Hægelduð svínasíða í mjúku brauði með meðlæti

 

Ég setti saman þennan matseðil fyrir útskrift fyriri 45 manns um daginn og hann sló svo rækilega í gegn að ég varð einfaldlega að deila honum með ykkur. 

Hægelduð svínasíða sem bráðnar í munni, mjúk heimabökuð brauð, ferskt rauðkáls-coleslaw og meðlæti.

Þetta er svona matur sem allir geta borðað! 

Hér er ég búin að skala uppskriftina niður í heimilisstærð, eina svínasíðu og meðlæti fyrir um sex. Það besta er að nær allt er hægt að undirbúa fyrir fram, svo þú getur notið dagsins í stað þess að standa í eldhúsinu.

---

Hægelduð svínasíða

Þú þarft:

- 1 svínasíða með beini og skinni, um 2,1 kg

- 1 msk salt

- 1 msk púðursykur

- 1 msk reykt paprika

- 1 tsk hvítlauksduft

- 1 tsk laukduft

- 1/2 tsk svartur pipar

- 1/2 tsk sinnepsduft (má sleppa)

- klípa af cayenne

- 1 laukur, gróft skorinn

- 2 til 3 hvítlauksrif

- 1 dl eplasafi

- 1 dl kjöt- eða grænmetissoð

- BBQ sósa (uppáhalds tegundin þín)

Aðferð:

1. Skerðu skinnið af síðunni og geymdu það, við gerum úr því stökka púru. Blandaðu öllu kryddinu saman og nuddaðu vel á kjötið, helst kvöldið áður og geymdu þá óhulið í ísskáp.

2. Raðaðu lauk og hvítlauk í botn á eldföstu móti, leggðu kjötið ofan á og helltu eplasafa og soði í botninn, ekki yfir kjötið. Hyljið vel með álpappír.

3. Eldaðu við 150°C í 3 til 4 klst, þar til kjötið fellur í sundur við minnstu snertingu (kjarnhiti um 90°C).

4. Togaðu beinin úr, þau losna nánast sjálf, og rífðu kjötið. Sigtaðu safann í botninum og fleyttu mestu fituna ofan af.

5. Veltu rifna kjötinu vel upp úr uppáhalds BBQ sósunni þinni og smelltu því í 220°C ofn í um 10 mín, svo jaðrarnir karamelliserist og verði klístraðir og dásamlegir.

Vilt þú útgáfu án BBQ? Slepptu sósunni og bleyttu rifna kjötið þess í stað með sigtaða steikarsafanum þar til það er súper djúsí 

---

Mjúk hamborgarabrauð

Þessi brauð eru svo mjúk vegna þess að við notum hveitijafning, eða tangzhong, þar sem hluti af hveitinu er soðinn fyrst. Það heldur raka í brauðinu sem helst mjúkt í marga daga. Gefur um 10 brauð.

Hveitijafningur:

- 25 g hveiti

- 65 g vatn

- 65 g mjólk

Deig:

- 475 g brauðhveiti

- 50 g sykur

- 9 g salt (um 1,5 tsk)

- 7 g þurrger

- 1 egg

- 190 til 210 g mjólk, ylvolg

- 50 g mjúkt smjör

- allur hveitijafningurinn

Aðferð:

1. Hrærðu hveiti, vatn og mjólk saman í potti á meðalhita þar til það þykknar í þykkan graut. Kældu alveg.

2. Hnoðaðu deigið slétt og teygjanlegt, bættu mjúku smjörinu út í smátt og smátt, um 8 til 10 mín.

3. Láttu hefast þar til tvöfalt að stærð, um 1 klst.

4. Skiptu deiginu í kúlur, 95 g hver, og mótaðu þétt. Flettu kúlurnar svo aðeins út með lófanum svo þær verði meira eins og bollur. Raðaðu á plötu með bili á milli.

5. Láttu hefast aftur í 45 til 60 mín. Penslaðu með eggi og stráðu sesam yfir ef þú vilt.

6. Bakaðu við 190°C í 14 til 20 mín þar til fallega gyllt. Kældu á grind.

Finnst þér stundum of mikið gerbragð af heimabökuðum brauðum? Prófaðu að minnka gerið niður í 2 til 3 g og láta deigið þroskast í kæli yfir nótt. Þú færð mildara og dýpra bragð, og getur bakað þau að morgni.

