miðvikudagur, 28. september 2016

Haustsúpa - Tómatkjötsúpa



Ég elska kjarnmiklar súpur og mér finnst alltaf voðalega haustlegt að hafa stóran pott með súpu mallandi á eldavélinni.
Uppáhalds haustsúpan er að sjálfsögðu gamla og góða íslenska kjötsúpan (sem verður bráðlega sett hérna inn) en einnig finnast mér Frönsk Lauksúpa og Buttnernut graskerssúpa afskaplega góðar haustsúpur

Ég hef verið að reyna að minnka kolvetnin (eins og allir eru að gera þessa dagana) og langaði í súpu af tómatagrunni með kjöti og ekki uppfulla af rjómaosti eða rjóma :) Þessi súpa fellur undir mataræði eins og Clean eating, Whole30 og Paleo (svona ef þið eruð e-ð að spá í því).

Þessi æðislega súpa bragðast svo vel með íslenska grænmetinu sem er nú í búðum að mæli ég með að þið prufið að gera þessa súpu á meðan það er enn í hillunum :)


Uppskriftin er að vísu afskaplega stór, en hún passar fyrir einn bakka af hakki og hentar hún mjög vel til þess að eiga í frystinum til þess að bjarga kvöldmatnum seinna í vetur (geymist líka í 3-4 daga í kæli).


Uppskrift (um 5 lítar eða fyrir ca 8-10 manns)
2 msk matarolía eða kókosolía
1 bakki hakk
1 laukur, fínt saxaður
4 hvítlauksrif fínt söxuð
gulrætur, skornar í skífur (ca 750 ml þegar búið er að skera þær niður)
sellerí, skorið í þunnar sneiðar (400 ml)
1,5 L vatn
1 dós heilir tómatar
1 dós saxaðir tómatar
1 ferna passata - tómatsafi
2 kjötkraftsteningar
1 tsk salt
1 tsk nýmalaður pipar
1 tsk oregano
1 tsk timían
1 tsk basilíka
(sé notað ferskt krydd þá þarf helmingi meira)
hvítkál skorið í teninga (750 ml)

ATH að ég kýs ekki að tiltaka fjöldann af gulrótum, fjöldan af sellerístöngum og að segja 1/2 hvítkálshaus (mér finnast þetta afar ónákvæmar mælieiningar). Ég hins vegar kýs frekar að saxa þetta og mæla í stórri 1 L mælikönnu og eru mælingarnar út frá því.

Aðferð
-Steikið saman hakk, lauk og hvítlauk þar til kjötið er brúnað
-Bætið gulrótum og sellerí útí og steikið aðeins lengur
-Bætið öllum vökva útí, tómötum, vatni og tómatsafa
-Kryddið
-Sjóðið saman í 15 mínútur
-Bætið hvítkálinu útí og sjóðið í 10 mínútur í viðbót við lágan hita.


Kjöt, laukur, hvítlaukur, tómatar, tómatsafi, vatn og krydd komið útí 

látið malla saman í 15 mínútur

hvítkálið komið útí og búið að sjóða í 10 mínútur í viðbót


Eins og þið sjáið þá er samsetningin alveg hrikalega einföld og það þarf ekki að byrja að útbúa súpuna mörgum klst áður en þið ætlið að borða hana

Punktar:
-Hægt er að bæta svo mörgu sniðugu út í þessa súpu að listinn er óendanlegur. Sem dæmi er gott að setja pastaskrúfur útí í stað hvítkálsins.
-Hægt er að bæta við kartöflum
-Þegar súpan er borin fram er hægt að strá yfir hana rifnum osti eða setja sýrðan rjóma


Njótið :)









miðvikudagur, 4. maí 2016

Grískar kjúklingabringur

Gómsætar kjúklingabringur sem henta vel í matarboð. Auðvelt að undirbúa jafnvel deginum áður(fyllinguna eða setja allt saman) ef það er lítill tími til stefnu daginn sem gestirnir koma.

en hey.. þetta er sko ALLS ekki bara til að bjóða gestum í mat! :) Þetta er líka gómsætur matur fyrir alla fjölskylduna!


