Sunnudagsbrunch

Hve æðislegt er það að vakna við beikonlykt seint á sunnudagsmorgni og kærastinn er búinn að undirbúa svona frábæran brunch? 

(kærastinn sem eldar ekki nema ég standi með hníf hliðina á honum og hef í hótunum -ok little bit extreme but anyway ) 

Svaka skipulagning á sunnudegi

Fórum í einstaklega skemmtilega ferð í IKEA í dag. Eins og öðrum kvenmönnum finnst mér svoldið gaman að fara þangað og sem betur fer tuðar Viðar ekkert yfir ferðum þangað heldur.
Við fáum t.d. alltaf góðar hugmyndir þar og ein fæddist þar einmitt í dag sem við þurfum að fá járnsmið til þess að útfæra betur með okkur :)

Keypti 2 plastbox með hólfum til þess að skipuleggja make-up dótið mitt sem hefur farið hratt stækkandi sl hálfa árið en ég henti 2 hankapokum sl haust af dóti sem ég notaði orðið ekkert.

Hér er önnur skúffan mín af make-upi og hvernig hún leit úr í dag. Nota bene að hún er verri en hún var 10 sek áður. Var nefnilega byrjuð að róta uppúr henni áður en ég tók myndina og henti því ofan í aftur til að taka mynd

Eftir tiltekt og skipulagninu lítur þetta svona út. Ég hef satt að segja ekki tölu á þessu öllu en mér sýnist ég eiga amk

8 bronzera
7 kinnaliti
uþb 90 augnskugga


Það sem vantar reyndar þarna í skúffuna eru allir MAC augnskuggarnir en ég á 12 þannig sem ég ætla ða taka úr boxunum og setja í pallettu. Það fer nefnilega svo vel um palletturnar þarna vinstra megin.


Þá er að kaupa auka plastbox fyrir hina make-up skúffuna ;)

tilraunaeldhús á föstudegi

í matinn var Svínalund fyllt með Sveppa-Brie Ragú
meðlæti: Rjómalöguð Viskísósa, rustí kartöflur og salat


splendid !!!!

Volg eplakaka - frábær fyrir saumaklúbbinn

Mjög auðveld kaka, fljótleg og þarf ekki að eiga mikið í skápunum til að gera hana.

Ég prufaði að setja kökuna í kringlótt smelluform en eftir á að hyggja þá hefði hún verið lang fallegust í eldföstu móti og hver og einn fái að taka sína sneið úr með skeið eða hníf og einhverju öðru áhaldi.
Hvað varðar bragðið þá skiptir ekki máli í hvernig formi kakan er bökuð eða á hverju hún er borin fram.
Það sem skiptir máli að hún bragðist eins og vanilla og sæt epli og það gerir hún sko sannarlega!

Miðjan er blaut vegna safans í eplunum og kakan fellur örlítið saman eftir að hún kemur úr ofninum. Endarnir eru meira krispí og setja punktinn yfir i-ið

Setjið egg og sykur saman í skál

Þeytið saman með handþeytara eða í hrærivél. Ef þið hafið ekkert annað en písk og skál... go ahead ! ;)

Þeytið í 3-4 mínútur

Eða þar til þetta er farið að hanga svoldið saman og orðið ljóst og létt

Skrælið 3 epli og skerið í bita

Bræðið smjörið

Hér er síðan öllu helt saman útí sykur-eggja hræruna. 

Þ.e. hveiti, vanilludropum, lyftidufti og bráðnu smjöri. 

Hrært rólega saman þar til degið er slétt og fínt og engir kekkir í því

Eplum hrært saman við deigið

deigið sett í smurt form. Kringlótt, ferkanntað, mörg lítil eða eldfast mót... þið ráðið :)

Bakað í miðjum ofni í 40-60 mínútur eða þar til kakan er orðin gullin að ofan og hristist ekki í miðjunni ef þið sláið í hana. Ath að hún verður alltaf blaut i miðjunni vegna eplanna

Njótið kökunnar heitrar með rjóma ! 

Uppskrift: 

175 gr sykur

2 egg

115 gr smjör

75 hveiti 

2 tsk vanillu extract dropar 

2 tsk lyftiduft

3 epli, græn eða rauð. 

Bakist í miðjum ofni við 170°C þar til tilbúin eða í um 40-60 mínútur.

Skemmtilegast við þessa köku er þetta æðislega vanillubragð og hvað eplin eru góð svona mjúk og heit. 

Ég er einnig afskaplega hrifin af því að það sé enginn kanill í henni en epli + kanill er orðið svo klassískt að maður er til í að breyta út af vananum

Update:
Kakan er ennþá drullugóð köld! (afsakið orðbragðið)

Beikonpasta

Hér er beikonpastað sem ég endaði á að gera í kvöldmatinn.