---

Rauðkáls-coleslaw

Þú þarft:

- 1/3 rauðkálshöfuð, fínt sneitt (um 300 g)

- 1 gulrót, rifin

- 1/2 rauðlaukur, þunnt sneiddur

- 1/2 epli, í strimlum

- 4 msk majónes

- 2 msk skyr eða sýrður rjómi

- 1 msk eplaedik

- 1 tsk sykur eða hunang

- salt og pipar

Aðferð:

1. Hrærðu majónes, skyr, edik, sykur, salt og pipar saman. Veltu öllu grænmetinu vel upp úr sósunni.

2. Best að láta standa í 1 til 2 klst, þá mýkist rauðkálið aðeins og bragðið jafnast. Smakkaðu til með salti og ediki rétt áður en borið er fram.

---

Borgarasósan

- 6 msk majónes

- 1 msk tómatsósa

- 1 msk fínt saxaðar súrar gúrkur og smá af leginum

- 1 tsk dijon eða venjulegt sinnep

- 1/2 tsk reykt paprika

- 1/4 tsk hvítlauksduft

- smá sykur, salt og pipar

Hrærðu allt saman og geymdu í ísskáp. Best að gera daginn áður svo bragðið jafnist.

---

Snöggsýrður rauðlaukur

- 1 rauðlaukur, þunnt sneiddur

- 75 ml edik

- 75 ml vatn

- 1 msk sykur

- 1 tsk salt

Hitaðu edik, vatn, sykur og salt þar til allt er uppleyst, helltu yfir laukinn og leyfðu að standa. Tilbúinn eftir um 30 mín og geymist í marga daga í ísskáp.

---

Að setja saman borgarann

1. Ristaðu brauðin létt og smyrðu borgarasósu á báða helminga.

2. Hlaðið heitu BBQ svínakjöti á neðri helminginn.

3. Toppaðu með rauðkáls-coleslaw, snöggsýrðum rauðlauk og nokkrum flögum af stökkri púru.

4. Lokið á og berið fram strax, með afganginum af coleslawinu á hliðinni.

Þetta er borgari sem á eftir að gleðja, hvort sem það er sunnudagssteikin sett í nýjan búning eða matarboð með vinum.

Ef þú prófar uppskriftina, deildu henni endilega með mér á Instagram @ragna.is eða taggaðu mig, ég elska að sjá útkomuna hjá ykkur!

Knús, Ragna

Auðveldar brauðbollur

Að búa til gómsætar bollur heima gæti varla verið einfaldara! Þetta er uppskrift sem ég elska að nota þegar ég vil vakna upp við ilm af nýbökuðu brauði — þú blandar bara deigið saman kvöldið áður, skerð í bita og bakar á morgnana. Ekkert mót, ekki langt ferli, bara einfölar og ótrúlega góðar brauðbollur. 😊

Þetta hentar sérstaklega vel um helgar þegar maður vill njóta þess að hafa nýbakað á morgunborðinu án þess að þurfa að vakna á óguðlegum tíma!

View this post on Instagram

A post shared by Ragna Björg (@ragnab)

🍞 Uppskrift

• ✦ 550 g hveiti (eða meira heilhveiti)
• ✦ 150 g heilhveiti (eða spelt)
• ✦ 545 g vatn
• ✦ 1 pakki þurrger
• ✦ 17 g salt

👩‍🍳 Aðferð

Kvöldinu áður

1. Blandaðu öllum innihaldsefnum saman þar til engir þurrir kögglar eru eftir. Látið deigið hvíla í 10–15 mínútur.

2. Bleytið hendur og togið deigið upp frá öllum hliðum og brjótið það yfir sig — einu sinni er nóg. Hyljið og látið hvíla í ísskáp yfir nótt (eða allt að 48 klukkustundir).

Togið deigið upp og brjótið það yfir sig 

Daginn eftir ☀️

3. Hitið ofninn og bökunarplötu (eða pizzastein/bökunarstein/stál) í 230°C.

4. Losað deigið úr skálinni. Setjið á vel hveitistráð borð og skerið í bita. Ef þú vilt má velta bitunum upp úr blönduðum fræjum.

