðvitað fer ég á eina með öllu og rifja upp gamla takta á dansgólfinu með Eurobandinu ;)
SHARE:

þriðjudagur, 22. júlí 2008

@ Work...

já og best að blogga aðeins áður en ég þarf að mæla BÞ hjá sjúkling í 15 skiptið í kvöld.



Mamma var í bænum í dag og við þræddum helstu verslanir bæði í Kringlunni og Smáralind... Eitthvað var ég ekki hress í dag frekar en í gær og fann mér EKKERT ... :(

Núna sit ég og bölva mér að hafa ekki keypt sápuna og handáburðinn í L'co.... sápubúðinni sem mig er búið að langa í síðan í síðustu viku, og ég sé líka eftir því að hafa ekki keypt nýja Coldplay diskinn.



Helgarplanið er aðeins að skýrast og er stefnan tekin á Húsavík/Ásbyrgi um helgina :) Kíkja á Mærudaga og þetta helsta sem hægt er að gera þarna fyrir norðan. Ég ætla samt ekki að keyra.. ó seisei nei. Ég ætla að taka prinsessuna á þetta og fljúga norður og til baka aftur. Reikna þó með því að við keyrum frá akureyri til Húsavíkur og gistum í tjaldi!

OK !



Ég er Semi-prinsessa :)



xxx

take care
SHARE:

Salsa? happy pill?

Ömurlegur dagur..

var pirruð, upptjúnuð, meyr og ómöguleg...

þar sem að ég er kvenmaður þá hef ég rétt til að hafa svona daga...

reyndi á endanum að redda deginum með því að draga sjálfa mig á hnakka drambinu á Salsa á Sólon (www.salsaiceland.com). svei mér þá nema a mér hafi liðið aðeins betur í smá tíma á meðan þessu stóð... 


SHARE:

laugardagur, 19. júlí 2008

í vinnunni...

á 11-G... svolítið mikið öðruvísi deild en 11-E, bjóst nú að þetta væri smá breyting en þetta er alveg hellings breyting. t.d. eru hérna næstum 10 mannst í varnareinangrun þar sem ónæmiskerfið þeirra er ekkert vegna veikinda og lyfjagjafa. Það stúss allt þekkjum við varla inná 11-E.

Núna er ég búin að segja upp á 11-E og ætla mér ekki að vera áfram með skólanum í vetur eins og ég hafði planað fyrst. aðstæður breytast og eina ástæðan sem ég get gefið er að þær eru persónulegar. Núna ætla ég aðeins að finna hvar ég ætla að verða í vetur að vinna :-)

ég fór á smá skrall í gær og endaði niðrí bæ á Celtic Cross og ellefunni, Kolla átti nebbla afmæli í fyrradag ... :)

jææja

vinna meira...

c ya
SHARE:

fimmtudagur, 17. júlí 2008

eins og fyrsti dagurinn í vinnunni...

Þar sem ég var veik á þriðjudaginn og fríi í gær þá hef ég ekkert verið í vinnnunni síðan síðasta fimmtudag. Málið er að deildirnar 11E og 11-G sameinuðust föstudaginn síðasta og verða þannig að 11-E er inná 11-G næstu 3 vikurnar. 
þetta veldur alveg heljarinnar ruglingi því að sjálfsögðu eru deildirnar ekki spegilmynd af hvor annarri, allt aðrir sjúklingar og ekkert á sama stað. Við erum því í því að rugla saman sjúklingum, finnum ekkert dót og löbbum 1/3ja af tímanum í hringi.  Þetta er svoldið eins og að fara í aðra vinnu og fá enga aðlögun. :) en þetta er bara skemtilegt þó að þetta geti verið afskaplega pirrandi...

