komin helgi

en hér á bæ er sko engin helgi, heldur er maður að læra, og ekkert að slaka á ! :) 

verður að reyna sitt besta að ná þessu :$$%/&% prófi !!!!

veðrið er gott en rosalega kalt, sem eiginlega bjargar málunum ;) 

ég og besti vinur minn... - sem stoppaði mig samt ekki þegar ég sofnaði fram á borðið áðan- helvítið !

einfalda lífið mitt...

já...

ég kláraði ekki fyrr en  ca hálf 1 að læra upp í skóla og lak á heim, komin á vetrardekk þökk sé pabba mínum, sem er nú kannski ekki verra þar sem fyrsta hálkan og snjórinn eru mætt í höfuðborgina. Reif mig á fætur svo aftur kl hálf 8 í morgun eins og síðustu daga og lak aftur í skólann.. Gleymdi símanum og veskinu mínu þar í gær, en var lítið að kippa mér upp við það þar sem ég var síðasta manneskjan úr húsi í gær og með-þeim-fyrstu í morgun.. Sæli húsvörður ávalt mættur snemma ;) 

núna er ég heima, uppí rúmi, ekki að leggja mig,heldur að lesa ! ... pirringur dagsins er sá að ég get ekki séð á bókina ef ég er ekki með gleraugun, og ef ég er með gleraugun þá þarf ég að vera í asnalegri stellingu svo að ég horfi ekki undir þau. Linsurnar gera mig þreytta og þurra í augunum þegar ég les... (sem minnir mig á að kaupa augndropana sem voru kynntir fyrir okkur í Vistor vísíndaferðinni) 

Harðsperrur eru allstaðar í kroppinum í dag, I'm not telling a lie..!  átsjh. Kálfar, læri, rass, magi, brjóstvöðvar, handleggir, upphandleggir, bak... lærin og rassinn án efa verst. vill einhver koma og nudda :) 

jæja

back to reading ! 

er að spá í að kíkja í Storm í kvöld á sleðasýningu, svona til að komast aðeins á meðal fólks. 

Eirberg

Eftir 13 1/2 tíma 

Dagur 4

jább...

bara nokkuð hress :) 

Örveru- og sýklafræði

vissuð þið að á 16 sekúndu fresti deyr einhver vegna niðurgangs.?

Vissuð þið á 8 sekúndu fresti deyr einhver vegna öndunarfærasýkingu?

Flestir þeirra sem deyja eru börn í fátækustu löndum heims og flestar sýkingarnar hefði verið hægt að forðast með hreinlæti, sýklalyfjum og reglulegum bólusetningum. 

(S. Ragnar. Norrby, forseti ESCMID)

This makes u think...

að deyja vegna kvefs eða niðurgangs ?  :/

leiðindapúki

VÁ ! 

bloggið hérna fyrir neðan er leiðinlegt !!!

ég biðst forláts

hahahaha

Hér koma nokkrir málshættir, eða með öðrum orðum. Útúrsnúningar og spaug:

• Betra er að ganga fram af fólki en björgum.
  
• Betra er að ráða menn með réttu ráði en ráðamenn.
  
• Léttara er að sóla sig en skó.
  
• Betri er einn fugl í sósu en tveir í frysti.
  
• Ekki er aðfangadagur án jóla
  
• Blankur er snauður maður.
  
• Lengi lifa gamlar hræður.
  
• Betra er langlífi en harðlífi.
  
• Sá hlær oft sem víða hlær.
  
• Margur sefur yfir sig sem vaknar ekki á réttum tíma.
  
• Rangt er alltaf rangt, það er rétt.
  
• Margur hefur farið flatt á hálum ís
  
• Sjaldan er góður matur of oft tugginn.
  
• Heima er best í hófi.
  
• Betri eru læti en ranglæti
  
• Betri er uppgangur en niðurgangur.
  
• Oft er virtur maður ekki virtur viðlits.
  
• Enginn veit sína kæfuna fyrr en öll er
  
• Betra er að standa á eigin fótum en annarra.
  
• Þegar neyðin er stærst er hjálpin fjærst.
  
• Oft er grafinn maður dáinn.
  
• Oft veldur lítill stóll þungum rassi.
  
• Oft er bankalán ólán í láni.
  
• Oft eru læknar með lífið í lúkunum.
  
• Frestaðu því ekki til morguns sem þú getur frestað lengur.
  
• Enginn verður óbarinn boxari.
  
• Oft er dvergurinn í lægð.
  
• Einsdæmi er að dæmigerðar dæmisögur séu dæmdar dæmalausar.
  
• Sjaldan fellur gengið langt frá krónunni.
  
• Illu er best ólokið.
  
• Fátt smátt gerir lítið eitt eða ekki neitt.
  
• Ekki dugar að drepast.
  
• Eitt sinn skal hver fæðast.
  
• Sjaldan fellur róninn langt frá flöskunni.
  
• Blindur er sjónlaus maður.
  
• Bændur eru bændum verstir og neytendum líka.
  
• Eftir höfðinu dansar limurinn.
  
• Flasa er skalla næst.
  
• Margur slökkviliðsmaðurinn er eldklár.
  