5. Setjið bollurnar á forhitaða bökunarplötu eða bökunarstein, úðið létt með vatni og bakið, helst með gufu, þar til þær hafa náð þeim lit sem þú vilt.

6. Látið bollurnar kólna í að minnsta kosti 30 mínútur.

Dásamlegar auðveldar brauðbollur

💡 Ráð

Mér finnst gott að bæta smá súrdeigsafgöngum út í deigið til að gera þær enn betri, og einnig að setja „everything bagel" krydd eða fræblöndu yfir. Prófið ykkur áfram!

Njóttu! 🥖
Ef þið prófið þessa uppskrift, endilega taggið mig á Instagram @ragnab — ég elska að sjá ykkar útgáfur!

Knús, Ragna ❤️

Rauðkál

 

Jólarauðkálið, hið eina sanna og hérna kemur uppskrift að heimagerðu Jólarauðkáli! 

Lykin af jólarauðkálinu sem mallar á eldavélinni setur svoldið jólin í húsið. Mögulega er það vegna þess að  þetta eitt af þessum verkum sem maður kýs að gera korter í jól. 

Persónulega finnst mér best að velja smáa rauðkálshausa þar sem blöðin í þeim eru fíngerðari og verða betri þegar búið er að saxa þau niður í strimla.  Ég er líka ekkert of sparsöm á ljót og þykk blöð utan á rauðkálshausunum og tek þá hiklaust af áður en ég saxa. Það eru jú jólin! 

Uppskrift

700 gr fínt saxað ferskt rauðkál 

50 gr smjör

50 ml rauðvínsedik 

50 ml Rubena saft (eða 3 msk rifsberjahlaup)

safi og rifið hýði af einni mandarínu 

3 msk sykur

1 stöng kanill

6 stk negulnaglar 

1 lárviðarlauf 

1/2 tsk salt 

1/4 tsk svartur pipar 

Aðferð

-Skerið hausana í tvennt og skerið rótina innanúr hausunum (sjá mynd) 

-Skerið hausana aftur í tvennt svo að þið eruð með 1/4 haus og saxið þá svo í strimla eins fínt og þið treystið ykkur í (þeir sem vilja geta notað gróft rifjárn eða matvinnsluvél með grófasta rifjárninu) 

-Steikið rauðkálið í smjöri á rúmlega miðlungs hita í 10 mínútur og hrærið á meðan

-Bætið öllum öðrum innihaldsefnum uppskriftarinnar útí og látið suðuna koma upp. Setjið lokið á og látið malla í 60 mínútur á lágum hita með lokið á. 

-smakkið til hvort ykkur finnist vanta sykur 

Setjið í krukkur og geymið í ísskáp. 

Mér finnst best að velgja rauðkálið örlítið áður en ég ber það fram. 

2 smári rauðkálshausar

Skornir í tvennt og rótin skorin úr.

skornir í ferninga

Saxað í fíngerða strimla, annað hvort með hníf eða grófu rifjárni 

Bryjið á að steikja rauðkálið í smjöri í 10 mínúturi og bætið svo restinni útí, látið sjóða í 60 mínútur áður en allt er sett í krukkur sem lokast vel - geymist í ísskáp

Rúgbrauð

Rúgbrauð

Sætt, kraftmikið og dökkt rúgbrauð. Alveg sturlað gott.

Ég baka stóra uppskrift, sker niður í kubba og frysti. Tek svo kubbana út þegar ég hef fisk í matinn eða þegar það er mikill brauðskortur í nesti fyrir krakkana í skólann. Þau satt að segja elska þetta með nóg af smjöri.

Þetta er ekki soðið brauð, en þetta er jafn gott. Það þarf ekki að setja þetta í mjólkurfernur, en það má. Einhversstaðar heyrði ég að mjólkurfernurnar væru ekki framleiddar með það í huga að þær séu hitaðar upp í 100°C og það sé mögulegt að það leki úr þeim "efni" inn í brauðið og þar með ákvað ég að ég myndi ekki þurfa að standa í þesskonar tilraunum með fjölskyldumeðlimi. 

