þriðjudagur, 30. september 2003

THID ERUD AD GRINAST!!!! ENGIR ISL STAFIR?!!!!!!
SHARE:
Hólar-Papaball
.....síðar meir.....
Hringferðin 2003
jæja..... ég nenni eiginlega ekki að fara að skrifa þetta niður ... en ég er að blogga til þess að skrifa niður það sem ég er að gera og bardúsa. það var nú eina ástæðan fyrir ég er byrjaði. en má kannski segja að Eskifjarðarferðar dagbókin hafi látið manna detta þetta í­ hug. þoli ekki svona tilfinningadabækur.... ferðablogg.. jebb, er að gera sig.
Anyway.

ég náði í ­ árúnu upp í Grafarvog rétt fyrir 6 og við fórum í ríkið að íslendinga sið áður en við lögðum af stað. Svo klukkan 6 var ferðin hafin sem átti að enda á Hólum í Hjaltadal hjá Ingu Bryndísi í Laufskálarétt og Papaballi á laugardeginum. þegar við komum á föstudaginn var bjórinn tekinn upp og stefnt síðan á sauðárkrók á djammið og farið á Sport barinn eða hvað sem þetta hét nú... Techno tónlistin reið þar rækjum og fannst okkur Árúnu stemming í­ því að fara á pöbbarölt. á Sauðárkróki!! já, þeir sem hafa ekki farið þangað þá eru 3 pöbbar bara á 50 m radí­us eða eitthvað! fórum fyrst á einhvern stað þar sem meðalaldurinn var 48 og Árún gerði eitthvað veðmál sem að hún þurfti að vinna til að verða ekki undirgefin þessum unga pilt. þá­ tókum við á það ráð að ryðja bara frá borðum og stólum og bjóða upp ÖLLUM gömlu köllunum! þessi eini trúbador var alveg i þvílíkum fíling eftir að við ruddumst út á gólf og við fengum nokkuð gott sem að ráða lagavalinu... Svo þegar við vorum orðnar þreittar á að dansa við gömlu kallana þá löbbuðum við hinummegin við götuna á næsta stað og þaar voru 2 kallar að spila. einn á hljómborð og hinn söng. Ekki nánda nærri góðir en Vírus :)
Þar var ég kölluð upp á svið, tek það skýrt fram KÖLLUÐ... og þegar ég kom niður eftir sönginn þá urðum ég árún og Inga sem þarna var búin að bætast við tví­eykið að berja af okkur piltana. án grí­ns.... Fengum gistipláss og allt þarna hjá einhverjum 2 piltum en.... afþökkuðum. :) svona erum við grimmar. Redduðum okkur fari til Hóla og tróðum okkur 7 í­ einhvern bí­l. maður verður nú að nýta plássið!!!
:)

