Le Bastogne kex / Sírópslengjur

Uppskrift af Le Bastogne

375 gr hveiti

250 gr sykur

250 gr smjörlíki

1 stk egg

3/4 msk síróp

3/4 tsk kanill

1 1/4 tsk matarsódi

1/2 tsk vanilludropar

Jæja... 

-Aðferðina gæti verið örlítið flóknara að útskýra ef þið hafið aldrei séð þessar kökur áður eða gert svokallað "hnoðað deig" eins og stendur alltaf við uppskriftir í uppskriftarbókinni hennar mömmu. 

-"hnoðað deig" í kökubakstri gengur út á það að blanda saman öllum þurrefnum fyrst og taka síðan smjörlíkið eða smjörið og mylja það útí deigið. Þetta tekur smá tíma og hefst alltaf á endanum með því að passa að vera alltaf að nudda smjörlíkið í sundur með fullt af hveiti og sykri svo að á endanum er allt smjörlíkið blandað saman við hveitið og áferðin er ekki ólík botninum á ostakökum frá MS. Þegar allt er orðið blandað svona saman og helst engar klessur af smjörlíki eru eftir þá er gerð hola í mulninginn og öllum vökvanum hellt þar ofaní og allt er svo hrært/hnoðað saman.

-Sjálfsagt stendur í einhverjum bókum að best sé að pakka deiginu inn í plastfilmu og geyma í ísskáp í einhverjar klst eða amk eina en ég hef bara nokkrum sinnum gert það þegar ég vann á Höfðabrekku og hafði ekki alltaf tíma til að baka kökurnar strax eftir að ég gerði deigið og finnst ekki vera munur á þó endanlegri útkomu að það gæti svosem verið einhver. 

-Deigið á að vera næstum það blautt að manni lítist ekki á blikuna. :) En þetta reddast allt

-Vel af hveiti er stráð á borðið þar sem auðvelt er að sækja það en ekki fara að rúlla kökurnar út í heila bingnum heldur bætið við eftir þörfum. 

-Smá klípa af deiginu er tekin og rúlluð út í pulsu sem nær langhliðina á milli á bökunarplötunni þinni. Ég hef rúllurnar aðeins mjórri en venjulegar pulsur. 3-4 lengjur komast á hverja plötu en ath að þær renna mikið út.

-Ofan á hverja lengju er stimplað með gaffli,  þétt, þvert á til að gera örlítið mynstur. (þetta gerir kökurnar ekkert betri og má sleppa ef sá hinn sami vill)

-Kökurnar eru settar inní ofn á 180°C og blástur (þetta fer á uþb 3 plötur) og mín regla er sú að þegar maður heldur að kökurnar séu tilbúnar þá eigi þær eftir að vera í 1 mínútu lengur inní ofninum. Þær mega alls ekki vera of ljósar því að þá verða þær ekki stökkar og verður minna karmellubragð af þeim þar sem að sykurinn þarf að verða heitur og bráðna vel saman við smjörlíkið og "caramelize-ast" Þið getið farið eftir litnum á kökunum frá Lu... það er ca rétti liturinn :) skv tímatöku eru þetta 12-14 mínútur

-Þegar allt virðist  vera tilbúið, takið lengjurnar ur ofninum og skerið þær í 3-4 cm langa bita með hníf. Kökurnar eru mjög mjúkar þegar þær eru nýkomnar út úr ofninum svo að það er lítið mál. Reynið bara að standast það að smakka ekki strax ! :)

dip'em or don't dip'em in milk... it's entirely your choice ;) 

enjoy!!! 

helgin afstaðin

Vann helgina á hjúkkuvöktum og stóðst þá prófraun með sóma. 

næstu 2 vikur verða mest megnis frí og ferðalög þar sem ég vinna ekki næst fyrr en á miðvikudagskvöld og er svo í fríi til 30. júní. Þennan tíma ætla ég að nýta til að ferðast um landið í tjaldi... vúhú !

Heilsukökur á fimmtudegi

Já. var skilin eftir EIN heima. Ég hef alltaf verið svo mikið í kringum stráka og í strákahópum að ég kann ekki við að fá ekki að vera með af því að ég er stelpa. Hefði átt að sleppa því að fara í kjól í dag ... ;) But do I care ? njeee

en jæja.. 