Ég keypti mér Gastro-bakka og lok, eins og þessa sem notaðir eru á veitingastöðum. Þeir fást á ýmsum stöðum. Minn er að stærðinni 1/2. 

Þessa stærð að uppskrift að rúgbrauði er vel hægt að setja í stóru steikarpottana sem leynast á mörgum heimilum eða minnka um helming og setja í 2 formkökuform og álpappír yfir þegar það er bakað. 

Uppskrift 

600 gr rúgmjöl 

330 gr heilhveiti 

1150 ml súrmjólk 

200 gr púðursykur 

430 gr sýróp 

17 gr matarsódi 

13 gr salt 

Aðferð: 

-Aðferðin er ekki flókin. Allt er sett í skál og blandað saman. Sett í smurt form og lok eða álpappír settur yfir. 

-Mér finnst sjálfri gott að láta deigið standa í forminu í 30 mínútur áður en ég set þetta í form svo að rúgurinn og heilhveitið blotni vel áður en bakstur hefst.

-Bakist við 100°C 

-Sé all deigið bakað í einu formi, bakið það þá í 11 klst. Bakið þið það í smærri einingum, bakið það þá í 10 klst. 

-Ég set tímaniðurtalninguna af stað á ofninum og brauðið bakast yfir nótt hjá mér. Ofninn slekkur á sér þegar hann er búinn og okkar býður þá vanalega ylvolgt rúgbrauð á morgnana. 

Öllum innihaldsefnum blandað saman 

Deigsoppan tilbúin í bakstur. Mikilvægt að hafa lok eða álpappír yfir

Nýbakað og volgt, skorið í kubba og svo fryst 

Hlakka til að sjá rúgbrauðin ykkar! 

Njótið 

Ofnbakaður Camembert

Mmmmm

Bráðinn ostur, heitur, lekandi með dísætu hlynsýrópi!

Fullkomið fyrir datekvöld eða saumaklúbbinn. Já eða bara hvað-sem-er ! :)
Eftirrétt eftir grillið, kósíkvöld uppí sumarbústað, snarl uppí rúm seint um kvöld .... hvað-sem-er

Uppskrift 

1 camembert
2 msk hlynsýróp
2 msk muldar pekanhnetur
1 msk söxuð trönuber eða döðlur

Aðferð 

-Hitið ofninn í 200 gráður
-Skerið ofan í ostinn, 2/3 af leiðinni í gegn, skerið eins og þið væruð að skera eftir línunum í rúðustikuðu blaði :)
-Setjið 2 msk af hlynsýrópi yfir og bakið ostinn í 10 mínútur
-Takið hann út og setjið pekanhnetur og trönuber/döðlur yfir, bakið í 5 mínútur í viðbót.

Skerið í ostinn

Hellið hlynsýrópi yfir 

Ath 

Ég læt pekanhnetur og berin ekki vera allan tímann inni því ef þetta er allan tímann þá getur það ofeldast og orðið beiskt :) Þetta þarf aðeins að ristast en á alls ekki að brenna.

Heit súkkulaðisósa

Þessi sósa er frábær, hún er eiginlega næstum því súkkulaði-karamellusósa og er best ofan á nýbakaðar vöfflur, amerískar pönnukökur, ofan á ís og það er einnig mjög gott að dýfa ferskum ávöxtum ofan í sósuna.


Þessa sósu þarf ekkert að gera hálfa uppskrift af, hún geymist í margar vikur inní ískáp og svo mun hún líka hvort sem er klárast í fyrstu hendingu :)



Uppskrift:
30 gr smjör
150 ml rjómi
180 gr sýróp
50 gr púðursykur
20 gr kakó
1/2 - 1 tsk saltflögur
1/2 tsk vanilluextract (frekar en vanilludropar)
180 gr suðusúkkulaði

Aðferð: 
Setjið öll innihaldsefnin saman í pott og látið suðuna koma upp. Sjóðið við mjög vægan hita í 5 mínútur og brjótið þá suðusúkkulaðibita útí og látið bráðna. Takið af hitanum á meðan þið gerið það.