Í raun er þessi uppskrift afskaplega auðveld í framkvæmd. Það er líka eitt hentugt við hana að þú notar ca hálfa fetaostskrukku og hálfa ólífukrukku svo að þú átt eftir í einn heilan skammt í viðbót seinna meir. 


Byrjið á að setja fyllinguna saman í skál, fetaost, rauðlauk fínt saxaðan, saxaðar ólífur, hvítlauk, steinselju. 
                                        

Blandið kryddblönduna og kryddið kjúklingabringurnar báðum megin 



Skerið vasa í kjúklingabringurnar og setjið fyllinguna í. Ég læt þær svo standa upp á hlið í eldföstu móti, þá fellur fyllingin ekki úr. 

Eldið í ofni á 180°C í um 35-40 mínútur eða þar til fulleldaðar. 





Fylling í 4 bringur
2 dl fetaostur (ca hálf krukka) - ekki olían með
1/2 rauðlaukur saxaður smátt
3 msk söxuð fersk steinselja (mælt eftir að búið er að saxa hana - ég nota flatlaufasteinselju (ítalska) sem ég rækta sjálf en fæst orðið í flestum búðum)
4 helmingar af sólþurrkuðum tómötum, saxaðir
1 - 1,5 dl ólífur, (mælt áður en þær eru saxaðar)
2 hvítlauksrif, rifin eða kramin

Kryddblanda
1/2 tsk salt
1 tsk pipar
1 tsk hvítlauksduft
2 tsk oregano eða ítölsk kryddblanda

Aðferð: 
-Ég nota sömu uppskrift hvort sem ég set fyllinguna í 3 eða 4 bringur ;) 
-Blandið öllum innihaldsefnum í fyllinguna saman í skál. 
-Útbúið kryddblönduna í skál, (ath að nota hvítlauksduft en ekki hvítlaukssalt!). Kryddið kjúklingabringurnar báðum megin (oftast einhver afgangur af kryddi)
-Skerið vasa í bringurnar og setjið fyllinguna í. 
-Látið bringurnar standa upp á hlið í eldföstu móti og setjið inní 180°C ofn í 35-40 mínútur eða þar til þær eru gegneldaðar 

Tillögur að meðlæti
-Sætar kartöflur skornar í teninga og kryddaðar með restinni af kryddblöndunni + ólífuolíu og bakaðar í sama tíma og bringurnar. 
-Kúskús
-grænt salat 
-Gott er að gera sósu úr soðinu af rennur af bringunum.




laugardagur, 23. apríl 2016

Snúðakaka






Snúða- eitthvað getur bara ekki klikkað og það gerir þessi kaka svo sannarlega ekki :) 



Þetta er mjúk kaka með bráðnum kanil/púðursykri innaní sem er unaðslegt að borða með stóru glasi af mjólk :) Ég ætla ekki að svekkja ykkur með að segja að þetta séu snúðar sem eru líka kaka... þetta er kaka sem svipar nokkuð til snúða með kanilfyllingu og þess vegna hlýtur kakan þetta nafn ;)

Best finnst mér kakan vera þegar hún er volg og borða þá hana þá gjarnan með rjóma en einnig er hún góð köld svo örvæntið ekki þó að hún klárist ekki í fyrsta rennsli ;) 

Einn mesti kostur þessarar köku er að hún er búin til úr hráefnum sem maður á alla jafna til og það tekur afar lítinn tíma að gera hana (þarf ekki hrærivél eða handþeytara).



