Hægelduð svínasíða í mjúku brauði með meðlæti

 

Ég setti saman þennan matseðil fyrir útskrift fyriri 45 manns um daginn og hann sló svo rækilega í gegn að ég varð einfaldlega að deila honum með ykkur. 

Hægelduð svínasíða sem bráðnar í munni, mjúk heimabökuð brauð, ferskt rauðkáls-coleslaw og meðlæti.

Þetta er svona matur sem allir geta borðað! 

Hér er ég búin að skala uppskriftina niður í heimilisstærð, eina svínasíðu og meðlæti fyrir um sex. Það besta er að nær allt er hægt að undirbúa fyrir fram, svo þú getur notið dagsins í stað þess að standa í eldhúsinu.

---

Hægelduð svínasíða

Þú þarft:

- 1 svínasíða með beini og skinni, um 2,1 kg

- 1 msk salt

- 1 msk púðursykur

- 1 msk reykt paprika

- 1 tsk hvítlauksduft

- 1 tsk laukduft

- 1/2 tsk svartur pipar

- 1/2 tsk sinnepsduft (má sleppa)

- klípa af cayenne

- 1 laukur, gróft skorinn

- 2 til 3 hvítlauksrif

- 1 dl eplasafi

- 1 dl kjöt- eða grænmetissoð

- BBQ sósa (uppáhalds tegundin þín)

Aðferð:

1. Skerðu skinnið af síðunni og geymdu það, við gerum úr því stökka púru. Blandaðu öllu kryddinu saman og nuddaðu vel á kjötið, helst kvöldið áður og geymdu þá óhulið í ísskáp.

2. Raðaðu lauk og hvítlauk í botn á eldföstu móti, leggðu kjötið ofan á og helltu eplasafa og soði í botninn, ekki yfir kjötið. Hyljið vel með álpappír.

3. Eldaðu við 150°C í 3 til 4 klst, þar til kjötið fellur í sundur við minnstu snertingu (kjarnhiti um 90°C).

4. Togaðu beinin úr, þau losna nánast sjálf, og rífðu kjötið. Sigtaðu safann í botninum og fleyttu mestu fituna ofan af.

5. Veltu rifna kjötinu vel upp úr uppáhalds BBQ sósunni þinni og smelltu því í 220°C ofn í um 10 mín, svo jaðrarnir karamelliserist og verði klístraðir og dásamlegir.

Vilt þú útgáfu án BBQ? Slepptu sósunni og bleyttu rifna kjötið þess í stað með sigtaða steikarsafanum þar til það er súper djúsí 

---

Mjúk hamborgarabrauð

Þessi brauð eru svo mjúk vegna þess að við notum hveitijafning, eða tangzhong, þar sem hluti af hveitinu er soðinn fyrst. Það heldur raka í brauðinu sem helst mjúkt í marga daga. Gefur um 10 brauð.

Hveitijafningur:

- 25 g hveiti

- 65 g vatn

- 65 g mjólk

Deig:

- 475 g brauðhveiti

- 50 g sykur

- 9 g salt (um 1,5 tsk)

- 7 g þurrger

- 1 egg

- 190 til 210 g mjólk, ylvolg

- 50 g mjúkt smjör

- allur hveitijafningurinn

Aðferð:

1. Hrærðu hveiti, vatn og mjólk saman í potti á meðalhita þar til það þykknar í þykkan graut. Kældu alveg.

2. Hnoðaðu deigið slétt og teygjanlegt, bættu mjúku smjörinu út í smátt og smátt, um 8 til 10 mín.

3. Láttu hefast þar til tvöfalt að stærð, um 1 klst.

4. Skiptu deiginu í kúlur, 95 g hver, og mótaðu þétt. Flettu kúlurnar svo aðeins út með lófanum svo þær verði meira eins og bollur. Raðaðu á plötu með bili á milli.

5. Láttu hefast aftur í 45 til 60 mín. Penslaðu með eggi og stráðu sesam yfir ef þú vilt.

6. Bakaðu við 190°C í 14 til 20 mín þar til fallega gyllt. Kældu á grind.

Finnst þér stundum of mikið gerbragð af heimabökuðum brauðum? Prófaðu að minnka gerið niður í 2 til 3 g og láta deigið þroskast í kæli yfir nótt. Þú færð mildara og dýpra bragð, og getur bakað þau að morgni.