• Margur geispar golunni í blankalogni.
  
• Sjaldan fara sköllóttir í hár saman.
  
• Oft eru bílstjórar útkeyrðir.
  
• Betra er að vera sí-virðulegur en svívirðilegur.
  
• Margur fer yfir Strikið - í Kaupmannahöfn
  
• Oft fýkur í menn sem gera veður útaf öllu.
  
• Flestar gleðikonur hafa í sig og á.
  
• Fiskisagan flýgur en fiskimaðurinn lýgur.
  
• Oft láta bensínafgreiðslumenn dæluna ganga.
  
• Betra er að hlaupa í spik en kekki.
  
• Nakinn er klæðalaus maður.
  
• Margur miljónamæringurinn á ekki baun í bala - bara peninga.
  
• Sjaldan eiga fiskar fótum fjör að launa.
  
• Minkar eru bestu skinn.
  
• Margur nautabaninn sleppur fyrir horn.
  
• Betra er að drepa tímann en sjálfan sig.
  
• Betra er að ná áfanga en að ná fanga.
  
• Margur leggur "mat" á disk.
  
• Hungraður maður gerir sér mat úr öllu.
  
• Betra er að vera eltur en úreltur.
  
• Oft kemst magur maður í feitt.
  
• Oft eru lík fremur líkleg.
  
• Betra er áfengi en áfangi.
  
• Ei var hátíð fátíð í þátíð.
  
• Margur boxarinn á undir högg að sækja.
  
• Betri eru kynórar en tenórar.
  
• Betra er að sofa hjá en sitja hjá.
  
• Oft verða slökkviliðsmenn logandi hræddir.
  
• Til þess eru vítin að skora úr þeim.
  
• Oft fer bakarinn í köku, ef honum er gefið á snúðinn.
  
• Auðveldara er að fá leigt í miðbænum en guðanna bænum.
  
• Oft fara hommar á bak við menn.
  
• Oft eru dáin hjón lík.
  
• Hagstæðara er að borga með glöðu geði en peningum.
  
• Betra er að fara á kostum en taugum.
  
• Greidd skuld, glatað fé.
  
• Margri nunnu er "ábótavant".
  
• Margur bílstjórinn ofkeyrir sig.
  
• Oft hrekkur bruggarinn í kút.
  
• Margur bridsspilarinn lætur slag standa.
  
• Oft er lag engu lagi líkt.
  
• Oft svarar bakarinn snúðugt.
  
• Betri er utanför en útför.
  
• Margur fær sig fullsaddan af hungri.
  
• Það er gömul lumma að heitar lummur seljist eins og heitar lummur.
  
• Oft eru bílstjórar vel á veg komnir.
  
• Oft fara bændur út um þúfur.
  
• Víða er þvottur brotinn.
  
• Oft fer presturinn út í aðra sálma.
  
• Betra er að teyga sopann en teygja lopann
  
• Margur bóndinn dregur dilk á eftir sér.
  

Dagur 3

Sofnaði loksins rúmlega 4 og vaknaði því ekki fyrr en kl 10 í morgun.

Kannski ég nái að sofna á skikkanlegum tíma í kvöld og vera komin hingað kl 8, það er svo þæginlegt þegar það tekst, þá er maður aleinn og lærir vel. 

er það nokkuð...

.... mikið greinilegt að ég er andvaka ?

:(

síðan fékk allavegana smá breytingu...
er ekki alveg viss með hana samt svo að ég breyti henni kannski aftur. Eða hvað?

well
það verður örugglega í jólafríinu þá ! ( sem byrjar ekki fyrr en seinni partinn 21. des!)

dagur 2

í jólaprófum...

í dag  verður tekið fyrir lyfjafræði sem er mjög furðulegt fag to say the least...

er svona að átta mig á því að ég verð að sofa ein í rúminu mínu sem mér fannst vera skuggalega stórt og kalt í nótt. Ég hef þó alla vini mína hérna með mér í skólanum og þar ætla ég bara að vera ! 

Hérna er mynd dagsins með Evu og Jónsa í aukahlutverki 

jólapróf

jæja... þá er komið að því...blessuðu jólaprófin ! 

verð að viðurkenna að ég er aðeins minna stressuð fyrir þessi jólapróf heldur en klásus-jólaprófin í fyrra. en það er kannski bara af því að ég er orðin aðeins "sjóaðri" í að taka próf í háskóla og veit svona ca hvað ég á í vændum, sem eru eins og ég hef hingað til komist að, skítleg, löng próf ! (nei ég ætla ekki að reyna að vera jákvæð) 

en ég ætla ða tækla þetta og læra mikið og vel næstu 3 vikurnar og ná prófunum. 

var á hótel Rangá í gær í boði Framrásar og Svenni var með mér... síðasta nóttin okkar ...

hann er núna farinn og kemur ekki aftur í bráð... veit ekki hvað ég á af mér að gera, svona satt best að segja. allt voðalega tómlegt hérna og samt ekki 6 tímar síðan að hann fór. Verð að reyna að muna að einbeita mér að prófunum en ekki að hann sé farinn héðan. 

ætla að byrja aftur á því sem ég gerði í vorprófunum... 

hér er læri-mynd dagsins