Já, þetta er nú ekki flóknara en lengra ferli en þetta :)

það er semsagt um að gera að prófa sem fyrst

Ath. Sósan þykknar þegar hún kólnar en það er þá hægt að hita hana snöggt í örbylgju ef það er.

Gráðaostasósa / ídýfa

Hentar einstaklega vel með hamborgurum og kjúklingavængjum, til dæmis þessum hérna :)

Uppskrift 
1/2 dós 36% sýrður rjómi
1 dl majónes
1 msk ferskur sítrónusafi
3 msk mjólk
smá salt, smá pipar
1 askja gráðaostur


Aðferð 
-Setjið allt í skál nema ekki setja allan gráðaostinn. Setjið aðeins um 1/3 af honum útí.
-Mixið saman með töfrasprota eða í matvinnsluvél.
-Brjótið í sundur restina af gráðaostinum með fingrum þannig að hann er í litlum molum og hrærið saman við blönduna (má setja minna af gráðaostinum ef þið viljið minna)
-Saltið og piprið eftir því sem ykkur finnst best.
-Ath að þessi blanda verður betri eftir 1-2 klst í kæli.

Kóreskir djúpsteiktir kjúklingavængir

Kóreskir kjúklingavængir.
Kóreskir djúpsteiktir kjúklingavængir
Steiktir kjúklingavængir
sterkir kjúklingavængir
Sticky Korean kjúklingavængir.

Erfitt að velja nafn á þennan rétt, but you get the point :)

Þessir vængir samt... úff og vá... Betri en nokkrir aðrir sem ég hef smakkað á veitingastöðum. Sætir, smá sterkir (alls ekki um of), klístraðir, djúsí, stökkir, bragðgóðir... Þeir hafa ALLA uppáhalds eiginleika góðs matar ;)

Þessi réttur hefur ef til vill nokkuð langan innihaldslista af vörum sem þið eigið ekki endilega til í skápunum ykkar. Það góða við innihaldslistann er að þetta geymist flest allt mjög lengi, í framtíðinni er auðvelt að hendast til og græja þennan rétt með stuttum fyrirvara og það sem besta er ... að 2 bakkar af kjúklingavængjum kosta vel undir 1000 kr!

Það skemmtilega við þennan rétt er að hann getur verið aðalréttur, forréttur eða meðlæti. Allt eftir hvað hentar hverju sinni.

Kjúklingavængir: 
Aðalréttur fyrir 2, snakk með öðrum réttum fyrir 4-5 manns

2 bakkar (ca 1 kg) kjúklingavængir skornir í bita (hendið vængendanum) (sjá aðferð við að snyrta kjúklingavængi)
Svartur pipar
Salt
2 cm rifinn engifer
1 bolli / 250 ml kartöflumjöl
ca 500 ml sólblómaolía (má vera meira)

Sósa:
2 msk tómatsósa
2 msk sojasósa
2 hvítlauksrif - rifin
2 msk Gochujang paste (Kóreskt chili paste sem fæst í asíubúðum)
60 ml hunang (tært)
60 ml púðursykur
1 msk sesamolía

Eftirá:
1-2 msk sesamfræ
saxaður vorlaukur (bara græni hlutinn)

Aðferð:

Kjúklingavængir:
-Skerið kjúklingavængina í þrjá hluta (sjá hvernig skal skera þá) og hendið vængendanum.
-Þurrkið þá vel með eldhúspappír svo þeir eru þurrir
-Saltið yfir og piprið
-Setjið rifinn engifer yfir og kastið kjúklingavængjunum saman í skál.
-Stráið kartöflumjöli yfir og hristið til í skálinni svo að allir vængirnir séu vel þaktir kartöflumjöli.
-Steikið vængina í heitri olíu sem er ca 180°C í potti á eldavélinni (ef þið eigið djúpsteikingarpott þá er það auðvitað það sem þið mynduð vilja nota ;) ). Þið eruð að fara að steikja vængina í nokkrum skömmtum og svo steikiði þá AFTUR þegar búið er að steikja alla vængina einu sinni
-Sem sagt.... steikið vængina í ca 5 mínútur við 175°C. Passið að hafa ekki of marga vængi í einu í pottinum. Eftir þessar 5 mínútur takiði þá út og leggið á pappír eða á ofngrind svo olían geti lekið af þeim.
-Á meðan þið hægt og rólega eruð að steikja vængina er kjörið að gera sósuna... (kem að því síðar).
-Þegar búið er að steikja alla vængina einu sinni eru þeir steiktir aftur í nokkrum skömmtum í 180°C heitri olíunni en nú bara í 3-4 mínútur eða þar til orðnir örlítið brúnir en mjög stökkir.
-Látið vængina aftur á pappír eða ofngrind.