---

Rauðkáls-coleslaw

Þú þarft:

- 1/3 rauðkálshöfuð, fínt sneitt (um 300 g)

- 1 gulrót, rifin

- 1/2 rauðlaukur, þunnt sneiddur

- 1/2 epli, í strimlum

- 4 msk majónes

- 2 msk skyr eða sýrður rjómi

- 1 msk eplaedik

- 1 tsk sykur eða hunang

- salt og pipar

Aðferð:

1. Hrærðu majónes, skyr, edik, sykur, salt og pipar saman. Veltu öllu grænmetinu vel upp úr sósunni.

2. Best að láta standa í 1 til 2 klst, þá mýkist rauðkálið aðeins og bragðið jafnast. Smakkaðu til með salti og ediki rétt áður en borið er fram.

---

Borgarasósan

- 6 msk majónes

- 1 msk tómatsósa

- 1 msk fínt saxaðar súrar gúrkur og smá af leginum

- 1 tsk dijon eða venjulegt sinnep

- 1/2 tsk reykt paprika

- 1/4 tsk hvítlauksduft

- smá sykur, salt og pipar

Hrærðu allt saman og geymdu í ísskáp. Best að gera daginn áður svo bragðið jafnist.

---

Snöggsýrður rauðlaukur

- 1 rauðlaukur, þunnt sneiddur

- 75 ml edik

- 75 ml vatn

- 1 msk sykur

- 1 tsk salt

Hitaðu edik, vatn, sykur og salt þar til allt er uppleyst, helltu yfir laukinn og leyfðu að standa. Tilbúinn eftir um 30 mín og geymist í marga daga í ísskáp.

---

Að setja saman borgarann

1. Ristaðu brauðin létt og smyrðu borgarasósu á báða helminga.

2. Hlaðið heitu BBQ svínakjöti á neðri helminginn.

3. Toppaðu með rauðkáls-coleslaw, snöggsýrðum rauðlauk og nokkrum flögum af stökkri púru.

4. Lokið á og berið fram strax, með afganginum af coleslawinu á hliðinni.

Þetta er borgari sem á eftir að gleðja, hvort sem það er sunnudagssteikin sett í nýjan búning eða matarboð með vinum.

Ef þú prófar uppskriftina, deildu henni endilega með mér á Instagram @ragna.is eða taggaðu mig, ég elska að sjá útkomuna hjá ykkur!

Knús, Ragna

Fiskibollur

Það er ekki til neitt heimilislegra en ilmurinn af nýsteiktum fiskibollum á pönnu á virku kvöldi. Þessar eru þessar klassísku gömlu og góð, alveg eins og amma gerði þær, mjúkar að innan og fallega brúnaðar að utan. 

Karrýsósan toppar allt saman og minnir mig á kvöldverð á æskuheimilinu  🐟

…sumir myndu eflaust vilja fá remúlaði eða brúna lauksósu og það má alveg líka! 

Vanalega eru fiskibollur gerðar úr hökkuðum fiskflökum en ég á ekki hakkavél og ég veit að margir eiga ekki heldur og þess vegna fór ég að gera þetta í matvinnsluvélinni og komst að því að það gekk svona líka vel! 

Þetta er ein af þessum uppskriftum sem þarf í alvöru að vera til á hverju heimili. Einföld, ódýr og gjörsamlega ómótstæðileg, og krakkarnir borða þetta upp til agna.

🐟 Uppskrift

Fiskibollur

• 1 kg ýsuflök
• 1 stór laukur
• 100 gr hveiti
• 100 gr kartöflumjöl
• 3 egg
• 2 tsk pipar
• 2-3 tsk salt
• smá hvítlauksduft
•  mjólk, eftir þörfum

Karrýsósa

•  1 laukur, fínt saxaður
•  góður slurkur af karrý
• 50 gr smjör
• 50 gr hveiti
• mjólk
• 1/2 kubbur af kjötkrafti

Aðferð

Fiskibollurnar

1. Setjið laukinn í matvinnsluvél og saxið fínt.

2. Bætið hveiti, kartöflumjöli og eggjum saman við og mixið vel saman.

3. Bætið fiskinum útí ásamt salti, pipar og hvítlauksdufti og mixið þangað til deigið er orðið slétt.

4. Ef deigið er of þykkt, bætið við smá mjólk. Ef það er of þunnt, bætið við meira hveiti. Deigið á að vera þægilegt að móta með skeið.