Hvítvínsflaskan var búin (voru nokkrir dreitlar eftir í henni) og mér datt í hug að nýta eitthvað af dóti sem ég á í skápum og skúffum og baka eitthvað tiltölulega HOLLT. Aðal hugmyndin var að baka eitthvað með ananas en ég hef held ég aldrei gert það áður þó svo að ég hafi oft ætlað mér að prufa einhverntíman að gera "ananasköku á hvolfi". 

en talandi um "holan" bakstur... Það er svosem aldrei hægt að baka eitthvað 100% hollt, en það er hægt að setja hollari hluti en aðra og taka í staðinn út hluti sem eru t.d. hveiti, egg, fita, hvítur sykur, mjólkurvörur osfrv.  Ég gerði það að einhverju við þessa uppskrift þar sem að þó að hún hafi verið á góðri leið með að vera holl þá vantaði nokkr hluti uppá sem ég lagaði aðeins til, breytti og bætti. 

Tilraunabaksturinn tókst held ég vel og svei mér þá ef að kökurnar bragðist ekki svoldið eins og instant Apple and cinnamon grauturinn sem hægt er að kaupa í pökkum í öllum búðum.

Þessi uppskrift inniheldur ekki Eggjarauður, Hveiti, Hvítan sykur eða Fitu.

Aftur á móti er töluverður sykur í formi ávaxtasykurs, agave sýróps og hunangs. Næst hugsa ég samt að ég sleppi ávaxtasykrinum.

hérna kemur uppskriftin

Hawaii kökur 

1/4 bolli fínmalað spelt

2 bollar haframjöl

4 msk kókósmjöl (algerlega mín viðbót)

1 tsk vínsteinslyftiduft

1/2 tsk matarsódi

1 tsk kanill

1/2 tsk salt 

2 eggjahvítur

2 msk ávaxtasykur

3 msk agave sýróp

1/4 bolli hunang

1/4 bolli eplamús (Euroshopper)

1/2 bolli rúsínur

3/4 bolli ananaskurl með safanum

Aðferð:

-Blandið saman öllum þurrefnunum.

-Þeytið eggahvíturnar þangað til að þær eru orðnar það stífar að þið treystið ykkur að fara í Jamie Oliver áhættuleik og hvolfa þeim yfir höfuðið á ykkur. 

Ég átti ekki ananaskurl svo að ég notaði venjulega ananashringi í dós og skar þá í þunnar lengjur þvert yfir, snéri svo brettinu og saxaði þá þvert á skurðarstefnuna og kom þá ananasinn út í litlum bitum. Safinn sem lak úr á meðan ég saxaði ananasinn var eini safinn sem ég setti í uppskriftina. Notaði í þetta 5 ananashringi. Held persónulega að það sé bara betra að hafa örlitla bita af ananas til að bíta í).

-Allt er svo hrært saman (þurrt+blautt) og látið standa aðeins svo að haframjölið dragi aðeins í sig vökvann og það verði mögulegt að setja þetta á plötu. 

-Þessu er svo slett á smjörpappír með 2 teskeiðum og má vera tiltölulega þétt þar sem kökurnar renna ekki út. Þetta urðu 33 kökur hjá mér.

-Sett inní ofn á 175 ° í 17 mínútur á blæstri þar sem þetta voru 2 plötur og þeim var svissað þegar bökunartíminn var hálfnaður. 

Núna eru kökurnar að kólna svo að ég veit ekki hver loka áferðin á kökunum er en núna eru þær örlítið krispí efst en mjúkar undir. Býst við að þær verði á endanum frekar mjúkar. 

Fyrsta smakk lofar góðu !! 

enjoy

Veislumatur á mánudegi

Eftir að hafa rölt til læknisins á Háaleitisbraut gekk ég auðvitað heim aftur og varð á vegi mínum fiskbúð í skipholtinu (hliðina á American Style) en þar er opnuð aftur fiskbúð eftir að Fiskisaga lokaði búðinni þar, eftir að hafa keypt staðinn af gömlum fisksala. Maðurinn sem var að vinna í dag var ekkert svo gamall en gæti vel hafa átt staðinn.

Enginn fiskur var merktur í borðinu og ég er ekki sú flinkasta í að þekka fiska af roðinu einu þá benti ég svo til blindandi á borðið, þóttist benda á eitthvað (en benti í rauninni ekki á neitt) og sagðist ætla að fá steinbít fyrir 2 

Eftir smá flettingar í nokkrum kokkabókum hérna heima ákvað ég að vefja fisknum inní parmaskinku en eftir að hafa misst hökuna í gólfið í Hagkaup vegna verðsins á henni ákvað ég að prufa að kaupa Toscana skinku frá Ali sem er svipuð hráskinku nema að hún er léttreykt. 

