Journey - Don't Stop Believing (Live)

Þemalag næstu viku... þýðir ekkert annað en að reyna sitt besta og vona það þetta blessist :)

Sushi í gær

Ég hitti 2 norðan hjúkkur í Iðu í gær og við fengum okkur Sushi... Kærkomin tilbreyting frá skrifunum sem hafa tekið við próflestrinum. Skrifin eru meira að segja erfiðari en lesturinn... 10 dagar til skila og ég er að VONA að þetta hafist þó svo að það hafi ekki allir trú á því að þetta takist. Tjah, það þýðir amk ekki lítið annað en að reyna er það ekki ?

Hér er sushi sem ég og Viðar gerðum síðasta sumar. Sefnum á fleiri sushi-session í sumar og bara um alla framtíð.. mmmm :)

Sumardagurinn fyrsti

Ansi kalt í höfuðborginni í dag. brr...
Gluggaveður dagsins er hins vegar eins fallegt og það gerist :)

Morguninn byrjaði seint þar sem það var loksins náð að sofa út hér á bæ. Bóndinn var samt aðeins fyrr á fætur og beið mín amerískur morgunverður (pönnukökur og allt) og kaffi þegar ég skreið á fætur.

Við drifum svo í að líma loksins heiminn upp á  vegg í svefnherberginu en hann á að koma í stað þess að vera með rúmgafl. Límmiðinn kemur frá danska fyrirtækinu Ferm Living og þau selja alveg ROSALEGA marga flotta og sniðuga límmiða til þess að skreyta veggi. Límmiðarnir fást í Húsasmiðjunni Húsgagnahöllinni og síðast þegar ég gáði þá voru þeir á mjög sanngjörnu verði miðað við það að panta úti og flytja heim og borga skatta. Mig minnir að heimurinn hafi kostað 15.000 kr.
Þið getið séð fleiri tegundir af límmiðum hér 


Hér er svo afraksturinn


Fyrir

..og eftir 

aah... pretty :)



Þar sem gluggaveðrið var svona gott þá ákváðum við að skella okkur í bíltúr um suðurnesin og fórum út í Garð og Sandgerði.
Að lokum stoppuðum við í Blómaval í Keflavík og ég fékk sumargjöf....
Alveg ótrúlega fallegt og gult sólblóm! sjáiði bara :)

Í kvöld er planið að vera með mikla tilraunastarfsemi á marineruðum svínakótilettum sem ég ætla að grilla. Engar myndir voru teknar þar sem mér líst alveg skelfilega á þetta en GÆTI þó orðið í lagi.. jú ég tek kannski mynd á eftir.

Gleðilegt sumar :)

klst í próf

of stressuð til að lesa...

þér er best að gera sig bara fínan og sætan fyrir prófði (amk var tilraun gerð til þess)

Síðasta prófamyndin

ég er ansi spennt yfir því að klára loksins prófin á morgun! í framhaldi að því verður sest aftur við tölvuna eins og sl 3 vikur á undan próflestrinum.

4. maí er næsta dagsetning sem ég einblýni á. Þá skal skila ritgerðinni *panic!*

ég er orðin krulluð af stressi! (allt er nú hægt)

tónlist dagsins er Queen, greatest hits, diskur II

Ef ykkur langar rosalega í hann þá getiði "náð" í hann hér

until next time 

ciao 

prófatíð

Ég má nú ekki klikka á því að setja mynd af mér hér í síðustu prófatíðinni áður en ég útskrifast :)

syfjaður dagur ásamt einstaklega slæmum hádegi svo hárið var sett upp í snúð. tónlist dagsins er Adiemus

eigiði góðan dag.

Breytingar

Ég er búin að breyta aðeins síðunni minni til að undirbúa það að fara að blogga um eitthvða annað en bara partý :)

prófin klárast á miðvikudaginn næsta og skil á ritgerð eru 4. maí. Lokalokaloka skil eru svo um 20. maí.

Þangað til á ég ekki von á að það birtist matarblogg :)

matarbloggið

Já ég er ekki búin að gefast upp á matarblogginu. Þvert á móti.
Ég er hérna uppi með myndavélina af og til og tek myndir af því sem mér finnst sniðugt, gott og girnilegt

hér koma 3 myndir af einhverju sem ég mun blogga um og kenna ykkur að gera þegar ég verð hætt í BS-geðveikinni

Djöflaterta

Bestu súkkulaðibitakökur í heimi skv New York Times

Creme Brulee

jæja

eruði ekki orðin spennt ? 

Þegar maður lætur á eftir sér...

Það tísti örugglega mest í mér í gærkvöldi þegar ég sýndi Viðari hvað ég hafði keypt á meðan ég var úti þegar ég dró þetta upp úr pokanum ! 

Teppi með ermum !!! :)

þvílík snilld!

Mér verður nefnilega oft svo skelfilega kalt á höndunum þegar ég sit uppí sófa að vinna eða browsa í tölvunni að það hefur verið mikil athöfn með 2 teppum að koma sér þæginlega fyrir...
problem solved!