5. Mótið bollurnar með skeið og steikið á pönnu á miðlungs hita. Brúnið vel á báðum hliðum.

6. Setjið þær inní 180°C heitan ofn á yfir og undir hita í 15 mínútur til að gegnumsteikja þær. Á meðan gerum við sósuna.

Karrýsósan 

Notið sömu pönnu og þið steiktuð bollurnar á. Allt þetta góða bragð sem er eftir á pönnunni fer beint í sósuna.

1. Setjið fínt saxaðan lauk á pönnuna ásamt góðum slurk af karrý og steikið saman.

2. Bætið 50 gr af smjöri útá og steikið áfram.

3. Bætið 50 gr af hveiti útí og steikið smá svona jafning.

4. Hellið mjólk útá og hrærið vel þangað til sósan þykknar.

5. Setjið 1/2 kubb af kjötkrafti útí og bragðbætið svo til með meira karrý ef ykkur finnst þurfa.

 Ráð

Berið fram með soðnum hrísgrjónum eða kartöflum, soðnu grænmeti og góðu rúgbrauði. Klassík sem klikkar aldrei.

Mér finnst líka gott að tvöfalda uppskriftina og frysta auka bollur, þá á maður máltíð til í frystinum þegar lítill tími er til kvöldverðar.

Verði ykkur að góðu! 🤍

Ef þið prófið þessa uppskrift, taggið mig endilega á Instagram @ragnab, ég elska að sjá ykkar útgáfur!

Ef þið viljið sjá hvernig ég geri hana þá getið þið skoðað það hérna á instagramsíðu Ragna.is 

View this post on Instagram

A post shared by Ragna Björg (@ragnab)

Knús, 

Ragna ❤️

Daimterta

Ég hef lengi verið hrifin af þessari æðislegu Daimtertu og ákvað loksins að deila uppskriftinni með ykkur! 

Þetta er stórglæsileg terta sem sameinar léttan möndlukökubotn, silkimjúkt vanillusmjörkrem og  Daim-ganache ofan á. Hún lítur út eins og hún komi beint úr bakaríi en er alveg framkvæmanleg heima.

Tertunni er skipt í þrjá þætti: möndlukökubotnana, vanillusmjörkremið og Daim-ganache og ég leiði ykkur í gegnum hvert skref!

View this post on Instagram

A post shared by Ragna Björg (@ragnab)

---

Daimterta

Möndlukökubotnar

• 7 eggjahvítur
• 400 g sykur
• 250 g möndlur (hakkaðar)
• 0,5 tsk salt

Vanillu smjörkrem

• 7 eggjarauður
• 150 ml rjómi
• 1 vanillustöng
• 100 g sykur
• 250 g smjör, mjúkt

Daim-ganache

• 100 ml rjómi
• 200 g Daimsúkkulaðiplötur (frá Milka)
• 10 g smjör

Að auki

• 1 poki Daimkurl

---

Aðferð

Möndlukökubotnar

Forhitið ofninn í 175°C (með blæstri). Teiknið 23 cm hring í miðjuna á þremur bökunarpappírsblöðum og leggið hvert blað á bökunarplötu.

Þeytið eggjahvítur þar til þær verða froðukenndar. Bætið sykrinum smám saman út í á meðan þið þeytið. Haldið áfram að þeyta þar til marengsinn verður stífur og léttur. Saxið möndlurnar fínt í matvinnsluvél eða Nutribullet og blandið þeim og salti varlega saman við marengsinn. Setjið blönduna í sprautupoka og klippið endann af. Sprautið marengsnum í þrjá hringi eftir teikningunum.

Þið getið bakað tvo botna í einu. Bakið í um það bil 20 mínútur. Látið þá kólna alveg.