Öll hráefni sett í skál fyrir utan bráðið smjör 
Hrært saman
úr verður mjög þykk deigsoppa 

hér er búið að hræra smjörinu saman við
kanilblandan undirbúin. Sjáið að ég þvæ ekki einu sinni skálina inná milli ;) hér er allt gert til að hafa þetta sem einfaldast 

kanilblandan hrærð saman
kanilblöndunni dreift jafnt yfir deigið 
skorið í gegnum deigið með hníf til þess að blanda henni aðeins saman við



inní ofn, taka út, setja glassúr yfir, skera og NJÓTA ! :)



Uppskrift 
Kaka:
480 gr hveiti
250 gr sykur
1/2 tsk salt
4 tsk lyftiduft
3 3/4 dl mjólk
2 egg
2 tsk vanilluextract/dropar
75 gr smjör (brætt)

kanilblanda:
225 gr smjör (mjúkt)
100 gr púðursykur
2 msk hveiti
1 msk kanill
(2 dl hnetur ef vill)


Aðferð

Kaka:
-Blanda saman í skál öllu nema bræddu smjöri. Hræra saman þar til að myndast samfellt deig
-Blanda bræddu smjörinu saman í 2 skömmtum og hræra vel.
-Smyrja í smurt skúffukökuform

Kanilblanda
-Blanda saman í skál mjúku smjöri (hægt að lina það á lágum krafti í örbylgju ef það er að koma beint úr ísskápnum), hveiti, kanil og púðursykur og hræra vel saman
-Setja í doppum yfir allt deigið og fara svo í gegnum doppurnar með hníf og blanda kanilblöndunni þannig við deigið

Baka í miðjum ofni á 180°C í 30-35 mín

Ofaná 
-Þegar kakan er bökuð og aðeins búin að kólna er gerður glassúr úr mjólk, flórsykri og vanilluextract/dropum. Magn og þykkt fer eiginlega alveg eftir smekk


njótið  ! ;)













mánudagur, 17. ágúst 2015

Appelsínukaka með rabbabara


Þó svo að það sé enn miður ágúst er haustið farið að narta ansi í kinnarnar á manni.

Í mikilli rigningu og haustlegu veðri um daginn og við mæðgurnar enn í sumarfríi og afráðið var að baka köku.

Þessi kaka er mjúk, ekki þurr og skemmtileg tilbreyting frá rabbabarakökum sem maður er vanur að fá :)

Uppskrift: 

125 gr smjör
200 gr sykur
2 egg
1 tsk vanilludropar/extract
raspað hýði af 2 appelsínum
300 gr hveiti
2 tsk lyftiduft
1/2 tsk matarsódi
300 gr rabbabari
125 ml mjólk

Aðferð: 

-þeytið saman í hrærivél eða handþeytara smjör og sykur þar til það hefur lýst.
-Bætið við eggjum, einu og einu í einu og þeytið mjög vel á milli. Þeytið áfram í um 2 mín eftir að seinna eggið er komið útí.
-Bætið við appelsínuberkinum og vanilludropunum og blandið saman
-Setjið útí hveiti, lyftiduft, matarsóda og mjólk og hrærið saman þar til að þetta er orðið að samfelldu deigi. Ekki hræra lengur en mögulega þarf
-Setjið deigið í kringlótt smelluform sem er spreyjað eða smurt.
-Stráið niðursöxuðum rabbabara yfir kökuna og bakið hana við 180 °C í 45-50 mín eða þar til hún er bökuð í gegn.
-Æðisleg volg með rjóma eða ís.


 

Punktar 

-það er vel hægt að sleppa rabbabaranum, kakan er gríðarlega góð án hans. Væri hægt að gera glassúr úr appelsínusafa, appelsínuberki og flórsykri
-ég á alltaf niðursaxaðan rabbabara í pokum í frysti. Það er ekkert mál að nota frosinn rabbabara í rétti eða til að gera rabbabaragrauta, sultur ofl yfir allt árið


þriðjudagur, 14. október 2014

Sinnepskjúklingur með rósmarín og hvítlauk


Ég get ekki sagt að ég sé matvönd... ég borða svona flest allt nema ég á afskaplega erfitt með að borða paprikur og bleikan fisk. Paprikan er þó skömminni skárri og ég borða hana ef hún er í réttum. . . Ég kýs hins vegar oft að reyna að sleppa henni í minni matseld. 
Eitt bragð sem ég hef upp á síðkastið verið að meta betur og betur er sinnepsbragð. 
Hef að vísu alltaf fundist brúna SS sinnepið gott og gult sætt sinnep verið allt í lagi. 
Eftir að ég uppgötvaði hvað dijon sinnep er gott hef ég verið að prufa ýmsar gerðir og lauma því orðið í ótrúlegustu rétti. 