ég saltaði fiskinn duglega og pipraði smá, skipti flakinu í þrennt og vafði 2 stykkjum fyrir sig inn í Toscana skinkuna. Pakkaði svo hvorri rúllunni inní matarfilmu og snéri upp á endana svo að skinkan lagðist vel að fisknum og lét þetta vera svona í kæli þangað til að það kom að eldunartíma. 

Þegar ég svo eldaði fiskinn steikti ég hann á heitri olíuborinni pönnu á öllum hliðum og setti hann svo í mót og inní ofn þar sem hann mallaði á meðan ég undirbjó meðlætið. 

Áður en ég hafði steikt fiskinn hafði ég sett smá af sætri kartöflu í pott sem ég átti eftir inní ísskáp og flysjaði og skar í teninga bökunarkartöflu. Þetta sauð ég og stappaði svo saman með gaffli, ekki það vel að þett væri kekkjalaust heldur var hægt að finna smá bita af sætri og venjulegri kartöflu í "músinni" út í þetta setti ég smá rjómaost (2 tsk kannski) og 3 dropa af sýrópi. (átti því miður ekki hlynsýróp, það kláraðist um helgina) 

Með þessu steikti ég svo hnefafylli af spínati í smá olíu, setti með rifinn hvítlauk og kryddaði með smá Cummin og salti. Þegar spínatið hafði minnkað niður í næstum ekki neitt setti ég 2 matskeiðar af 5% sýrðum rjóma.

Þetta var svo allt sett á einn disk og hefði ég nennt að gera diskinn "chef-style" þá hefði ég tekið mynd en núna sé ég hálfgert eftir því... maturinn var nefnilega GEÐVEIKUR...

safanum af fisknum sem var saltað, reykt, fiskisoð, hellti ég yfir fiskinn þegar hann var kominn á diskinn.

Með þessu drakk ég glas af BOLLA - Pinot Grigio sem er uppáhalds hvítvínið mitt. Svona af því að ég átti opna flösku inní ísskáp síðan um helgina ;) 

Mér er sama hvort að ykkur hafi langað að lesa um matinn í kvöld eða ekki ! ;) enjoy

Ef þið eruð að velta því fyrir ykkur hvað hafi orðið af síðasta steinbítsstykkinu sem ekki var vafið inní Toscana skinkuna þá steikti ég það áðan á pönnu uppúr hvítlauks-infused olíu eftir að hafa velt því fyrst uppúr hveiti sem ég saltaði og pipraði. Restin af kartöflumúsinni + grænmeti er komið í nýja bakkann sem ég keypti í MegaStore í Smáralindinni.. en hann er svo sniðugur! 1 stórt hólf og 2 lítil, svolítið eins og frauðplastbakki undir take-away mat en þessi er fjölnota og með smelluloki.

Enginn LSH matur handa mér á morgun !!! :)

Lifi Eiki Hauks

Dúndurfréttir

Pirr dagsins !!

viðar ákvað að bjóða mér á tónleikana með Dúndurfréttum og fleirum í Laugardalshöll sem eiga að vera í kvöld. Hann keypti miða í stúku þar sem að þetta eru tónleikar þar sem maður þarf að heyra og sjá vel, plús að ef við vildum standa niðri þá getur maður skroppið þangað.

3900 kr miðinn í stúku í stað 2900 fyrir stæði. nokkuð sanngjarnt bara...

Í vikunni kom fréttatilkynning um að þeir hafi fllutt allt klabbið á NASA og við héldum það öruggt að við fengjum 1000 kall á miða endurgreitt þar sem að nú stæðu allir og við höfðum borgað fyrir stúkumiða!

boy we were wrong

þeir sem standa að þessu hafa ákveðið taka þá sem ætluðu að sjá og heyra vel í tónlistarflutningnum í rassgatið og hækkuðu miðana í 3900 svo að við stöndum hliðina á þeim 798 sem einhverjir eru svo heppnir að hafa ætlað að standa from the beginning og fá ódýrari miða. Við fáum ekki mismuninn greiddann.. nóbb... ekki sjéns

við semsagt keyptum stúkumiða á 3900 og endum á að standa í þvílíkri þvögu á miklu minni tónleikastað fyrir 3900 sem er verð fyrir stúkumiða ?

okur  ?

jább!