Vanillu smjörkrem

Setjið eggjarauður, rjóma, vanillufræ og sykur í pott. Hitið hægt og rólega á meðan þið þeytið stöðugt. Þeytið í um 10–15 mínútur, þar til kremið þykknar. Hellið því í skál, leggið plastfilmu yfir og kælið í ísskáp í 2 klst. eða þar til það er alveg kalt.

Þeytið mjúkt smjörið þar til það verður ljóst og létt. Bætið köldu vanillukreminu saman við og þeytið vel. Ef kremið byrjar að skilja sig, bætið þá við 0,5 dl af volgum rjóma.

Samsetning tertunnar

Takið einn möndlubotn varlega af bökunarpappírnum og leggið hann á kökudisk. Skiptið vanillusmjörkreminu í þrjá hluta og smyrjið fyrsta lagið á fyrsta botninn. Leggið næsta botn ofan á og endurtakið. Smyrjið síðasta lagið ofan á og kælið kökuna í 30 mínútur á meðan þið útbúið ganache-ið.

Daim-ganache

Hitið rjómann þar til hann er rétt undir suðumarki. Setjið mjólkursúkkulaði og smjör í skál og hellið heita rjómanum yfir. Látið standa í smá stund og hrærið síðan varlega í miðjunni með sleikju þar til blandan verður slétt og glansandi. Látið hana kólna örlítið. Hellið Daim-ganachinu yfir kælda kökuna. Stráið Daimkurli yfir.

Geymið kökuna í kæli þar til hún er borin fram. Njótið!

---

Ef þið prófið þessa uppskrift, merkið mig endilega á @ragnab á Instagram — mig langar að sjá ykkar útgáfur!

Auðveldar brauðbollur

Að búa til gómsætar bollur heima gæti varla verið einfaldara! Þetta er uppskrift sem ég elska að nota þegar ég vil vakna upp við ilm af nýbökuðu brauði — þú blandar bara deigið saman kvöldið áður, skerð í bita og bakar á morgnana. Ekkert mót, ekki langt ferli, bara einfölar og ótrúlega góðar brauðbollur. 😊

Þetta hentar sérstaklega vel um helgar þegar maður vill njóta þess að hafa nýbakað á morgunborðinu án þess að þurfa að vakna á óguðlegum tíma!

View this post on Instagram

A post shared by Ragna Björg (@ragnab)

🍞 Uppskrift

• ✦ 550 g hveiti (eða meira heilhveiti)
• ✦ 150 g heilhveiti (eða spelt)
• ✦ 545 g vatn
• ✦ 1 pakki þurrger
• ✦ 17 g salt

👩‍🍳 Aðferð

Kvöldinu áður

1. Blandaðu öllum innihaldsefnum saman þar til engir þurrir kögglar eru eftir. Látið deigið hvíla í 10–15 mínútur.

2. Bleytið hendur og togið deigið upp frá öllum hliðum og brjótið það yfir sig — einu sinni er nóg. Hyljið og látið hvíla í ísskáp yfir nótt (eða allt að 48 klukkustundir).

Togið deigið upp og brjótið það yfir sig 

Daginn eftir ☀️

3. Hitið ofninn og bökunarplötu (eða pizzastein/bökunarstein/stál) í 230°C.

4. Losað deigið úr skálinni. Setjið á vel hveitistráð borð og skerið í bita. Ef þú vilt má velta bitunum upp úr blönduðum fræjum.

5. Setjið bollurnar á forhitaða bökunarplötu eða bökunarstein, úðið létt með vatni og bakið, helst með gufu, þar til þær hafa náð þeim lit sem þú vilt.

6. Látið bollurnar kólna í að minnsta kosti 30 mínútur.

Dásamlegar auðveldar brauðbollur

💡 Ráð

Mér finnst gott að bæta smá súrdeigsafgöngum út í deigið til að gera þær enn betri, og einnig að setja „everything bagel" krydd eða fræblöndu yfir. Prófið ykkur áfram!

Njóttu! 🥖
Ef þið prófið þessa uppskrift, endilega taggið mig á Instagram @ragnab — ég elska að sjá ykkar útgáfur!

Knús, Ragna ❤️

Rauðkál

 

Jólarauðkálið, hið eina sanna og hérna kemur uppskrift að heimagerðu Jólarauðkáli! 