Sósa: 
-Setjið allt sem á að fara í sósuna í pott og látið suðuna koma upp og sjóðið við mjög vægan hita þar til sykurinn er uppleystur.

Samsetning:

Þegar allir kjúklingavængirnir eru tvísteiktir, hitið sósuna aftur þannig að hún sjóði, setjið vængina í skál og hellið sósunni yfir vængina. Kastið svo vængjunum til í skálinni þar til þeir eru allir þaktir      sósunni.
Ra ðið á bakka, stráið semsamfræjum og söxuðum vorlauk yfir

Tillaga að meðlæti: 
Gráðaostasósa

Pizzasnúðar

Klassískir pizzasnúðar en einnig fylgja hugmyndir að mjög frumlegum pizzasnúðum sem gaman er að prufa líka.

Virka í raun fyrir allan aldur og eru frábærir fyrir barnaafmælin, útilegurnar, kaffitímana, nestistímana og fleira og fleira. 

Þessir pizzasnúðar eru frábærir vegna hve mjúkir þeir eru (þið hafið örugglega aldrei smakkað aðra eins! 😎 Þeir geymast líka vel í 2-4 daga.

Eins og þið sjáið svo í hugmyndum að fyllingum er hægt að leika sér mikið með innihaldsefnin svo að þetta henti sem flestum 😊

Uppskrift 
(gerir 50-55 litla snúða)

450 gr hveiti
1 msk sykur
1 tsk salt
1 bréf þurrger
3 msk matarolía
1 dl mjólk
2 dl volgt vatn
góð ólífuolía

Hugmyndir að fyllingum
-pizzasósa
-skinka
-pepperoni (skorið í bita)
-kjötsósa (Bolognese)
-hráskinka
-fersk basilíka
-pulsur
-hvítlaukssmjör
-ostur
-ólífuolía
-ólífur
-pestó
-ýmis ítölsk krydd
-rifinn ostur
-mjúkur ostur (camembert t.d.)
-chutney

Aðferð: 
-Blandið innihaldsefnum saman í skál/hrærivélarskál og hnoðið saman í 2-3 mínútur eða þar til deigið er vel komið saman. Það má vera nokkuð blautt og ekki hafa það of stíft.
-Látið hefast í 40 mínútur undir viskastykki
-Fletjið deigið út í ílangan ferhyrning, ekki hafa deigið of þunnt.
-Smyrjið sósu á deigið og setjið fyllingu að eigin vali á. Dreifið rifnum osti yfir og hellið að lokum ólífuolíu í mjórri bunu yfir allt deigið (þetta er galdurinn fyrir mjúka pizzasnúða í marga daga 😉)
-Rúllið snúðunum upp eins og ég sýni á myndinni hér neðar (rúlla langhliðunum inn að miðju), skerið svo á milli rúllanna með pizzaskera og klárið að rúlla upp rúllunum. (þetta sparar þá vinnu að fletja út deigið í tveim skömmtum)
-Skerið rúllurnar í 4 cm breiða snúða, raðið þeim á bökunarpappírsklædda bökunarplötu og þrýstið létt með lófanum ofan á hverja rúllu.
-Látið snúðana standa á borði við herbergishita í 20 mínútur áður en þið bakið þá (má sleppa ef ekki gefst nægur tími)
-Bakið í ofni við 200°C í 13-15 mínútur eða þar til þeir hafa náð að gyllast smá. Varist að ofbaka þá ekki því að þá verða þeir harðir og tómatsósan brennur auðveldlega.

ATH. Ef þið notið kjötálegg eða e-ð annað álegg sem almennt geymist í kæli þarf að geyma snúðana í kæli eftir dag nr 1.