Fræðsla

Skólinn er búinn en LSH vill fræða okkur hjúkkulingana eitthvað reglulega svo að öllum 3. árs nemum sem starfa innan spítalans var hópað saman í litla loftlausa stofu og masað yfir okkur frá 9-16 um ýmsa hluti. Mis merkilega eins og við er búast.

Daginn enduðum við svo á endurlífgunaræfingum þar sem við fengum dæmi til að vinna með og eru svoleiðis námskeið alltaf góð og fá mann til að hugsa, svona til að reyna að koma inn automatískri hugsun hvað maður eigi að gera í aðstæðum þar sem sjúklingurinn crash-ar og við erum ein með hann, auk hvers konar endurlífgunar er viðeigandi að beita.

Harpa, Hanna, Íris og Eva að fara að aðstoða Tomma 

pizza a la Ragna

sósa

ostur

pepperoni

skinka

hvítlaukur

laukur

rjómaostur

pizzaostablanda

og að sjálfsögðu..

12 mánaða gamall parmesan

eldað með ást og alúð og útkoman er hamingja :)

Hvað er Twitter?

Ég var búin að vera að velta því svolítið mikið fyrir mér hvað TWITTER sé og þegar bth gat varla svarað því sjálfur þá gafst ég upp á að spekulera.

Forvitnin sigraði samt tæknióðu stelpuna og ég skráði mig á Twitter.com og ég er loksins búin að átta mig á þessu. 

Twitter æðið byrjaði rólega árið 2006 og er búið að vaxa mjög í vinsældum, sérstaklega í Bandaríkjunum en twitter er byrjað að berast til fleiri landa og nokkrir eru farnir að nota Twitter hérna á íslandi (aðallega þeir allra tæknióðustu) og í dag er Twitter í þriðja sæti yfir aðsóknamestu tengslasíður internetsins á eftir Facebook og Myspace og vex hratt þar sem umferðin um síðuna jókst um 1382% í febrúar síðastliðnum.

Að skrá sig á Twitter er frítt og getur hver notandi stillt prófílinn sinn þannig að hann ráði hvort að allir geti skoðað prófílinn hans og twittin eða hvort að aðeins vinir eða vinir vina geti skoðað.  Hægt er að breyta bakgrunni á síðunni sinni og gera hana aðeins persónulegri (það er enn ekki hægt á facebook)

En hvað er að Twitta? 

Twitter síðurnar eru mun einfaldari uppsettar og einfaldari hugmynd heldur en Facebook síðurnar og alveg lausar við öll quiz og leiki sem Facebook er farið að snúast mikið um. Síða hvers Twitter notanda sýnir hans síðustu færslur sem hann hefur sett inn og hver færsla getur verið allt að 140 stafa löng. Twitter er þess vegna einhversskonar mini-blogg síða eða status-update síða. 

Margar stjörnur hafa búið til sínar twitter síður þar sem þær senda inn reglulega fréttir úr lífi þeirra og má þar á meðal nefna Perez Hilton  ,  Schwarzenegger   ,   Stephen Fry   ,   Kelly Osbourne  til að nefna einhverja. 

Hægt er að vera "follower" þeirra sem nota Twitter og maður svo skoðað Tweets frá þeim sem maður er að fylgja eftir þegar maður skráir sig inná Twitter síðuna sína. Einnig er svo hægt að kommenta á Twitt vina sinna. 

Twitter-conceptið er svoldið flókið þegar maður er að skoða Twitter síður annarra en þetta verður allt frekar ljóst þegar maður er farinn að fylgja fólki eftir og farinn að Twitta sjálfur svo þið verðið bara að prufa að skrá ykkur 

Facebook er líka orðið Twitter-vænt. Hægt er að setja inn Twitter-blogg inna facebook síðunni sinni sem breytir sjálfkrafa status update-i Facebook síðunnar (einnig hægt að loka á þann fítus) en það er þá fínt fyrir þá sem finnst Twitter flækja málin of mikið og stressast yfir að vera að nota 2 síður í einu :)

Jæja, sammála mér eða ekki þá er þetta eins og ég skil Twitter ...

Follow me on twitter 

(hér efst á síðunni til hægri getið þið síðan séð síðustu Twitter-bloggin mín) 

Enjoy !