Lykin af jólarauðkálinu sem mallar á eldavélinni setur svoldið jólin í húsið. Mögulega er það vegna þess að  þetta eitt af þessum verkum sem maður kýs að gera korter í jól. 

Persónulega finnst mér best að velja smáa rauðkálshausa þar sem blöðin í þeim eru fíngerðari og verða betri þegar búið er að saxa þau niður í strimla.  Ég er líka ekkert of sparsöm á ljót og þykk blöð utan á rauðkálshausunum og tek þá hiklaust af áður en ég saxa. Það eru jú jólin! 

Uppskrift

700 gr fínt saxað ferskt rauðkál 

50 gr smjör

50 ml rauðvínsedik 

50 ml Rubena saft (eða 3 msk rifsberjahlaup)

safi og rifið hýði af einni mandarínu 

3 msk sykur

1 stöng kanill

6 stk negulnaglar 

1 lárviðarlauf 

1/2 tsk salt 

1/4 tsk svartur pipar 

Aðferð

-Skerið hausana í tvennt og skerið rótina innanúr hausunum (sjá mynd) 

-Skerið hausana aftur í tvennt svo að þið eruð með 1/4 haus og saxið þá svo í strimla eins fínt og þið treystið ykkur í (þeir sem vilja geta notað gróft rifjárn eða matvinnsluvél með grófasta rifjárninu) 

-Steikið rauðkálið í smjöri á rúmlega miðlungs hita í 10 mínútur og hrærið á meðan

-Bætið öllum öðrum innihaldsefnum uppskriftarinnar útí og látið suðuna koma upp. Setjið lokið á og látið malla í 60 mínútur á lágum hita með lokið á. 

-smakkið til hvort ykkur finnist vanta sykur 

Setjið í krukkur og geymið í ísskáp. 

Mér finnst best að velgja rauðkálið örlítið áður en ég ber það fram. 

2 smári rauðkálshausar

Skornir í tvennt og rótin skorin úr.

skornir í ferninga

Saxað í fíngerða strimla, annað hvort með hníf eða grófu rifjárni 

Bryjið á að steikja rauðkálið í smjöri í 10 mínúturi og bætið svo restinni útí, látið sjóða í 60 mínútur áður en allt er sett í krukkur sem lokast vel - geymist í ísskáp

Sítrónuformkaka

Við vorum svo lukkuleg að fá 3 sítrónur af sítrónutrénu okkar núna í lok sumars. 

Krakkarnir vildu ólm gera sítrónuköku svo við gerðum eina slíka. 

Ég deili hér uppskriftinni með ykkur og hvet ykkur til að fá börnin á heimilinu til að taka þátt í bakstri. Þessi kaka er frábær fyrir unga bakstursofurhuga þar sem það þarf einföld mælitæki (desílítramál, teskeiðar og matskeiðar) og þau fá að spreyta sig í að brjóta egg sem er alltaf spennandi áhættuatriði. 

Uppskrift

fyrir eitt form 

Kaka

2 egg 
2 dl sykur 
1 dl olía 

2 dl súrmjólk 

2 tsk lyftiduft 

2 msk sítrónusafi 

2 msk rifinn sítrónubörkur 

2 dl hveiti 

2 dropar af gulum matarlit

Glassúr 

3 dl flórsykur 

2 msk sítrónusafi 

vatn eftir þörfum

(Ath, það er nauðsynlegt að hafa þetta krem eins þykkt og hægt er) 

Aðferð 

-Stillið ofninn á 180°C og blástur 

-Hrærið saman olíu, eggi, sykri, sítrónusafa og súrmjólk

-Bætið saman við rifnum sítrónuberki, hveiti og lyftidufti, endið með að setja smá matarlit til að kakan verði gul.

-Setjið í smurt formkokuform.

-Baki í um 50 mínútur í miðjum ofni á blæstri eða þar til prjónn sem stungið er miðja kökuna kemur hreinn út (það fer aðeins eftir hve langt formið er, hve lengi það þarf að baka kökuna) 

-Látið kökuna kólna

-gerið glassúrinn og setjið hann með skeið yfir toppinn á kökunni, glassúrinn fletur sig sjálfur út og mun leka aðeins niður kökuna. 