Um morguninn þegar við vöknuðum var Inga að fara á hestbak að smala svo að ég og árún kúrðum aðeins lengur. ætluðum að fara upp í­ rétt um 12 leitið...þegar við fórum var ekkert farið að gerast en það leið þó að því ­... Eftir að hafa séð hvernig þetta var fórum við á Trausta á rúntinn upp á Hofsós og svo á Sauðárkrók og keyptum okkur miða þar á ballið. Klukkan var að verða 5 þegar við komum heim og ennþá var inga að smala :) eða eitthvað. Allt í­ einu langaði mig bara ekkert á eitthvað risa papaball.... :( Sagði árúnu það og hún var alveg sammála. Hvernig væri að við myndum bara klára hringinnn sagði ég og hún tók bara helví­ti vel undir það hjá mér. Hringdum í Atla Má og ætluðum að reyna að redda okkur gistingu hja honum á þórshöfn en hann vildi ekkert með okkur hafa, svo þurftum við lí­ka að selja miðana... :( ákváðum að fara í­ það mál. þessi hringferð var greinilega ment to be því­ að við seldum báða miðana á nó tæm! Hringdum svo á Eskifjörð til Helgu og báðum um gistingu... það var nú bara nó probblem!!!! þrumuðum því af stað en gátum ekki fundið Ingu áður svo að við skildum eftir miða :/
Svo var balasta brunað af stað..... klukkan um 5 og við sáum fram á það að við myndum verða eitthvað að keyra á­ myrkri. einmitt þá leið sem við áttum eftir að fara af landinu í­ þessum ferðalögum okkar um landið síðan í eskifjarðarferðinni. Akureyri-Eskifjörður var alltaf eftir að fara.... Allt gekk fí­nt og við stoppuðum á Akureyri til að kaupa íslandskort :)
Svo var keyrt og keyrt og keyrt. Vorum alveg býnar með Talkvótann á mývatnsheiðinni svo að við þögðum bara og sögum af og til hátt og snjallt MÚS!!!! en þær virtust vera í þvílí­kum sjálfsmorðshugleiðingum þarna einar upp á heiði... Svo fór sí­masambandið og svo hvarf malbikið og svo kom hálkan og snjórinn!!! leit alls ekkert vel út fyrir Trausta og ferðafélaga hans... :( enda gæinn á sumardekkjum og til alls lí­klegur... Guð hvað ég var viss um að hann myndi bræða úr sér þarna!!! svona án grí­ns. Hefðum verið þarna alla nóttina, eða einhvern hluta af henni, vissi að mamma var komin með allar björgunarsveitir suðurlanda á stand-by í­ að fara upp á heiði og leita af okkur ef við myndum ekki koma niður á réttum ­tíma :) Komumst samt alla leið og vorum komin á Eskifjörð rétt fyrir 10. Fréttum þar af Stuðmannaballi á Egilstöðum og fórum og gerðum okkur fí­nar... og plús slatta af glimmeri :)!!!! Helga keyrði og ægir og Guðni bróðir hennar kom með.... það var nú frekar fámennt á balli en fín stemming.
djöfull skal ég alltaf gefa blóð fyrir fyllerí­!!! Var HEAVY mikið að virka.. ! þurfti bara eiginlega ekki neitt!!!! Mikið gat hann Guðni tekið mikið af myndum.... Eru til svona 3 myndaalbúm af myndum hjá honum af mér og árúnu að dansa.... Sumir mega bara ekki fara með stafræna myndavél á ball :)
Við komum svo heim um 5 eða 6 leitið (hvað haldiði að maður hafi eitthvað verið að kí­kja á klukkuna? ) og eg var orðin freeekar þreitt... enda búin að keyra alla leiðina.
Við sátum og spjölluðum og bjuggum okkur til samlokur úr nestinu okkar og átum af bestu list. Guðni hafði ví­st eitthvað sofnað í ­ bí­lnum og talaði og talaði upp úr svefni,, ég missti alveg af þessu því­ að ég var steinsofandi sjálf. Eitt það fyndnasta sem hann sagði var
þakjárnin eru allt of löng, helví­tið hún Bylgja kann ekkert á málband!
Hvað var manninum eiginlega að dreyma?!!
Fórum svo að sofa. STEIN sofa.
Svo á Sunnudaginn.... Vöknuðum og fórum upp á neskaupsstað og kí­ktum á Berglindi systur hennar Ingu. Urðu´náttla að kí­kja þar sem við vorum þarna á rúntinum í­ kring :)
SVo um 3 leitið fórum við af stað heim á leið. Fórum öxi á fjallabí­lnum Trausta og Vá! hve mikið getur einn bí­ll orðið skítugur!!!!? Jakk og ulla bjakk! Stoppuðum á Djúpavogi, sætur bær... Svo stoppuðum við á Höfn og átum þar langþráða pizzu. Vorum komin a Klaustur um 8 leitið og stoppuðum við hjá Svenna. Hann vissi ekkert að við værum að fara hringinn. hann hélt náttla að við værum á Sauárrkróki, svipurinn á piltinum var heldur ekkert smá fyndinn!!!
Svo keyrðum við til Ví­kur og kí­ktum á múttu og pabba. þau halda sennilega að við séum geðveikar að standa í þessu. Svo var brunað í braskarabæli! vorum komnar þangað um 12.... Allt á áætlun.
Verst var að þar sem við vorum orðnar umræðuefnislausar (kvenmenn!) á mývatni þá fundum við okkur svo helví­ti fí­nt umræðuefni á Selfossi að það endist okkur annan hring! :) lýsum hér með eftir ferðafélögum :)
Mikið var gott að komast upp í rúm! mitt rúm....

Samantekt
Keyrt af stað frá Reykjavík kl 6 á flöskudegi....
55 tí­mum
1799 kílómetrum
2 rokna fyllerí­um
10 tí­ma svefni
og
3 og hálfum tanki af bensí­ni
(35 lítra)
vorum við aftur komnar til Reykjavíkur :)
SHARE:

fimmtudagur, 25. september 2003

Buin að laga þessa helvítis stafi þarna fyrir neðan. jakk og ullabjakk, ekki gaman
Hann jón Gullmoli er búinn að setja eitthvað inn á síðuna fyrir mig svo að þið getið skrifað ykkar comment inn. Please do. þá allavegana sé ég að það eru einhverjir að skoða síðuna..... :)
gaf blóð í dag. Hjálpaði Árúnu að flytja smá og bar nokkra kassa í Trausta. svo stökk ég upp í blóðbanka og þar var tekinn blóðþrýstingurinn.. var með 132/114!!!!
vá það var ekki eðlilegt!!!! bara harðbannað að gefa blóð ef neðri mörkin eru hærri en 100. Taldi ástæðuna á þessu nú vera af þvi að ég var að bera einhverja kassa þarna upp og niður stigann. Svo að konan dældi bara blóðinu úr jóni á meðan ég sötraði djús. Svo tók hún blóðþrýstinginn attur.... neðri mörkin orðin 72. Allt í key þar. ég er samt búin ða vera veik í dag......... maginn eitthvað mikið að hrjá mig. fékk ekki góða nótt.. svaf ekki bofs, svaf svo yfir mig í fyrsta tíma. mætti í þann 2. og fór svo heim og lagðist upp í rúm, var eiginelga bara veik.en það er allt bú núna. Verð alltaf bara sólarhringsveik.... :)
ætla norður á morgun!!!
jibbí