Beikon, laukur, hvítlaukur og smá skinka sem var á síðasta söludegi skellt á pönnu og steikt. Rjóma skellt útá auk Ricotta osti sem ég átti í ísskápnum og var orðinn útrunninn en var enn í lagi með. Fínt að nýta hann, skelli alltaf smá mjólk útá til að hafa þetta ekki bara með rjóma og osti og þykki aðeins ef ég þarf. Krydd eins og oregano, salt, pipar og graslaukur... soðið saman, smakkað til og hellt útá ferskt pasta.

Hef gert 101 útgáfur af þessu pasta, allar jafn góðar en geri það ekki oft því það er jú að mestu búið til úr rjóma + pasta... + feitu beikoni.

Önnur klassísk leið er að nota skinkumyrju + rjóma útá laukinn, hvítlaukinn og beikonið. Þá þarf eiginlega ekkert að krydda nema kannski smá ítalskt krydd

Árshátíð Bráðasviðs

Myndir hér

Bombay Aloo - indverskur kartöfluréttur

Þetta er einn af réttunum í indverska matarboðinu sem ég hélt fyrir 2 vikum. Auðveldur kartöfluréttur sem notar þessi helstu krydd sem maður á í skápnum ef maður er búinn að koma sér upp þessum helstu kryddum sem yfirleitt er notað í þesskonar matargerð.

Mér fannst ekki nóg að vera með Butter Chicken og Saffran hrísgrjón en auðvitað getur það alveg verið nóg, mig bara langaði að prufa eitthvað meira með.

Þessi er bragðmikill en ekki sterkur og er best að gera þegar um klst er í matinn ef það er mikið annað sem þarf að undirbúa, skella svo aftur í pottinn og setja lok á og halda þannig heitu þar til á að bera á borð (hafa helluna stillta á 1 eða einfaldlega slökkva eins og ég gerði).

Bombay Aloo

Uppskrift (fyrir 4-6)

3 stórar kartöflur
1 laukur, grófsaxaður
1/2 græn paprika skorin í grófa teninga
2 msk tómatpúrra
1 tómatur, skorinn í bita
3 cm engifer, rifinn á rifjárni
4 stk hvítlauksrif, skorin niður í sneiðar eða kraminn
2 tsk karrý
1 tsk cumin (ekki kúmen)
1 tsk chilli duft
1 tsk turmeric
1/2-1 tsk salt
1 tsk Worchester Sósa ( þetta er að vísu ekki mjög indverskt!)
5 matskeiðar söxuð kóríanderlauf
matarolía


- Skrælið kartöflurnar og skerið þær í litla bita um 2x2 cm. Setjið þær í pott ásamt turmeric kryddinu og sjóðið þar til þær eru tilbúnar.
-Þegar kartöflurnar eru að verða tilbúnar, steikið í olíu á pönnu, laukinn, karrý, cumin, chili, hvítlauk og engifer og steikið í 2 mínútur, veltið þessu vel til á meðan
-Bætið tómötum, Worchester sósu, papriku og tómatpúrru útí og hitið vel
-Hellið kartöflunum í sigti og hellið þeim útá pönnuna. Bætið við smá vatni ef þið viljið hafa sósuna þynnri.
-Saltið ef ykkur þykir vanta.
-Setjið í skál og stráið söxuðum kóríanderlaufum yfir

Borið fram með öðrum indverskum mat


enjoy !
-

Sticky toffee pudding - Döðlukaka með heitri karamellusósu

Ég kynntist þessum eftirrétt í bretlandi en þessi réttur er mjög vinsæll þar á öllum veitingastöðum og hægt er að kaupa margar tegundir af þessari köku tilbúnni í búðum, oftast í plastílláti með sósunni undir kökunni og þessu er svo stungið inní örbylgju til að hita réttinn.

Ég hef reyndar bara gert þetta 1x áður en þetta er alveg dísæt og þétt kaka með enn sætari sósu

Hér kemur uppskriftin


150 gr döðlur, saxaðar frekar smátt
200 ml sjóðandi heitt vatn
1 tsk matarsódi
60 gr smjör (helst lint)
60 gr sykur
2 egg
150 gr hveiti
1,5 tsk lyftiduft

Aðferðin er ekki flókin:
-saxið döðlurnar og látið í vatnið + matarsódann og látið standa í 10 mín eða á meðan þið gerið deigið
-Deigið er gert þanig að smjör og sykur er þeytt saman í hrærivél eða handþeytara þar til að það er orðið ljóst og svoldið fluffy, þá er eggjunum bætt saman við einu í einu og þeytt vel á milli.
-Að lokum er hveitinu og lyftiduftinu bætt saman við og döðlunum + vatninu helt saman við líka og hrært saman þar til að það er orðið slétt og fínt.