Um daginn var á vegi mínum sætt dijon sinnep (hunangsdijon) sem ég setti á kjúklingabringur.
Ó my hvað það er gott saman með smá rósmarín og hvítlauk. 



Hef hingað til frekast átt til að setja dijon sinnep á svínakjöt eða lambakjöt en einhvernveginn látið það að mestu vera að setja dijon sinnep útí kjúklingarétti. 

Mér fannst tilvalið að nota sæta dijon sinnepið útá kjúkling til að yfirtaka ekki alveg hið milda bragð kjúklingsins og bætti svo rósmaríni og hvítlauk með. Þessi þrennar klikkar ekki, á hvað sem er.

Endilega prufið að setja dijonblönduna á lambakjöt! 

Hef núna gert þennan rétt nokkrum og verð því að deila honum með ykkur :) 
Það góða við þennan rétt er að hann er 
a) fljótlegur 
b) þarft ekki að eiga mikið til þess að setja hann saman

kryddlögurinn útbúinn
Litli aðstoðarkokkurinn lætur sig sjaldan vanta 

Fyrir ofn 

Eftir ofn 
Uppskrift 
fyrir 3 

3 kjúklingabringur 
3 msk sætt dijon sinnep - hunangsdijon (venjulegt dijon virkar einnig)
2 hvítlauksrif, saxað smátt, rifið eða pressað 
1/2 - 3/4 msk Seasoned salt (t.d. Heima, Lawry's, Season all)
1/4 msk þurrkað rósmarín eða 1 msk ferskt, saxað smátt
3 sneiðar beikon 


Aðferð: 
-Setjið saman í skál dijon sinnep og krydd
-Smyrjið ríkulega yfir kjúklingabringurnar allan hringinn
-Vefjið beikoni utanum eða leggið yfir bringurnar
-Eldið í ofni á 190°C í um 30-35 mínútur (ath, fer mikið eftir stærð bringanna og hvort þær séu nýkomnar úr ískápnum eða ekki. Athugið þess vegna reglulega hvenær þær eru tilbúnar)


Tillaga að meðlæti
-Ofnbakaðar sætar kartöflur
-Soðnar gulrætur
-Salat
-CousCous 


Enjoy :) 

fimmtudagur, 9. október 2014

Pítubrauð

Það tekur ekki langan tíma að gera pítubrauð. Það passar vel að henda því í skál þegar heim er komið eftir vinnu og svo kíkja á það aftur um 20 mín áður en maturinn á að fara á borðið. :) 

Fyrir utan hve æðislega gott að fá nýbakað pítubrauð þá er rosalega gaman þegar maður er með lítil börn að geta gert litlar pítur fyrir þau :)

Allt hráefnið

Aðstoðarkokkurinn raular orðið með mömmu sinni 

skipt í 8 kúlur 

Flatt út. Ath ekki hafa brauðin of stór.




Uppskrift: 
gerir um 8 pítur

500 gr hveiti
1,5 tsk salt
2 msk matarolía
1 poki þurrger
2 msk sykur
ca 400 ml volgt vatn (4 dl)

Aðferð
- Setjið hveiti, salt, matarolíu, þurrger, sykur og vatn saman í skál og hnoðið annað hvort í höndunum  á borði eða með hrærivél í 8 mínútur (hér má eiginlega ekki gefa afslátt á mínútum :) )
- Setjið deigið í skálinni á volgan stað (eða ofan í volgt vatn í eldhúsvaskinum) og breiðið viskastykki yfir. Látið hefast í 40-90 mín. (Fer eftir hve heitt er þar sem deigið hefast)
-Skiptið deiginu í 8 búta og gerið píturnar einar í einu með kökukefli og raðið 3-4 saman á pappírsklædda plötu og setjið inní ofn á.
-Verið búin að hita ofninn uppí 200°C og bakið píturnar á einni eða tveimur plötum (ef 2 plötur stillið þá á blástur) og bakið við 5-7 mínútur. Þær eiga að blása vel upp. Ef þær blása ekki vel út þá getur verið að ofninn sé ekki nógu heitur eða þið eruð með píturnar of stórar. Það er ágætt að miða við pítubrauðin sem fást í öllum helstu búðum.