Rúgbrauð

Rúgbrauð

Sætt, kraftmikið og dökkt rúgbrauð. Alveg sturlað gott.

Ég baka stóra uppskrift, sker niður í kubba og frysti. Tek svo kubbana út þegar ég hef fisk í matinn eða þegar það er mikill brauðskortur í nesti fyrir krakkana í skólann. Þau satt að segja elska þetta með nóg af smjöri.

Þetta er ekki soðið brauð, en þetta er jafn gott. Það þarf ekki að setja þetta í mjólkurfernur, en það má. Einhversstaðar heyrði ég að mjólkurfernurnar væru ekki framleiddar með það í huga að þær séu hitaðar upp í 100°C og það sé mögulegt að það leki úr þeim "efni" inn í brauðið og þar með ákvað ég að ég myndi ekki þurfa að standa í þesskonar tilraunum með fjölskyldumeðlimi. 

Ég keypti mér Gastro-bakka og lok, eins og þessa sem notaðir eru á veitingastöðum. Þeir fást á ýmsum stöðum. Minn er að stærðinni 1/2. 

Þessa stærð að uppskrift að rúgbrauði er vel hægt að setja í stóru steikarpottana sem leynast á mörgum heimilum eða minnka um helming og setja í 2 formkökuform og álpappír yfir þegar það er bakað. 

Uppskrift 

600 gr rúgmjöl 

330 gr heilhveiti 

1150 ml súrmjólk 

200 gr púðursykur 

430 gr sýróp 

17 gr matarsódi 

13 gr salt 

Aðferð: 

-Aðferðin er ekki flókin. Allt er sett í skál og blandað saman. Sett í smurt form og lok eða álpappír settur yfir. 

-Mér finnst sjálfri gott að láta deigið standa í forminu í 30 mínútur áður en ég set þetta í form svo að rúgurinn og heilhveitið blotni vel áður en bakstur hefst.

-Bakist við 100°C 

-Sé all deigið bakað í einu formi, bakið það þá í 11 klst. Bakið þið það í smærri einingum, bakið það þá í 10 klst. 

-Ég set tímaniðurtalninguna af stað á ofninum og brauðið bakast yfir nótt hjá mér. Ofninn slekkur á sér þegar hann er búinn og okkar býður þá vanalega ylvolgt rúgbrauð á morgnana. 

Öllum innihaldsefnum blandað saman 

Deigsoppan tilbúin í bakstur. Mikilvægt að hafa lok eða álpappír yfir

Nýbakað og volgt, skorið í kubba og svo fryst 

Hlakka til að sjá rúgbrauðin ykkar! 

Njótið 

Núðlur í sterkri sósu

 

Þennan rétt hef ég verið að gera í að minnsta kosti 3 ár. Þegar ég sest niður og borða réttinn hugsa ég allaf, oh, ég þarf að muna eftir því að skrifa niður hlutföll og innihaldsefni næst þegar ég geri þennan rétt. Hann er SVO góður.

Það er mögulegt að ég muni aldrei aftur gera þennan rétt á þennan veg sem ég er að leyfa ykkur að njóta hér fyrir neðan. Ég á ekki alltaf til mirin og ég á ekki alltaf brokkolí. Stundum hef ég sleppt kjúkling! :) 

og annað varðandi fjölbreytninga, það er hægt að nota hverskyns núðlur sem er, og það er hægt að nota rækjur eða nautakjöt í stað kjúklings. Mér finnst kjúklingurinn bara einfaldlega þægilegastur, á hann oft til og þetta er fullkomin leið til að gera máltíð þegar það er bara ein kjúklingabringa til! 

Ath, það er hægt að gera þennan rétt barnvænni með því að sleppa Siracha sósunni, já eða gera hann sterkari með því að bæta við Chilli olíu eftir á eða smá Sambal Olek útí marineringuna.

Sósan er hérna aðal stjarnan í réttinum. Hún er sæt, sterk og sölt, þekur grænmetið, núðlurnar og kjúklinginn vel og er eins og bragðsprengja í hverjum bita! 