"geturðu vigtað sjúklinginn inn á 10:2? "
"já, ekkert mál"
3 mínútum síðar
"HVAR GEYIMIÐI EIGINLEGA VIGTINA?!" 
ég er þessa stundina út á svöluim í langþráðu sólbaði, með svalandi drykk í hönd og hef það svona bara asskti fínt

Theodóra Kolbrún á svo afmæli í dag og óska ég henni til hamingju með að
:)


SHARE:
Ten reasons why you should date a nurse:

1) They can help you get over a hangover or sickness
2) Bedbaths!
3) The uniform
4) They are exposed to so many xrays, its like a form of birth control
5) You willl never need to buy condoms, paracetamol, toothbrushes or any hospital supplies
6) They know how to handle bodily fluids!
7) Nothing shocks a nurse, they have always seen smaller or indeed bigger!
8) They wont be disgusted by your toilet habits
9) They are experienced in manual evacuation when your full of crap
10)They know how to handle the human body!!!!!!!
SHARE:

miðvikudagur, 16. júlí 2008

volla!

mmmmh...
dílíshj

SHARE:

fyrir mataráhugafólk :)

það er alltaf voðalega gaman að fletta matreiðslubókum og láta sig dreyma um hvað maður ætli einhverntíman að baka eða elda... 

það er líka gaman að eyða löngum tíma í að fletta kökubókum þegar maður getur ekki valið hvað manni langar til að baka...

um daginn rakst ég á síðu sem er fullkomin fyrir fólk sem hefur gaman af þessu. 
þessi síða heitir www.tastespotting.com

þeir sem fatta ekki conceptið þá er t.d. til trainspotting og jafnvel planespotting. Þá eru fanatískir áhugamenn um lestar og flugvélar sitjandi við lestateina eða flugvelli með kíkja og fylgist með áhugamálinu sínu, taka myndir, skrifa niður hvað þeir sjá og hvaða tegundir þeir eiga eftir að sjá.. þetta eru sko alvöru nördar. Fínt og flott með það að það er til svona fyrir matarnörda. 

Þarna sendir fólk inn myndir af uppskriftum sem það hefur rekist á á netinu og þú getur síðan klikkað á myndirnar sem leiða þig að uppskriftinni af þessum tiltekna rétti. 
Leitarvélin er líka góð og hægt er að slá inn hvað þú gætir hugsað þér að gera og þá birtast margar margar myndir af girnilegum réttum ... 

oh my god ! þetta er æði ! :) 


er btw núna að baka í 2. sinn upp af þessar síðu. fyrri tilraunin heppnaðist príðarvel og núna er í ofninum sítrónu og bláberja kaka... namm ! 


SHARE:

þriðjudagur, 15. júlí 2008

Myndir frá reunioni

Eru komnar inná ragna.safn.net






SHARE:

gefið ykkur fram.. :)

Hvern þekki ég í Sviss sem skoðar síðuna mína næstum daglega ? 

Er ekki að fatta hver þetta er :D 


SHARE:

hress vs óhress...

gærdaginn tók ég með þrifum á íbúðinni, hátt og lágt og aðallega herbergið hans þráins sem beið þess ekki bætur að hafa mig þar inni í allan vetur að læra.  .  . Ég þvoði meira að segja af sænginni hans jóa og núna er allt orðið spikk og span :) 

Nýja hljómsveitarhúsnæðið er æði fyrir utan bergmálið sem er þar inni og vorum við öll meira og minna heyrnarlaus eftir æfinguna. Tek með mér tappa næst og reynum að finna út úr hvernig best er að hljóðdempa staðinn aðeins. 

skjótt skipast svo veður...
vaknaði í morgun alveg drulluslöpp eftir svefnlitla nótt þar sem á annað hvort skalf eða svitnaði og komin með hausverk og hálsbólgu dauðans... veik um sumar? jább! bingó ! 
druslaðist samt í vinnuna og vældi svo að fá að fara heim þegar ég mældi mig með 38 stiga hita og að vinna með sjúklinga í peniu... (ekkert ónæmiskerfi) 

er því heima í hreinu íbúðinni og hreyfi mig hægt.. :D

til hamingju með afmælin Hildur og Harpa Þöll :)
SHARE:

mánudagur, 14. júlí 2008

jahérna hér... mánudagur strax...