Setjið það álegg sem ykkur lystir í pítuna ykkar

mmmmmmm

gjörið svo vel :)




mánudagur, 10. mars 2014

Sítrónuterta með kremi

Æðisleg kaka, geymist frábærlega og er svo mjúk og fersk á bragðið að það er erfitt að hætta! 



Eitt er örugglega nýtt fyrir ykkur við gerð þessarar köku. Það er að til þess að ná fram þessu æðislega sítrónubragði bæði í kreminu og kökunni sjálfri er að þið notið heila sítrónu (já hýði og allt) sem þið hafið soðið og svo maukað

Ég giska á að munnvatnskirtlanir ykkar séu á fullu akkúrat núna :)





Skolið sítrónuna vel og sjóðið hana í 20 mínútur 

Vigtið öll þurrefnin saman 

Skerið sítrónuna í 2 helminga og fjarlægið alla steina sem þið sjáið

Maukið sítrónuna (alla) í matvinnsluvél, með töfrasprota eða í mixer, látið blönduna kólna áður henni er hrært saman við deigið 



Setjið þurrefni, egg, mjúkt smjör og 2/3 af maukuðu sítrónunni saman í skál 

Hrærið saman í 2-3 mínútur á hægum hraðaa þar til þetta er komið vel saman

Setjið í 2 kökuform sem eru spreyjuð með non-stick spreyi


Uppskrift
2 botnar
1 sítróna (notið 2/3 af maukinu í deigið)
275 gr mjúkt smjör 
290 gr sykur
290 gr hveiti 
1 tsk lyftiduft
2 tsk matarsódi 
4 egg 

Krem 
50 gr mjúkt smjör
250 gr rjómaostur 
1/3 af maukaðri sítrónunni 
500 gr (+/- 50 gr) flórsykur
1-3 msk af mjólk ef þarf 

Aðferð
-takið eina sítrónu, þrífið hana vel undir rennandi vatni og sjóðið í 20 mínútur. Skerið hana í 2 hluta og fjarlægið fræ.
-Maukið sítrónuna í matvinnsluvél, með töfrasprota eða í mixer. Ekki mauka hana alveg, það er gott að hafa örlitla bita ennþá í maukinu.
-Látið sítrónumaukið kólna aðeins áður en því er blandað í deigið. 
-Vigtið og mælið saman öll þurrefni og setjið í skál, bætið saman við þau mjúku smjöri, eggjunum og 2/3 af maukuðu sítrónunni. Hrærið saman þar til að úr verður samfellt deig.
-Setjið í smurð kökuform og bakið svo við 180°C í 30 mínútur eða þar til kakan er stinn í miðjunni og aðeins farin að losna frá könntunum. 
-Látið kökuna kólna alveg áður en þið setjið kremið á

-Þeytið saman smjöri, rjómaosti, sítrónunni og flórsykri. Ef þetta er of þurrt, bætið þá smá mjólk útí blönduna (fer eftir hve safamikil sítrónan er) 
-Setjið á milli og svo ofaná kökuna.  

Punktar
-það þarf ekki endilega að þekja alla kökuna með kreminu. Það er einnig flott að setja aðeins á milli og ofan á toppinn og hafa endana bera svo þeir sjáist
-Þetta er æðisleg kaka til þess að setja í skúffukökuform 
-Góð kaka fyrir páskana og skella smá gulum matarlit í kremið.

njótið! :) 




sunnudagur, 2. mars 2014

Vatnsdeigsbollur


Fyrst þegar ég gerði vatnsdeigsbollur var ég við það af fá taugaáfall af stressi yfir bollum sem myndu ekki rísa, eða þaðan af verra. Rísa og falla SVO...