Uppskrift: 

Fyrir 4

Marinering / sósa 

100 ml sojasósa

50 ml mirin 

3 msk hlynsíróp 

250 ml vatn 

1 tsk kjúklingakraftsduft / 1/4 teningur brotinn niður 

2 msk Siracha sósa 

4 hvítlauksgeirar rifnir 

3 cm kubbur engifer, rifinn

Til þykkingar á sósu

1 tsk maizenamjöl 

100 vatn

Núðluréttur

1 kjúklingabringa / 5 kjúklingalundir skorið í bita 

100 gr brokkolí 

50-60 gr gulrætur skornar í strimla 

skarlottulaukur skorin í strimla 

400 gr núðlur að eigin vali 

Til skreytingar:

Kóríander

vorlaukur (græni hlutinn) 

sesamfræ 

límóna

Aðferð: 

• Setjið öll innihaldsefni marineringunnar í skál með niðurskornum kjúklingnum og látið standa í 30 cm á borði. 
• Veiðið kjúklingabita úr marineringunni og steikið á heitri pönnu. Hellið safa sem fellur til í sósuna enda er hann stútfullur af kjúklingabragði og marineringu
• Sjóðið núðlurnar. 
• Setið marineringuna í pott og sjóðið í 5 mínútur, þykkið með maizena-vatnsblöndu.
• Takið kjúklinginn af pönnunni og steikið næst grænmetið upp úr smá olíu. 
• Blandið soðnum núðlum og kjúkling saman við grænmetið á pönnunni. 
• Hellið sósunni yfir og blandið öllu vel saman, ekki hafa áhyggjur af því að finnast þetta þunnt, núðlurnar drekka vel í sig af sósunni. 
• Setjið í diska og berið á borð. Hver um sig setur svo vorlauk, kóríander og sesamfræ að vild. 

 

Nautakjöt og brokkolí í asískri sósu

Uppáhald innan fjölskyldunnar og alltaf vinsælt. 

Dökk og sölt sósan með mjúku kjöti og svo slatta af hrísgrjónum sem drekka í sig umfram sósuna er það sem gerir algerlega punktinn yfir i-ið! 

Ég á alltaf mikið til af gúllasi inni í frysti og hef verið að skera það niður í strimla og nota í þennan rétt. 

Einnig er hægt að kaupa einhversskonar mínútusteik eða nota nautakjötsstrimlana sem fást frosnir í flestum búðum.  

Marineringin mýkir kjötið upp svo þetta þurfa ekki að vera bestu bitarnir til að þetta verði gómsætt og mjúkt.

Uppskrift (fyrir 4) 

Nautakjöt og marinering 

500 gr nautakjöt skorið í strimla 

1 tsk matarsódi (þetta mýkir kjötið, mjög mikilvægt) 

3 msk vatn 

1 msk matarolía 

1 msk ostrusósa 

2 tsk maizenamjöl 

Aðferð:

Öllu blandað saman og látið standa í 30-60 mínútur við stofuhita. 

Asísk Sósa. 

250 ml vatn 

1 msk kjuklingakraftur frá Oscars 

3 msk soyasósa 

2 msk ostrusósa 

1/2 msk sesamolía 

1/4 tsk hvítur pipar 

1 msk sykur 

Nautakjöt og brokkolí í asískri sósu 

Nautakjöt í marineringu 

Sósa

500 gr brokkolí skorið í bita 

2+2 msk olía 

2 hvítlauksrif - rifin eða kramin 

2 cm bútur af engifer, rifinn eða saxaður smátt 

Shaoxin vín (má sleppa - en það fæst í asískum búðum, þarft bara að biðja um það) 

Til að þykkja 

4 msk vatn 

2,5-3 msk maizenamjöl 

sósulitur (má sleppa)

ofaná: Sesamfræ, niðurskorinn vorlaukur og kóríander (má sleppa) 

Meðlæti

250 ml ósoðin hrísgrjón 

750 ml vatn 

1 tsk salt 

Soðið uppá í 2 mínútur og svo sett helluna niður í 2-3 og látið standa þannig í 20 mínutur, ALLS ekki opna pottinn á meðan. 