og hér er enn eitt mánudagsbloggið :/

Vikan síðasta hvarf algerlega í erfiðar næturvaktir og svefn svo að ég hef einhverjar afsakanir :) 
Ég og Viðar fórum í bíó að sjá Mamma Mía og henni mæli ég svo sannarlega með :) kannski ekki besta mynd sumarsins en með þeim skemmtilegustu. Langar að sjá þessa aftur sem og Sex and the city.

um helgina var haldið svakalegt reunion hjá '83-'85 árgöngunum í Víkurskóla og fór það fram í HELLIRIGNINGU og roki, tjah, en það er nú svo týpískt að við kipptum okkur ekkert upp við það og enduðum á að troða okkur öll í heitapottinn í sundlauginni.
Um kvöldið hittumst við svo á Ströndinni þar sem við fengum góðar pizzur, verðlaun voru veitt og næsta reunionnefnd kosin. 

Heyriði ... ein spurning
Ekki leynist einhver hérna sem vann 2ja vikna aðgang að silfursporti á Núinu? 
og vill einhver gefa mér hann ? 
Það væri vel þegið :)
sendið bara á ragna (hjá) ragna.is

myndir koma bráðum inn


í kvöld er það svo hljómsveitaræfing á Selfossi í nýja og fína æfingarhúsnæðinu okkar sem er með lazyboy, sófa og bjórkæli ! næææs

kveðja
xxx

SHARE:

mánudagur, 7. júlí 2008

Rapport...


Já, ég er komin heim úr Þórsmörk... 

Ferðin byrjaði í sundi um daginn þegar ég og Ingibjörg vorum að spjalla... hvernig væri nú að fara í stelpu-heilsuferð inn í Þórsmörk. Ég hafði alltaf ætlað að fara þangað á hverju sumri síðan-ég-veit-ekki-hvenær og aldrei farið, núna var því komið að ég hafði ekki farið þangað síðan ég var 7 ára... skömm ! Ingibjörg er auðvitað svo mikill snillingur að hún tók strax vel í þetta og stuttu seinna var það bara ákveðið! Stelpu-Heilsuferð í Þórsmörk 4.-6. júlí :) 

Þar sem við erum hvorugar á jeppum og eigum ekki jeppa-"menn" þá neyddumst við til að taka kynnisferðir uppeftir, sem var nú ekki alslæmt, það sem verra var að við vorum með leiðinlega þungt tjald og kælitösku sem við vorum varla að nenna að ganga með langar vegalengdir ef við kæmumst hjá því, sú ósk var samt frekar langsótt þar sem að rútan sem við tókum gekk bara upp í Húsadal og Bása, sem hefði ekki verið vandamál, nema að för okkar var heitið í LANGADAL... Þá var komið að því að sveifla ljósa hárinu, smjatta á tyggjóinu og blikka rútubílstjórann hann Runólf. Runólfur okkar reddaði svo málunum með því að skutla okkur 2 í Langadal með sérstöku lóðsi frá Skálaverði þar á bæ. 
Þegar við stigum út úr "Einka-rútunni" okkar gullu við mikil óp því að þá voru strákarnir Broddi og Svavar búnir að sjá hvaða prinsessur voru mættar á svæðið :) haha
Okkur var snarlega kippt inn í Kaffi/te og svo sýnt seinna hvar við ættum að tjalda. Tjaldstæðið var sérvalið og að sögn þeirra það besta í bænum, enda var útsýnið alveg frábært og inn í þykkum runnum svo að þarna var hlýtt og skjólgott. 

Á laugardaginn vöknuðum við snemma í miklum hita og eftir morgunverkin og morgunmatinn kíktum við í kaffi til skálavarðanna sem sátu og góndu á hitamælinn. 17°C kl 10 um morgun og það var skráð í sérstaka bók. Hitinn þennan daginn fór síðar í 22°C í forsælu og golu... 

