Ofan á rabbabaranum er sæt deigmylsna með stökkum möndlum og vanillubragði sem gerir punktinn yfir i-ið.
Ég geri uppskriftina í matvinnsluvél en það er hægt að gera þetta í mjög öflugum blender líka.
 |
| Möndlur |
 |
| Smjörið skorið í bita |
 |
| Bætt útí hveitiblönduna í matvinnsluvélinni |
 |
| púlserað saman en þó ekki meira en svo að það eru enn smjörbitar sjáanlegir |
 |
| Skiptið hveitiblöndunni í tvennt til að gera 2 deig |
 |
| Deig nr 1 komið saman, sett í frysti í 10-15 mín |
 |
| samsetningin er fljótleg og einföld. |
 |
| Inn í ofn í 55-60 mínútur, næstneðstu rim á 190°C |
Uppskrift
(passar í 33x23x skúffukökuform)
130 gr hakkaðar möndlur (með hýði eða ekki)
415 gr hveiti
1 1/2 tsk salt
80 ml kalt vatn
200 gr sykur
300 gr smjör
1 msk vanillusykur (má sleppa ef hann er ekki til)
500 gr fíntskorinn rabbabari (ca 1 L) - má vera meiri ef þið viljið.
Aðferð:
-Ef þið eruð ekki með hakkaðar möndlur þá getið þið byrjað á að mala heilar möndlur í matvinnsluvélinni áður en þið byrjið á deiginu. Ekki mala þær of fínt, þið viljið hafa bita í blöndunni en ekki gera möndlumjöl
-Setjið hveiti og salt í matvinnsluvélina, skerið kalt smjör nýkomið úr ísskápnum í bita og púlserið smjörið saman við hveitiblönduna þannig að það séu þó ennþá einhverjir smjörbitar eftir
-Skiptið hveiti- og smjörblöndunni í tvennt til þess að gera svo tvennskonar deig.
Deig nr 1:
Setjið hana aftur í matvinnsluvélina, bætið 80 ml af ísköldu vatni útí í mjórri bunu og vinnið saman í deig. Takið deigið úr vélinni, fletjið það út í þykkan disk, pakkið inn í matarfilmu og setjið í 10-15 mínútur inní frysti.
Deig nr 2
Setjið saman við hana sykur, vanillusykur og möndlur og klípið saman þannig.
-Skerið rabbabarann
-Setjið smjörpappír í skúffukökuformið
-Fletjið út deig nr 1 og leggið í botninn á forminu.
-Dreifið rabbabaranum yfir
-Deifið deigi nr 2 yfir rabbabarann (ég notaði ekki alveg allt deigið)
Bakist inní, næstneðstu rim, í 55-60 mínútur á 190°C
Þegar bitarnir eru tilbúnir, takið þá útúr ofninum og færið úr forminu og látið kólna á borði eða bretti.
Ath, þeir eru frábærir heitir með ís eða rjóma! :)