Þetta eru ekki mikil vísindi. Það eru örfá innihaldsefni í uppskriftinni og það er hægt að græja þetta allt í einum potti svo að það þarf ekki að kosta mikið uppvask að gera bollurnar.

Galdurinn við að baka þær er að hafa 200°C heitan ofn, alls ekki kaldari en það, EKKI opna ofninn fyrr en bollurnar eru farnar að brúnast og aðal trikkið er að baka þær NÓGU lengi :)

Að þessu sögðu, þá er aðferðin svona


setjið smjörlíki og vatn saman í pott 

þegar suðan er að koma upp og smjörlíkið er bráðnað, 

Setjið hveiti og salt útí og hrærið saman. Hafið ekki áhyggjur á því ef þetta lítur svona út.

Svona endar deigið eftir smá 

setjið eggin í aðra skál og sláið þau í sundur

Þeytið eggin saman við deigið í 3-4 skömmtum með handþeytara í pottinum þar til deigið er orðið svona 

Mér finnst ágætt að nota sprautupoka (ekki með neinum stút) til að setja deigið á smjörpappír. En það er ekkert mál að gera þetta með 2 matskeiðum 

Spautið deiginu á plötu og hafið ágætt pláss á milli, þær þenjast vel út. Sjáið toppana sem myndast þegar maður sleppir sprautupokanum frá. Það þarf að ýta þeim aðeins niður svo þeir verði ekki of brúnir

Búðingur, karamella, sulta, rjómi og toppunum er dýft ofan í brætt suðusúkkulaði áður en þeim er tyllt ofaná 


Uppskrift
ca 13-15 bollur að meðalstærð

160 gr smjörlíki
4 dl vatn
200 gr hveiti
3-4 meðalstór egg
1/4 tsk salt

Aðferð:
-Smjörlíki og vatn er hitað saman í potti þar til smjörlíkið er bráðið og blandan er komin að suðu.
-Hrærið hveiti og salti saman við með sleif þar til blandan er orðin að samfelldu deigi.
-Látið blönduna kólna í 4-5 mínútur og notist þá við handþeytara og þeytið eggin saman við (sláið þau fyrst í sundur í skál) í 3-4 skömmtum þar til að blandan er orðin að sléttu deigi sem helst vel á skeið.
-Setjið deigið á plötu klædda bökunarpappír með þeirri aðferð sem þið kjósið (sprautupoka með stút eða ekki eða 2 skeiðum) og bakið þetta við 200°C  í 30 mínútur eða þar til þær eru orðnar vel karamellu brúnar að lit (þær eru ekki tilbúnar þegar þær eru að orðnar hálfbrúnar en eru enn ljósar í skorunum, bollurnar þurfa allar að taka á sig lit)
-Sjá tips um hvernig skal baka hina fullkomnu bollu (sem fellur ekki) hér efst :) 
-Látið kólna og setjið fyllingu að vild.

Fylling: 
-Royal búðingur er útbúinn þannig að í duftið er sett um 2/3 af því magni af mjólk sem upp er gefið. Þannig fæst ansi bragðsterkur búðingur sem passar vel á bollurnar. Smyrjið rúmri matskeið af búðing á hverja bollu
-Setjið jarðarberjasultu ofan á búðingsblönduna og að lokum léttþeyttan rjóma.-Tyllið lokinu ofan á og njótið :)Með þessari fyllingu hefur mér ekki þurft vanta eitthvað meira en þetta. Hver á samt sína uppáhalds bollu og það er gaman að breyta út af vananum og prufa nýtt. Hér er ég einungis að koma fram með klassíska gerdeigsbollu

Njótið! :) 


Árdís Rún hafði gaman að Jóa frænda sínum þegar hún var að smakka sína fyrstu bollu