Eins og þið sjáið á myndinni þá nota ég ekki lítið ferkanntað form eins og vanalega er gert heldur lítil form sem ég keypti í Söstrene Grene fyrir mörgum árum. Hægt væri líka að nota Créme Brulée form eða einfaldlega kringlótt form.

Þetta er bakað í 20-30 mínútur í miðjum ofni á um 180 °C eða þar til að prjóni sem stungið er í miðjuna kemur ekki blautur út. Það er þó í lagi að rakir,klístraðir kökumolar séu á prjóninum.

Þegar kakan er heit eða volg, hellið sósunni yfir og berið fram

karmellusósuuppskrift:

200 gr smjör
400 gr púðursykur
250 ml rjómi
1 tsk vanillu extract


Allt sett í pott og soðið í 5 mínútur

2 Ný myndaalbúm komin inn á smugmug

Jæja já.

Hef víst verið töluvert dugleg að setja inn myndir upp á síðkastið. Ég nota helst ekki facebook til þess að geyma myndirnar mínar vegna höfundarréttsins sem tapastvið það og nota þess í stað Smugmug.

Myndaalbúmin eru :


Þorrablót á Eyrarlandi 19. febrúar

og

Þorraferð jeppaklúbbsins 4x3 á flugi 26.-27. febrúar

Indverkst matarþema - uppskrift af Butter Chicken !

Jæja, þá er komið að því að útskýra aðeins hvað er hérna á myndunum :)

Fyrst sýni ég ykkur hvernig ég gerði Butter Chicken en það þarf að byrja á því að gera hann daginn áður enda þarf kjúklingurinn að marinerast yfir nótt í jógúrt-kryddleginum. 

Til að spara smá pening keypti ég kjúklinga upplæri og úrbeinaði tilblands við kjúklingabringur. Satt best að segja komu lærin betur út hvað varðar áferð og bragð og mun ég ekki reyna að gráta út pening fyrir kjúklingabringum næst þegar ég geri þennan rétt.

Það er að vísu örlítið vesen að úrbeina lærin, taka af þeim skinnið og fituhreinsa, auk þess að skera þau niðrí bita en ef tíminn er ekki vandamál þá myndi ég gera það. 

Það fyrsta sem maður hræðist í þessari uppskrift eru öll skrefin sem þarf að framkvæma en þau eru í alvöru ekki flókin eða rosaleg þegar það kemur að því að gera þetta allt. Það var í raun afskaplega gaman að leggja smá vinnu í þennan góða mat

annað sem maður hræðist eru fjöldinn af kryddtegundum sem þarf að nota í þennan rétt. 

Þessi krydd fást öll í flestum búðum (sum þó aðeins í Hagkaup eða stærri stórmörkuðum). Það var eitt "krydd" sem ég fann ekki í venjulegri búð en það var Kardimommufræ (cardamom pods) en þau fann ég í Asíska markaðnum hliðina á Nings á Suðurlandsbraut. Ef þið finnið þetta ekki þá myndi ég benda ykkur á að googla cardamom pods substitute í staðinn og sjá hvort að kardimommuduft virki ekki jafn vel í staðinn

en þá hefst fjörið

(athugið að ég gerði 2falda uppskrift fyrir 6 fullorðna. Einföld hefði kannski dugað fyrir um 5 + meðlæti)

Dagur 1:

1 Bolli hreint jógúrt + sítrónusafa er blandað saman. Útí það er settur hvítlaukur (maukaður, kraminn eða rifinn á microrifjárni eins og ég gerði) + engifer sem þarf að rífa á járni (hann er alltaf töluvert trénaður annars og ekki vinsælt að fá það uppi sig í svona rétti).

Einnig er tómatmauki,  paprikukryddi, Garam masala (tilbúið krydd) og muldum kardimommum (einnig tilbúið krydd).

Nærmynd af kryddum, hvítlauk, engifer og tómat 

í einfalda uppskrift á að nota 3-4 bringur eða samsvarandi magn af annarsslags kjúklingakjöti

öllu er svo blandað saman

verður fallega bleik-rautt á litinn

og svo geymt og gleymt inní ísskáp þar til daginn eftir ! 

Dagur 2:

Réttsælis frá kardimommufræjunum er :
Kardimommufræ, pipar, sykur, chilliduft, engifer, salt og paprikuduft. í miðjunni er svo kanill.
Ath... hér er ekki verið að fara að baka köku. Seriously !
já og rétturinn mun heldur ekki bragðast eins og kaka ! 

Hér hefst fjörið sem er svo framandi.

Búa þarf til nokkuð bragðsterkt, tómatkryddmauk til að blanda útí jógúrtblönduna sem útbúin var deginum áður. 