áleggið sem ég notaði hér var það sem átti í ísskápnum 

Pizzasósa, pulsur, rifinn ostur, hráskinka, afgangs bolognese sósa, Olifa Puglia ólífuolía, 

rúllur rúllaðar upp frá sitthvorri langhliðinni þar til þær mætast í miðju. Skerið þá á milli rúllanna með pizzaskera og klárið að forma rúllur. 

raðið pizzasnúðunum á plötu, látið standa á borði í 20 mínútur til að hefast örlítið og bakið svo í ofni

Munið að "tagga" mig á instagram "ragnab" og nota hasthtaggið #ragnapunkturis ef þið sýnið frá því sem þið gerið af síðunni á samfélagsmiðlum 😉

njótið
xoxo

Guacamole - Lárperumauk

Gómsætt, ferskt, einfalt.

Slær alltaf í gegn í boðum að bjóða upp á ferkst guacamole

Ég verð að viðurkenna að koma Costco og að geta keypt hágæða avocado hefur breytt því hve oft og hve oft ég versla mér avocaado. Costco avocado eru avocado sem endast uppá borði í 2-3 vikur og inn í ískáp í meira en mánuð, ekki upp full af strengjum eða fara úr því að vera grjóthörð og óæt í leðju á 2 dögum uppá borði.

Hér er uppskrift af guacamole sem ég geri reglulega. 

Uppskrift: 

4 þroskuð og mjúk avocado 

1 tsk saltflögur 

safi úr 1 lime 

2 msk mjög fínt saxaður laukur (helst rauðlaukur) 

1 tsk mjög fínt saxaður hvítlaukur 

2 tómatar saxaðir niður í litla bita 

safi úr 1 lime 

saxað kóríander eftir smekk 

Aðferð 

-Setjið avocado, limesafa og salt saman í skál. Notið mojitopinna, gaffal eða mortél til þess að stappa þetta saman. Reynið að halda góðum bitum eftir og gera þetta
-Saxið niður laukinn, hvítlaukinn, tómatana og blandið varlega saman við.
-Bætið við söxuðum kóríander eftir smekk
-Setjið inní ískáp með filmu yfir þangað til þetta er borið fram(þannig að ekkert loft komist að svo þetta haldist grænt)
-Smakkið til og bætið við salti ef ykkur þykir vanta uppá

-Hægt að setja aukalega siracha sósu eða chiliduft.
-Hægt að bæta góðri ólífuolíu saman við.

Vil vekja athygli á að ég er oftast búin að fjalla um uppskriftirnar sem koma hingað inn á instastory á instagraminu mínu

Endilega fylgið mér þar ef þið viljið sjá hvað er væntanlegt á Ragna.is ;) 

enjoy 

Risarækjur með tómötum og hvítlauk

Ég er oft að reyna að finna uppá einhverju kolvetnasnauðu og þessari uppskrift klambraði ég saman í sumar og hef gert nokkrum sinnum síðan.
Það má sanni segja að Instagramið hjá mér logi þegar ég pósta þessum rétti og ég veit að margir bíða eftir uppskriftinni.

Hægt er að nota uppskriftina sem forrétt, aðalrétt eða meðlæti. Ég hef borið rækjurnar fram með súrdeigsbrauði eða naan og hvorugtveggja er jafn gott þó svo að mér sýnist brauðæturnar elska súrdeigsbrauðið meira fyrir þær sakir að það drekkur svo vel í sig safann af réttinum (sem er algerlega himneskur btw!).

Rétturinn er einfaldur með örfáum innihaldsefnum og hér kemur uppskriftin loksins.


Uppskrift
Fyrir 3 í aðalrétt

500 gr smáir tómatar (því sætari því betri)
2 hvítlauksrif (1 hvítlauksrif ef það er stórt)
góð ólífuolía
nokkrar greinar af fersku timian (má sleppa eða nota þurrt)
600 gr risarækjur (ég kaupi mínar í Costco og vel stórar rækjur "tail on)
saltflögur
nýmalaður pipar
2 ferskar mozzarellakúlur
Fersk steinstelja eða kóríander (hvort sem ykkur líkar betur við)