Heilsuferðin þennan daginn fól í sér morgungöngu á Valahnjúk þaðan sem við fórum niður í Húsadal, skoðuðum Sönghelli og Össu, fundum ekki Sóttarhelli og flatmöguðum svo aðeins í Húsadal í sólbaði enda var veðrið alveg frábært ! Gengum við svo aftur yfir í Langadal og höfðum þá farið þennan stórfína hring. Þarna var veðrið SVO gott að við lögðumst aftur í sólbað... Við ákváðum að nýta þennan frábæra trjálund okkar til sólbaðs og afklæddumst flest öllu, en skildum þó einhverjar flíkur eftir svo að þýskir túristar, viltir í skóginum myndu ekki ásækja okkur of mikið. 
Rosalega var mikið af kóngulóm þarna !!!

þegar ég var búin að slá af mér ótal mörg stykki og rísa upp ótal sinnum hoppandi til að hrista þær af mér þá GAFST ÉG UPP... sérstaklega þegar ég stóð upp og það voru 5 kóngulær á dýnunni... nei takk ! sumt er bara too much fyrir mig.  Tókum við því dýnurnar undir hendurnar og töltum í "öllum" fötunum niður að skála skálavarðanna og lögðumst þar á pallinn, PÖDDUFRÍAR. Við biðum svo og vonuðum eftir að skálaverðirnir kæmu og myndu bera á okkur sólarvörn en það fór auðvitað eins og fyrridaginn með þessa karlmenn. Þeim er því miður ekki treystandi með að standa sig með svona hluti :) og erum við því brunnar!!
Ég meina, þarna lágu 2 sjóðandi ljóskur í sólbaði, á PALLINUM hjá þeim og þeir mæta ekki... USS!! hneyksli

en jæja
við jöfnuðum okkur á þessu og skelltum okkur í aðra göngu. Þessi ganga fór líka í hálfgerðan hring þar sem við gengum inn Litlaenda og niður Stóraenda og skoðuðum STEINBOGANN... sem tók samt smá tíma að finna. Með aumar tær og táberg fórum við aftur í tjaldið og reyndum að kveikja upp í einnotagrillinu okkar sem stóð utan á með STÓRUM stöfum "EXPRESS" ... my ass ! Það tók okkur klst að kveikja upp í skrattanum og það með mikilli vinnu, blæstri og kassa-hristi. Uppskera erfiðisins var samt 100% því að hamborgarinn var örugglega einn sá besti sem við höfum smakkað ! hann var líka 100% hollur ;) 

Brenna var síðar haldin um kvöldið sem fuðraði upp í ekki neitt og fáninn sunginn niður... Í Langadal er nefnilega GRÍÐARstór fánastöng með enn stærri fána. Fáninn er 4.0x2.8 metrar og fánastöngin litlir 20 metrar að hæð. En já.. þegar fáninn er dreginn af húni er sungið hástöfum "ísland ögrum skorið" og hann dreginn hægt niður á meðan, síðan er svakaleg athöfn að ganga frá fánanum og ég veit ekki hvað :) skemmtilegt samt

á sunnudaginn vöknuðum við í svipuðum hita og morguninn áður en ekki í sól, skýin hreinsuðu sig af þó bráðlega og gengum við frá í rólegheitum og tókum svo rútuna aftur til baka, Verst er að það tók bara smáá tíma.. úffs.. vorum ekki komin niðrá veg fyrr en að ganga 5 en við lögðum af stað kl 2. Renndum svo inn í bæinn um 7 og höfðum tekið 2 farþega með okkur úr rútunni.

FFFFRRRRRÁÁÁBÆR HELGI ! 

takk Ingibjörg fyrir að dröslast með..

"þetta var æði" 

MYNDIRNAR eru komnar inn HÉR 
SHARE:
Blog Design Created by pipdig