Lauk, hvítlauk og engifer er svissað aðeins á pönnu. Þarf alls ekki að brytja það smátt, enda á eftir að mauka þetta allt saman eftir smá stund. Tómatasósunni (passata - fæst í fernum í Bónus eða brytjaðir tómatar í dós sem ýtt er í gegnum sigti) er helt útá og að lokum öll þessi krydd sem þið sjáið á myndinni hér fyrir ofan, á myndina vantar reyndar lárviðarlauf og karrý

Þetta er allt svo soðið saman í smá stund og síðan skellt í blandara og 

 víííí!!!!!!

Þegar maukið lítur svona ut í mixernum þarf að losa sig við stóra hluti og annað sem hefur ekki mixast nógu vel. Það er gert með því að skella sigti ofan á skál og þessu hægt og rólega þrýst í gegn. 

þetta tekur lengri tíma en ég hefði viljað... djöfull var ég orðin óþolinmóð þarna þegar hingað var komið í að kremja þessu í gegn, en þetta hafðist og það var ekki meira eftir en þetta ! :)

Þá hefst samsetningin mikla. 

Smjör er brætt á pönnu og kjúklingnum í allri jógúrtmarineringunni er helt útá og hrært í þar til þetta fer að hitna vel. 

Eftirleikurinn er auðveldur eftir þetta allt saman

Kryddmaukinu sem búið var að neyða í gegnum sigtið er helt útá og rjómaskvettu skellt með og allt hitað vel og soðið þar til að kjúklingurinn er klár

Borið fram í skál og ég kaus að setja ferskan kóríander yfir en það var algerlega mín hugmynd.. (bara af því að ég elska kóríander!) 

Fáránlega skemmtilegt að elda þennan mat og rosalega gaman að fá gesti í svona framandi og bragðgóðan mat.

Það kom mér á óvart hvað rétturinn small saman þegar allt var komið á pönnuna og þurfti ekki að bragðbæta neitt eins og maður er oft að gera í rétt lokin. 

ATH að upprunanlega er kjúklingurinn grillaður í jógúrtsósunni áður en honum er blandað saman við maukið en ég kaus að nota uppskrift sem gerði það ekki. Sparar aðeins fyrirhöfnina :) 

Meðlætið var ða sjálfsögðu NaanBrauð en uppskriftina má finna hér á síðunni eða HÉR

Allt að smella saman í eldhúsinu 

Pottarnir rétt áður en allt var sett á borð

Saffran Hrísgrjón 

Bombay Aloo 

Matarborðið 

Sticky toffee pudding 

Þetta blogg fjallar aðeins um Butter Chicken en hinar uppskriftirnar munu koma hér síðar. 

Ef þið eruð að skoða þessa síðu löngu eftir að þessi færsla var skrifuð þá munið þið finna þessar uppskriftir í viðeigandi flokkum vinstra megin á síðunni :)

Uppskrift :

Dagur 1: 

3-4 kjúklingabringur eða samsvarandi magn af kjuklingakjöti 

1 bolli hreint jógúrt 

1.5 tsk sítrónusafi 

1/4 tsk kardimommur (ekki dropar)

1/4 tsk Garam Masala

1/2 tsk paprikukrydd

1 tsk marinn, kraminn eða rifinn hvítlaukur

1 tsk rifinn engifer 

1 msk tómatpúrra 

- Öllu blandað saman og hellt yfir kjúklinginn

-geymt í ískáp yfir nótt 

Dagur 2:

1 stk laukur, gróft saxaður

5 hvítlaukrsif, söxuð 

3 msk matarolía

1 cm langur bútur af engifer, saxaður

1,5 bolli tómatasafi (passata)

3 lárviðarlauf 

1 tsk karrý 

1 tsk paprika (duft)

1 tsk salt

1 tsk sykur

1/4 tsk negull 

1/4 tsk kanill

1/2 tsk chilli krydd eða Cayenne pipar

pipar á hnífsoddi

-Laukur, hvítlaukur, engifer steikt saman á pönnu í 2-3 mínútur og svo tómatasafa + kryddum bætt útí og látið sjóða í smá tíma 

-Blandað í mixer þar til það virðist blandað saman +haha+

-sett í sigti og allt drasl sigtað frá 

til að setja réttinn saman

-3 kúfaðar skeiðar af smjöri bræddar á pönnu. 

-Kjúklingnum er bætt útá og hitað þar til það fer að sjóða

-Kryddmauki bætt útá + 1/4 bolla af rjóma og soðið þar til kjúklingurinn er tilbúinn

og SVONA gerið þið Butter Chicken 

auðvitað langar mig svo að heyra í ykkur ef þið leggið í tilraunaeldamennsku heima hjá ykkur :)