Aðferð: 

• Steikið kjötið í skömmtum á pönnu í 2 msk af olíu þannig að það sé létt brúnað. Best er að gera þetta í nokkrum skömmtum svo kjötið sé að brúnast en ekki soðna á pönnunni, safnið svo steikta kjötinu og öllum safa i skál (kjötið þarf hér ekki að vera fulleldað í gegn, það gerir það seinna í ferlinu). 
• Steikið létt á pönnunni hvítlauksrifin og engiferið í 2 msk af olíu. Hellið Shaoxin víni útá. 
• Bætið brokkolíi, léttsteikið í 2 mínútur og bætið svo kjötinu og sósunni útá. Sjóðið við vægan hita í 5 mínútur
• Til að þykkja sósuna er maizenamjöli og vatni hrært saman og sett útí sjóðandi sósuna og hrært vel saman við alveg í lokin. Ég set oftast smá sósulit útí sósuna einnig til að fá dýpri brúnan lit. 

nokkrir punktar: 

Frá byrjun til enda tekur aðeins um 25 mínútur að útbúa þennan rétt ef frá er dreginn tíminn sem tekur að setja kjötið í marineringu. 

Þetta hins vegar hentar ágætlega sem matur í miðri viku þegar komið er heim eftir vinnu. Að græja þá kjötið, láta það standa og svo setja grjónin yfir suðu á meðan allt annað er undirbúið og svo eldað.

Risarækjur með tómata- og pestósósu

Vá. Þvílík dásemd sem þessi réttur var. 

Átti svo yndislegt nýbakað súrdeigsbrauð sem ég vildi nota til þess að drekka upp gómsæta sósu og datt í hug að búa til einhvernskonar rétt úr risarækjum sem ég átti til. 

Að öllu jöfnu hefði ég gert þennan rétt hérna sem ég geri afskaplega oft en það var eitthvað svo kuldalegt úti að mig langaði í kraftmikla og braðgmikla rjómasósu. 

Uppskrift:

 fyrir um 2 

ca 400 gr risarækjur 

3 msk olía 

200 gr kokteiltómatar 

5 sneiðar sólþurrkaðir tómatar skorið í teninga

2 hvítlausrif 

1 skarlottulaukur 

100 ml hvítvín 

1 msk rautt pestó (Philipo Berio)

1 msk fljótandi humarkraftur frá Oscars

200 ml rjómi 

fersk basilika, ca 10 blöð

rifinn parmesan (hver og einn setur yfir) 

salt og pipar 

Aðferð

• Steikið rækjurnar uppúr 2 msk af olíu á heitri pönnu. Takið af og látið til hliðar 
• Steikið því næst saxaðan hvítlauk, skarlottulauk, kokteiltómata, sólþurrkaða tómata í ca 3 mín, hækkið vel á pönnunni og hellið hvítvíninu útá (ég notaði hvítvín sem fæst orðið í flestum búðum eins og Krónunni og Bónus - það kemur saltað og piprað og er ekki ætlað til drykkju þó það sé áfengt) 
• Leyfið þessu að sjóða hressilega í um 2 mínútur eða þar til að mesta hvítvínið hefur gufað upp. 
• Látið 200 ml af rjóma útá, 1 msk af pestóinu og 1 msk af fljótandi humarkrafti. Ég þurfti ekki að salta þarna en bætti við smá pipar. 
• Setjið rækjurnar útá
• Sjóðið í 5 mín á vægum hita 
• Skerið basilíkuna í strimla og hrærið samanvið 
• Borið fram með nýbökuðu brauði sem notað er til að drekka í sig rjómasósuna og nýrifnum parmesan sem rifinn er yfir sósuna og rækjurnar þegar þær eru komnar disk hvers og eins.

Þessi réttur er virkilega fljótlegur (tekur ca 15 mín að útbúa) og það setja humarkraftinn útí sósuna færir sósuna á það stig að það yrði enginn ósáttur við að fá þennan rétt á veitingastað. 

Mæli með að þið prufið. 

psst. Hvernig væri að bjóða makanum á heimadeit og bjóða uppá þetta? ;) 

Punktar: 

-Hér má vissulega nota humar ef þið viljið

-Þessi sósa og rækjur henta unaðslega vel sem pastasósa. Sjóðið Tortellini og bætið saman við (sleppið brauðinu þá) Þessi skammtur af sósu ætti að henta 4 ef það er sett pasta samanvið