sjáumst síðar
....
eftir helgi
....
kannski bara að ég finni mér einhvern hestamann þarna til að gleðja föður minn? :) þá yrði hann algráhærður..... það yrði sett í séð og heyrt breytinguna - fyrir og eftir tengdasoninn með tilheyrandi myndum af kallinum :)
SHARE:
þessir íslensku stafir eru ekkert að meika það þarna fyrir neðan. Hvað er að ske?
SHARE:
test
SHARE:
Halló hæ !!
ég veit, ég veit, ekki búin að skrifa síðan í­ gær...
Annars er ég algerlega búin að tý­na mér eitthvað í ­ þessum dögum hérna.... búinn að vera miðvikudagur síðan á má¡nudaginn, eða kannski síðan á sunnudagskvöld. æ ég man ekkert síðan hvenær. í gær........ hummm hvað gerði ég þá. Já. Arnar Már kíkti í­ heimsókn seint á gær og við tókum eina létta gí­taræfingu, já og ekki fara að misskilja neitt núna. þið skiljið.... hann spilar á gítar A, Am og svo framvegis og ég syng, nágrannarnir voru eitthvað ekki sáttir.... hehe bara að hafa gaman af þessu! :) annars væri lífið helví­ti leiðinlegt!
ætlaðii svona líka að fara á­ stoðtí­ma í­ myndlist.... en.... fann mér eitthvað betra að gera. Sótti videotækið til læknisins í­ 2. sinn. síðan hefur ekkert virkað síðan við fluttum inn... síðan var svo ekkert bilað. þurfti bara að kaupa eitthvað helví­tis scarttengi! var einhver önnur rás að trufla videórásina eða einhver fjandinn..... ég trúi náttla öllu svona. get allavegana ekki mótmælt því­ sem er sagt við mig, þar sem ég veit ekkert um hvað ég er að tala þegar kemur að einhverju sem byrjar á raf- :)
Fór til Stefnis og eldaði fyrir hann salómon elías, öðru nafni salmon ella. Fannar kí­kti þar lí­ka við til að horfa á sjónvarpið. Hann er 100% kall. á nýa íbúð en ekki sjónvarp, hvað þá sófa... í­ staðinn er hann mikið frekar að spá í­ að kaupa sér kajaka með öllum græjum. líst vel á það. ég myndi örugglega frekar kaupa mér kökukefli og pottasett :)
er Horfði á 8 mile síðan, hún endaði bara ekki baun í­ bala! allt í­ einu kom bara einhver texti rúllandi yfir skjáinn, það var örugglega að minnsta kosti eitt atriði eftir að koma, alveg viss um það!
þráinn fór á busaball, fyrsta skólaballið hjá pjakknum :)
stóra systir voða stolt ! :)
hehe, keyrði hann af stað, vona bara að hann rati heim.
hehe
en verð að fara að lúlla, átti voða stutta nótt í­ nótt og ætli þessi verði lengri? ég ætla svona líka aldeilis að vona það.... :(
árún er að flytja út jafn óðum, ætlar að fá að geyma einhverja kassa í ­ geymslunni hjá mér á þessu millibilshúsnæðisvandamá¡li..... ég held að hún sé jafnvel bara að fara að fela eitthvað þýfi þarna. :) humm.. mig vantar náttla magnara..... og dvd spilara.... og já, fleiri hestöfl í­ Trausta, endilega látið mig vita ef þið vitið af einhverjum á lausu til að skella í­ húddið (hestöflum þá!! :) ) á greyinu....

takk fyrir ....
bæbbbz
SHARE:

þriðjudagur, 23. september 2003

Hæbb
Ákvað að byrja daginn "snemma" :) Gengur ekki alltaf að sofa til kl 13,00 á hverjum þriðjudegi. Dagurinn er alveg búinn þá.
Nú er komið babb í bátinn í sambandi við norðurferðina Árún þarf að flytja út! um helgina!!!!
Við verðum að redda þessu fyrir helgi svo að við komumst. Verst er að hún hefur engan samastað fyrir dótið. Og er hérna með hægt að nálgast skrifborð, sjónvarp og aðra hluti til láns hjá henni á þessu millibilsástandi :)
Á sunnudaginn í góðum´fíling bjó ég til skyrköku og bauð Stefni, Sonju og Sævari í kökukaffi (kannski frekar svona kökumjólk þar sem að enginn af okkur hefur þroska í að drekka kaffi c",)
Það virtist vera frekar mikill höfuðverkur hjá piltunum að giska hvernig kaka þetta eiginlega var og virtust nú ekkert vera að trúa mér þegar ég loksins sagði þeim að þeir væru að borða skyrköku. Stefnir var samt alveg viss lengi vel að þetta væri Eggjakaka :) Var voða fróður um hvernig kökur líta út sem egg eru í. Ég gat þó huggað han með að það voru egg í þessari köku en hún var alls ekki bökuð.... Hann var samt helvíti vígalegur, búinn að troða sér í þröngan leðurjakka sem Sonja átti en gat eitthvað lítið hreyft hendurnar... Hann var eins og rúllupylsa í þessum jakka en hann þrjóskaðist við og var ennþá í honum þegar þau fóru :)
Núna þarf ég mjög líklega að þeysast til víkur í vikunni.... Eitthvað kvöldið bara. Samt ekki á miðvikudaginn því að ég er að vona að geta planað hópferð í bíó ða Bad boys II og skora ég á alla sem vilja koma með að hafa samband við mig. líka selfyssingar.
Já. Það er víst að fara að koma vetur og ég ætla sko ekki að standa spólandi í "brekkunum" hérna í bænum þegar það kemur hálka. Það er sko alveg BÓKAÐ! ég var nú ekkert lítið svekkt í fyrra þegar ég þurfti, sökum ALVEG sléttra dekkja að kaupa umfelgun á bílinn minn eftir margra tíma bið í Vöku á 5000 kall eða svo. Gat grátið!!! ég sá sko alveg umfelgunarvélina hans pabba í hyllingum heima inná verkstæði sem myndi ekki kosta mig neitt að nota. Er mikið frekar til í að eyða um 1500 kalli í rúnt austur á fimmtudagsnóttina heldur en að lenda í einhverju svona aftur. Ég hringdi því í pabba í gær og skipaði honum að panta fyrir mig harðkornadekk hið snarasta. Hann spurði hvort að ég væri orðin eitthvað biluð. Ég hélt nú aldeilis ekki og hélt yfir honum þessa líka fínu spólsögu. :)
Hann var þá að meina.... "Ragna, þú átt hérna nagladekk síðan í fyrra!" úps. svona fylgist maður vel með. ég sem var nokkuð viss um að ég hefði verið á þessum 5000 króna umfelgunardekkjum í allt sumar (naglalausum samt :)) hehe. boðaði honum því frekar í stað að ég kæmi trúlega í vikunni.
Stefnan verður nú tekin norður (í huganum) og vonandi fer allt vel í sambandi við að flytja hana Árúnu út.....
Ef Tobbi fer norður eins og hann var búinn að segja, fer Jón kannski, og þá sleppur hann Trausti minn við að þeysast eina ferðina enn þangað norður. hehe
en bíðum bara og sjáum. Er alveg að fara að læra inn á þessa pilta. alltaf búast bara við að þeir komi ekki, þá verður maður svo glaður þegar þeir koma :)
hehe
en svona er livet! :) það er stuttbuxur (það segir hann Jón að minnsta kosti )
takk fyrir, takk, takk
sjáumst hress og kát

SHARE:

sunnudagur, 21. september 2003

JÆJA!!!!! góðan og blessaðan daginn!!!
ég vaknaði nú fyrir allar aldir í morgun... kl 11! ennþá blind full, staulaðist fram á klósett og ákvað þar að leggja mig aðeins. vaknaði svona líka helvíti hress kl korter í 3. :)
Það var freeeekar kalt að labba heim neðan úr bæ í morgun. Pils og gallajakki er víst ekki vænlegur kostur í veðri þar sem stormur geisar og björgunarsveitir eru að leita að foknum þakplötum :) þeir voru nú EKKERT að leita að mér!! :) ég var nú næstum fokin en ég skil þá nú alveg, ég er ekkert lík þakplötu við það að fjúka :)
Þegar ég kom heim hristist ég líka svona og skalf en það var nú baaaara svona til að ná upp hita. Svo þarf maður líka að fara að venja sig við kuldann fyrst að Árún er búin að spá svona líka rosalegum vetri og það er allt ófært í september !!!
Fréttir af flóabitum...
þau eru öll farin.... :)
Ég held að ég fari ekkert að segja neitt af hözzli en Gulli var nú alveg búinn að leyfa það... c",)
Svo að ég reyndi að standa við það... Segi ekki hvernig það tókst, enda munu foreldrar mínir örugglega lesa þetta :) hí hí.
Nú fæ ég pottþétt hringingu frá mömmu með yfirheyrslu. Hún var nebbla alveg viss um að það stæði eitthvað furðulegt til því að ég hringdi í Jóa Frænda og spurði hann hvort að hann ætlaði að koma í bæinn. Vildi vera viss um að ég væri ein heima, og audda lagði mamma saman einhverjar 2 tölur og fékk út eina gríðar háa :)
Það var hel gaman á djamminu! Byrjuðum uppi í vinnu á fylleríi í boði staðarins og svo brunuðum við á lokaball Fylkis, í Fylkishöllinni þar sem papar léku fyrir dansi. 2. Ballið á 2 helgum. Fórum svo bara í hléinu niðrí bæ og var á Felix með Ásgeiri, Kristjáni (tvíburunum) og
Örnu..... Við ungarnir redduðumst inn.
Heyrði eitthvað í Fannari (skreppi) og hann var niðrí bæ. Hann vildi ekkert hitta mig helvítið en hann sagði mér að hann væri að leita að íláti svo að ég ákvað að halda mig sem lengst í burtu frá honum þar sem hann var á þeim skónum þetta kvöld. :) hehe
Inga Bryndís Hóla nemi er veðurteppt hér í braskarabælinu og kemst ekki norður. Það er annað en Jón Hilmar... hann er fyrir austan og getur verið að hann sé veðurtepptur þar, og komist ekki í bæinn. Það er annað hvort ökkli eða eyra í þessum málum :)
BJSV Ársæll var í nótt að sinna einhverjum þakplötum og fékk Arnar Páll námshestur, búsettur á Selfossi útkall.... Þeir vildu ekki fá hann í útkall. Enda þyrfti hann að fara yfir heiðina. Óþarfi kannski líka að fórna þessum líka svvvaaaaaka rústabjörgunarsveitarmanni á Einhverri Toyotu yfir heiðinar fyrir ryðgaðar plötur.
Held samt að Arnar hafi meira en lítið orðið smáááá pirraður ef ég þekki hann rétt :)
Ég held að ég ætti að hætta að skrifa hingað svo að ég fái ekki hálfa þjóðina yfir mig til að skamma mig yfir hvað ég náði að kjafta miklu af mér.
en verð að bæta við að ég VAR EDRÚ á flöskudaginn!!!!
húrra
húrra
Svo keypti ég mér líka kardimommudropa... SVo að nú á ég fullt af risa tebollum (eðlilegum) og muffins!!!
er svo dulleg
Heyrðu nú er Inga Hólabúi komin og búin að ná mér á náttfötunum
andskotans
og klukkan er....
úps!
okí bæ í bili
.......
ZZZZzzzzzzz
SHARE:

föstudagur, 19. september 2003

Halló hæ!! Flöskudagur runninn upp!!! :)
Og ég..... stefnan að haldast edrú í kvöld gæti bara haldist!! hehe. Það yrði fyrsta helgin síðan ég flutti í bæinn held ég... vá. er að vera að alka.is,,, ehh eða ekki. ég hugga mig bara alltaf við að það að eru alltaf einhverjir sem drekka meira en ég. ... enn sem komið er að minnsta kosti.
Gerði heiðarlega tilraun að baka tebollur í gær. Voru voða eðlilegar en ég komst að því að kardimommu duft kemur ekki í staðinn fyrir kardimommudropa. þá vitið þið það. Nennit ekki út í búð að kaupa þá og ákvað að láta slag standa, virkaði ekki vel.
Ég hef ákveðið að taka þennan helvítis Teljara.is út af síðunni í einhvern tíma, þangað til að ég hef fundið út hvernig á að láta Window's XP notendur skoða hana alla :)
í gær gerði ég talningu... á flóabitunum mínum..
þau eru 9!!
HVAÐ ER MÁLIÐ!!?
ákvað að taka að mér aukavakt í kvöld... fínt að fá aðeins meira útborgað en venjulega. allavegana ein auka bíóferð í næsta mánuði fyrir eitt edrú vinnukvöld á flöskudegi.

SHARE:

miðvikudagur, 17. september 2003

Hún á afmæli í dag, hún á afmæli í dag, hún á afmæli hún Árún, hún á ammili í dag! Til hamingju!!!
Ég gat nú ekki látið hana hanga eina heima í kvöld þannig að ég ákvað að gera eitthvað gaman. Fór til Jóns upp í vinnu og lagði á ráðin, hann tók helvíti vel í það svo að ég tók það að mér að smala...
Díllinn var það að safna sem flestum og ryðjast inn til Árúnar og skipa henni að setja sundbol og handklæði í poka og bruna svo í bláa lónið á ofur lancer :) Fara svo þaðan út að borða í Keflavík. Þetta var ALLT voða skipulagt. Stefnir búinn að vinna kl hálf 6 og hann átti bara ða koma til mín eins fljótt og hann gat!!!! en neinei. Hann ætlaði í sturtu og eitthvað!!! Halló,,, hvert vorum við aftur að fara? jú! í bláa lónið..... mér fannst það einmitt líka. rétt náði líka að stoppa jón áður en hann fór í sturtu líka. Kl 6 var ég stressuð um hvar stefnir væri. löngu tilbúin, áætlað var að leggja af stað kl hálf 7 og allir vissu það, nema árún náttla. HALDIÐI EKKI BARA AÐ HANN STEFNIR DRULLIST NIÐRÍ BÆ KL KORTER YFIR 7. ég var orðin rétt rúmlega stressuð því að ég vissi að bláa lónið myndi loka kl hálf 9, eða hafði einu sinni gert. .... ég var ekkert að grínast með þetta að flýta sér.... svo komum við til Jóns, hann átti eftir að taka bensín...! blablabla
við komum í bláa lónið. LOKAÐ!!!! reyndi eins og ég GAT að verða ekki fúl, tel það hafa tekist ágætlega en tók svona 2 mínútur í að hemja mig í að verða fúl....
Við fórum því á 67 í Keflavík og stóðum hann eins og við gátum því að stefnir og árún voru víst eitthvað í meira lagi svöng!
Þetta var allt hið ágætasta og ég stefnir munum einhverntímann aftur reyna að fara út að borða fyrst að í þetta skipti tók þetta bara um 20 mín að bíða eftir matnum. Ekki einhvern rúman klukkutíma og svelti eins og síðustu skipti voru. álögin kannski farin eftir að við löbbuðum út af Ruby Thuesday vegna hungurverkja og keyrðum beint á Hlölla :) hehe
AF HVERJU ER ÞETTA ÞRÁÐLAUSA NET EKKI AÐ VIRKA?!!! ég lít orðið út eins og 22 ára gömul kelling eftir að vera að tjónka eitthvað við þessa beiglu þarna á rúminu sem ég er nú endanlega að fara að segja upp eftir náið samband síðustu daga.
Voðalega var ég eitthvað sybbin.is í morgun... Tilhugsunin um stærðfræði 303 í einn og hálfan tíma kl 8,10 gerði mig það úrvinda að ég tilkynnti Hildi það að ég ætlaði að snúa mér á hina hliðina og fara að sofa aftur.
Á morgun, kl 8,10 er það aftur á móti World Class í leikfimi 511 eða eitthvað að púla með Arnari Páli, við eigum eflaust eftir að sitja uppi með jafn slæmar harðsperrur og eftir síðasta leikfimitíma!!! Var bara heitt helvíti að skipta um gír og anda og eitthvað fannst honum erfitt að klappa þegar hann var í Fögurfjöllum. Harðsperrur eru ekkert bara fyrir kellingar. ER algerlega á móti þeirri speki!
ritgerð dagsins komin á skjáinn..... takk fyrir mig!
SHARE:

þriðjudagur, 16. september 2003

Halló hæ :)
jæja nýr dagur!!! svaf nú líka svona helvíti vel út. hið vikulega dvd kvöld var í gær sem ég og Jón höfum haldið uppi síðan ég flutti í bæinn var í gær... Hann náttla sagði bara já og mætti og við leigðum dvd, hann fékk að ráða, en ég samþykkti hana þó alveg. Svo löbbuðum við upp og byrjuðum við að horfa... heldurðu þá ekki bara að maðurinn hafði séð myndina. Blood Work, með Clint Eastwood. alls ekkert slæm.. Hann lagði sig því bara og hraut svona líka myndarlega alla myndina :)
Ég er ekki alveg búin að sættast við tölvuna og þráðlausa netið og ég er hálfan daginn að telja þessari tölvu að hún eigi að finna sendinn inni hjá Þráni... en halelúja það tókst. Hún hlýtur að fara að eldast af þessari gelgju, nema þá að hún sé komin á breytingarskeiðið, þá er ég nú ekki í góðum málum!!
Verð nú að fara að drulla mér í vinnuna. Mér skilst að ég sé að fara 2 hringi á nýja ofur, súper Lancernum hans Jóns ;)

p.s. endilega sendið mér póst Ragna85@hotmail.com
einnig sendið mér ráð fyrir hann Arnar Pál hvernig á að fara að vaka heilan Jarðfræðitíma :)
SHARE:

mánudagur, 15. september 2003

Jæja. Þvílíkt tölvuvesen. Það er alveg ástæða fyrir því að ég er ekki Tölvufræðingur skal ég segja þér. ég skil ekki tölvur þó að stundum sé hægt að hugsa rökrétt og láta þær virka en þegar farið er að tala um að stilla þær saman og blablabla út af þessu þráðlausa neti þá er það ekkert að virka, hjá mér allavegana....
Heyrðu helgin var alveg GEGGJUÐ!!! Papaballið mjög fínt eins og ég sagði frá síðast og svo var réttarballið í tungunni alger snilld. Dansa alvöru dansa og svo komu svo margir sem maður þekkti. Svava var driver á Gul og skutlaði fólkinu heim til og frá eftir þörfum en hún Árún komst heim með einhverjum piltum sem ákváðu við handleiðslu Svenna gulls að skutla þessari ofur-ölvuðu snót heim á leið. Hún átti samt gott ball þó stutt væri. Elva og Arnar fóru heim aðeins á undan hinum og bjuggu fínt um fyrir alla sem var síðan ekkert notað því að einhver misskilningur varð í rúmmálunum og ég og Svava tróðum okkur saman í frekar lítið rúm og sváfum á rúmbríkunum og Helgi Haukur.... jah ég bara veit ekkert hvar hann endaði. Hann varð samt ekkert ánægður að fá ekki að vera hjá okkur :)
Daginn eftir og eftir lítinn svefn var fólk svona miiiis hresst en ákveðið eftir matinn og lúrinn að fara að gera eitthvað af sér...
Við enduðum að fara í Fjaðrárgljúfur að vaða en vá hvað það var mikið vatn. ég og svava skelltum okkur út í og ætluðum að fikra okkur yfir en Svava fór aðeins á undan mér og lappirnar hurfu undan henni í straumnum, hún argaði og gargaði næstum drukknuð :) og flaut niður í mesta straumnum án þess að geta gert nokkuð. Á meðan var Arnar að gera sig tilbúinn að stökkva til hennar og ég að reyna að berjast við að pissa ekki á mig af hlátri auk þess að reyna að standa í lappirnar sjálf þarna út í ánni.
Arnar mætti með blautbúninginn sinn og Elva fór í hann og þau ákváðu að fara að synda þarna í ískaldri ánni. Arnar fór fyrstur..... Hann kvartaði ekkert mikið yfir hita :) Svo fór Elva..... Þau klifruðu upp á klett þarna og voru að pæla hvort að þau ættu að láta vaða en þau vissu ekkert hvað það var djúpt fyrir neðan... hlyti þó að sleppa þar sem að þetta voru bara rúmir 3 metrar niður. Arnar lét vaða og kom upp alveg sprelllifandi með kuldaskelfingarsvip :) Elva var í 15 mínútur að reyna að telja sig á að láta vaða en aðstaðan var frekar erfið til að leggja af stað þar sem þau héngu utaní klettinum. Að lokum lét hún vaða :) Allt til á myndum.... :)
Haukur, Árún og Þráinn komu með til Rvk...
Mikið hefur þessi andskotans Lögbergsbrekka reynst mér og föður mínum dýrkeypt. ég var Stoppuð af 2 myndarlegum löggumönnum og þeir sögðu að ég ætti von á pakka, punkti/um og sekt... á 116 :) hehe. hef lengi átt þetta skilið, svo að ég er ekkert voða sár. bullaði bara í þeim og þeir skildu ekki hvernig ég gat verið svona hress við þennan pakka frá þeim :)
En nóg í dag....
SHARE:

laugardagur, 13. september 2003

Jæja og Vá hvað þetta ball var nú eiginlega gaman mar!!!!! virtist vera að fara eitthvað til fjandans þarna um 2 leitið og ég var alveg á því að fara bara heim orðin edrú og fín... en barði hausnum í einhvern vegg þarna því að ég færi nú EKKI að fara heim fyrr en ballið var búið!!! Það myndi nú eigninlega aldrei gerast!!! :) Gústi og Hildur voru þarna í banana stuði og virtist rassinn á Gústa eitthvað vera fyrir þarna öðru og hvoru því að hann dillaði honum svona líka hressilega . hehe. Við keyrðum svo bara heim sælar og ánægðar ég og Árún og klifruðum upp í rúm sem ég virðist hafa hertekið þarna um nóttina því að þegar ég vaknaði þá var Árún í einhverju pínku horni og ég komin með ALLT rúmið sem var sko ekkert voða lítið.
Þarf að taka mig á í plássfrekjunni....
það er kannski ástæðan fyrir því að ég á ekki mann.... :)
nei
ég er nunna!
það er ástæðan
Nú erum við búnar að bruna á Trausta til Víkur og erum svona líka í þreyttara lagi þar sem ég vaknaði kl 9 í morgun til þess að fara í Reykjaréttir að draga fólk að mér sýndist... var ekkert lítið af því mar!! á meðan var Árún heima að læra.... hálf vorkenndi henni nú greyinu.
Næst á dagskrá er að fara að Ytri-Ásum og fara svo þaðan á ball. Ég spurði áðan Arnar hvort að ég fengi ekki gólfpláss ef ég kæmi með dýnu og svefnpoka því að ég sá ekki fram á að ég myndi redda mér driver fyrir þetta ball. En Arnar Páll sagði að ég fengi gistipláss en ég megi ekki koma með einhvern svefnpoka og einhverja dýnu!!!!! :) Týpiskur herramaður.is
SHARE:

föstudagur, 12. september 2003

Jæja. nú þarf að fara að segja frá henni Ingu Bryndísi..... Hún er snót sem kom frá Eskifirði og fluttist í stórborgina. þar eignaðist hún marga vini en virtist þó alltaf leita frekar mikið á Klaustur til að finna nýja vini. Neinei segi nú bara svona....
Ok Inga mín það er eitthvað um þig hérna.... svona til að valda þér ekki vonbrigðum. en ég verð samt að hryggja þig með því að hér eru engar klámmyndir, ekki af mér og ekki af öðrum :)

Nú man ég allt í einu eftir einum góður sem Ægir varpaði fram í fjölda smsum um páskana.

"Nú er ég hryggur sagði Jesú við lærisneiðarnar 12"
Mér fannst hann hel góður... ;p
SHARE:
Hehe. Ég er búin að ráðast inn til Þráins til að kveikja á tölvunni hans svo að þráðlausa netið í minni virki... anskotans bull er þetta eiginlega, tæknin þarf alltaf að flækja allt svona rosalega. Hann er aldrei neitt ánægður í morgunsárið, og sérstaklega ekki þegar stóra systir fer eitthvað að bardúsast í tölvunni. múhaha. en mér er sama..... :)
Það var hringt í mig kl hálf 10 í morgun og ég sem átti ekki að vakna fyrr en rétt fyrir 11 til þess að mæta í þennan eina tíma í jarðfræði sem ég á að fara í í dag. já anyway. Það var´nú bara Búnaðarbankinn sjálfur sem hringdi í mig... ! sko hvað ég er merkileg!! :) audda vaknaði ég bara næstum við þessa upphringingu. :p
en þetta var nú bara hún Hulda að athuga hvenær ég kæmi austur því það kom víst bara einhver hluti af Morgunblaði víkurbúa og vantaði því hinn hlutann hið snarasta og Einsi var of seint á ferð í kvöld. Ég er ekki að fara austur alla leið í kvöld þannig að ég henti símanum í hana mömmu sem ætlar að redda fréttaþyrstum Víkurbúum með því að keyra með Moggann til víkur. og Hver segir að Bakkafréttir séu ekki alltaf fyrstir með fréttirnar? :)
jæja best að segja þetta gott.
ég á ekki von á að ég eigi eftir að skrifa mikið hingað um helgar því að ég hef oft ýmislegt skemmtilegt að bardúsast.
plan helgarinnar
kl 4: sækja Árúnu
kl 4,15: fara í ljós og gera okkur sætar
kl 5,00 taka hauk með á selfoss og leggja af stað þangað...
Svo þarf að finna fyrirpartý fyrir papaballið í Árnesi og skella sér síðan á Papana.
Árún væntanlega keyrir því að hún getur víst ekki djammað 2 kvöld í kvöld. en það get ég!!!!
Ég og Svava ætlum svo að fara í einverjar blessaðar réttir til að gera eitthvað og Árún ætlar að sauma út á meðan :)
SVo er það bara að bruna í sveitina og fara á ball með hinni allræmdu sveitaskemmtidansiballahljómsveit Nefndinni í Tungunni

Vi ses

Drykkju og baráttukveðjur

SHARE:
hummmmmm. Jamm og jæja..... Hvað á maður núna að segja. Ég man ekki betur en að ég hafi fussað og sveiað yfir einhverju bloggi sem var að byrja fyrir allt of stuttu síðan en hvurn andskotann er ég að gera núna?!! já. farin að blogga stelpan.... voða spennó. djöfull á maður eftir að kjafta af sér á þessu. það er nógu erfitt í real life heldur en að fara allt í einu að geta blaðrað einhverju inn á tölvuna og svo bara klikk! komið fyrir alheiminn..... múhahahaha. En þar sem maður er svona athylissjúkur og allt það þá náttla verður maður að vera með og geta látið ALLA lesa hvað maður er að bardúsast svona in real life og sanna það fyrir sumum að maður sé EKKI fyllibytta (JÓN HILMAR hananú!) heyrðu látum þetta vera núna.ég á eftir að reyna að vera dugleg... ehemmm sjáum samt til með það. ég kannski get sparað einhverja þúsundkalla með því að setja bara eitthvað hingað inn sem ég þarf segja í staðinn fyrir að senda sms út um alla grundu
góð hugmynd þetta.
ligg á henni í nótt.....

Góða nótt
SHARE:
Blog Design Created by pipdig