Aðferð: 
-Tómatar skornir í helminga, settir í eldfast mót, hvítlaukur marinn eða skorinn smátt, dágóðum slatta af ólífuolíu hellt yfir, örlítið af salti, timiangreinum raðað yfir og velt með töng þar til að allt hefur fengið á sig olíu,
- Sett inn í ofn í 10 mínútur á 220°C.
-Tekið útúr ofninum. Þiðnum rækjum velt saman við, kryddað með aðeins meira salti og nýmöluðum pipar.
-Mozzarellakúlur rifnar niður og ostinum dreift yfir réttinn. Helmingnum af fersku steinseljunni/kóríandernum dreift yfir.
-Sett inn í ofn í 12-15 mínútur á 220°C eða þar til osturinn er bráðnaður, örlítið gullinn og rækjurnar orðnar bleikar.
-Restin af kryddjurtum stráð yfir.

Frábært að bera fram með brauði til þess að dýfa í safann sem fellur af í eldfasta mótið.
Hægt að bera fram með fersku Romainsalati og olífuolíu.

Tómatarnir skotnir til helmingja og settir í eldfast mót. 

Timian úr garðinum :) 

Rækjum bætt við þegar búið er að elda tómatana 

Rifnum mozzarella og kryddjurtum bætt við 

Rækjurnar eru gráar þegar þær eru hráar. Þær verð bleikar þegar þær eldast. 

Frábær réttur. Léttur í maga og unaðslega bragðgóður 

Enjoy

Steiktar Edamamebaunir

Uppáhalds snakkið síðastliðnar vikur og loksins kemur uppskriftin hingað inn 😊

Edamamebaunir eru orðnar vinsælt snakk á flestum veitingastöðum og það er svoldið síðan frosnar Edamamebaunir fór að fást frosnar hjá öðru frosnu grænmeti í Krónunni. Síðan þá hef ég verið að prufa mig áfram með uppskriftir hérna heima og fyrir nokkrum síðan tókst mér að fullkomna uppskriftina (að mínu mati)

Gjörið svo vel

Uppskrift
1 poki Edamamebaunir (400 gr)
2 msk olía
1-2 rif hvítlaukur (kraminn eða rifinn)
1/2 tsk chilliflögur
2 msk tamarisósa
1 tsk sesamolía
2 msk saxaður ferskur kóríander
saltflögur eftir smekk


Aðferð:
-ATH, þið eruð aldrei að fara að setja hitann á pönnunni upp í mikið meira en 3/4 upp í hæsta. Helst hafa hana bara miðlungsheita þar sem það er bara markmið að elda baunirnar en ekki steikja þær og brúna. Hvítlaukur er fljótur að fá beiskt bragð ef hann eldast um of og tamarisósan á að þykkna og verða að sírópi en ekki brenna við pönnuna.

-Setjið frosnar eða þiðnaðar baunir á miðlungsheita pönnu með 2 msk af olíu til að steikja uppúr. Veltið þeim reglulega.
-Bætið krömdum hvítlauk útá (ef rifin eru lítil set ég 2, annars set ég 1)
-Bætið chilliflögum útá (hér má vissulega setja minna. Ég kaupi mínar chilliflögur í Tiger)
-Bætið tamarisósu útá. (hún er bragðsterkari en soya sósa og þess vegna vel ég hana. Hér má vissulega nota soyasósu í staðinn)
-Veltisteikið áfram þar til tamarisósan hefur þykknað og hvítlaukurinn er eldaður.
-Bætið sesamolíunni útá og slökkvið undir hitann.
-bætið söxuðum kóríander útá og veltið öllu saman.
-Áður en allt er fært yfir í skál, stráið saltflögum yfir allar baunirnar (mér finnst gott að hafa þetta nokkuð salt - minn smekkur). Þið prufið ykkur bara áfram og það er lítið mál að bæta salti við eftirá.
-Færið yfir í skál. Það er ekki nauðsynlegt að skafa alla olíu, hvítlauk og chilliflögur af pönnunni. Bragðið er komið :)

Þetta eru baunirnar sem ég kaupi í Krónunni

Allt steikt á miðlungshita á pönnu 

Bæta kóríander og sesamolíu útá 

Sett í skál og smá auka salti stráð yfir 

Enjoy 😙