Framhald á ferðasögunni góðu (löngu)

já,, hvert var ég komin.
Ég var held ég búin að finna sjúkrabílastöðina í síðasta pósti. Strákarnir voru mjög fínir og reyndar stelpurnar (konurnar) 2 sem vinna þarna líka.
Fyrstu 2 dagana gerði ég lítið nema að veltast með og leið samt strax betur á þriðjudaginn. Var eiginlega alveg ákveðin í að vera allan tímann þarna. Internetleysið var samt alveg rosalega leiðinlegt :( Ég var basically alveg ein á kvöldin og enn meiri ástæða til að reyna að finna mér eitthvað að gera seinnipartinn þar sem að það var annað hvort að gera eitthvað eða stara út í loftið frá 5-11 á kvöldin þar sem ekkert internet var, engir stólar í herberginu til að sitja við borð og ég bara með 4 kvikmyndir inná tölvunni og þær mætti ég ekki horfa á á einu kvöldi.
Ég var búin að reyna að spurja marga hvort að einhver af þeim stundaði ís-böð eða Winter-bathing. Endilega lesið um það hér því að ég ætla ekki að fara að útskýra það ;) Eftir að hafa spurt alla sem ég hitti þá fann ég eina konu sem kennir við háskólann sem fer og hún var tilbúin að fara með mig á svæðið á þriðjudaginn og leiða mig í gegnum þetta.
Trikkið er að fara í sánu, dýfa sér svo ofan í ískaldan sjóinn og endurtaka þetta svo 2x í viðbót en enda á því að fara ekki aftur í saununa heldur klæða sig og fara heim. Við þetta á maður að finna mikla endorfín losun og hita... en já
andskotinn ég nefnilega lét mig hafa það að skella mér ofaní !!! og FJÁRI var þetta kalt !

Hérna er staðurinn sem ég fór á. (ef þið klikkuðuð á wikipedia linkinn hér fyrir ofan þá er skemtilegt að sjá að ég fór á sama stað og myndin frá þeim link sýnir) 

og ég fór ofaní... í ALVÖRU 

Það þýddi ekkert annað en að skella sér. . . þetta var það eina sanna finnska sem mér datt í hug að gera í Vasa. ég efaðist samt stórlega um hve gáfuleg þessi hugmynd hefði verið þegar ég stóð efst í stiganum í -11°frosti og vitandi það að vatnið var 0.5° heitt (kalt?). Ég endurtók þetta 3x og endaði á að fara ekki í sánuna og leið bara vel. Svaf að minnsta kosti vel fyrstu nóttina síðan ég kom út. 

á miðvikudaginn var ég búin að ákveða að vera 8-20 á vaktinni á stöðinni. Ég gat nefnilega allt eins hangið á stöðinni eins og að vera heima að horfa á silfurskotturnar (yes, we had a little problem). Þessi dagur var rólegri en margir vildu meina að væri eðlilegt og á þessum 12 tímum kom einn flutningur ! (hár sykur upp á 16.3 hjá sykursjúkri konu... þið sem þekkið eitthvað til sjáið kannski kaldhæðnina í akút flutningi með sjúkrabíl). Ég labbaði samt heim eftir vaktina og tók það ekki meira en 40 mín. Ansi þæginlegt í blanka logni og -12° frosti (66°north... aaamen!).

Fimmtudagur..

Ég var búin að segja einni konu á stöðinni á miðvikudeginum (Camilla) frá hvernig dvöl mín hefði verið í Finnlandi og að ég gæti eiginelga ekki beðið eftir að fara heim. Hún trúði eiginlega ekki að ég væri með tutor sem hefði ekki tíma til að hitta mig, væri ekki frá Vasa og hennar plön voru oftast að spurja mig "hvað vilt þú gera" þegar við hittumst... seriously, ég veit ekkert hvað maður gerir í Finnlandi eða í Vasa.  Sanna var heldur ekki með bíl og það gerði hlutina enn erfiðari þar sem að.. jú, strætóarnir eru eins og þeir eru þarna. 

Camillu fannst mjög leiðinlegt hvernig ég hefði upplifað ferðina og að mér hefði ekki liðið vel þarna. Eftir spjallið á miðvikudaginn hvarf hún í símann í smá tíma og þegar hún kom til baka spurði hún mig  hvort að ég gæti ekki fengið að fara fyrr á fimmtudaginn. Ég sagðist bara gera það ef ég þyrfti og hún sagðist ætla ða koma og sækja mig um hálf 3 og fara í rúnt um svæðið og sýna mér eitthvað í Vasa. Ég var mikið til í það og kom vel klædd og í gönguskóm á fimmudaginn. 

Gönguskórnir komu sér reyndar vel þar sem við lentum í útkalli út í skóg að ná í skíðagöngumann sem var obs lux mjöðm og klofuðum við snjóinn upp í klof með bakbretti og töskur til að komast á staðinn. Aðstæður til að flytja manninn voru mjög erfiðar og var því kallað í slökkviliðið til að flytja hann á sleða aftan í beltabíl í sjúkrabílinn... mjög skemmtilegt ! en já.. það hefði verið slæmt að vera í Puma skóm þarna. 

Þegar Camilla sótti mig kl hálf 3 var farið að snjóa. (oh, ekki meiri snjó!). Hún sótti mömmu sína og við keyrðum eitthvað lengst í burtu og fórum meðal annars yfir lengstu brú í finnlandi 

Eftir að hafa keyrt í gegnum 3 eyjar stöðvuðum við bílinn í 10 mín labb fjarlægð frá stórum útsýnisturni sem átti að opna laugardaginn næsta og Camilla vippaði út 2 innkaupapokum og snjóþotu úr skottinu á bílnum og við héldum á leið í átt að turninum

Við kíktum þar upp en sáum ekki mikið þar sem að það var hellings snjókoma eins og sést hér 

Ennþá vorum við að ganga um með snjóþotuna og pokana 2 sem ég vissi eignlega ekki hvað við ætluðum að gera við en svo komum við að beygju í veginum og mér skyldist á mæðgunum að við ætluðum í sumarhús mömmu Camillu... Við klofuðum því snjóinn (ég í annað sinn þennan daginn) í korter þangað til að við komum að litlum kofa sem stendur við vatn. 

sumarhúsið var lítið og einfalt en finnar eyða víst meiri hluta sumarfría sinna í svona húsum út um allt finnland... fæst husanna eru með rennandi vatn eða hita eða klósetts.. en flest með sánu (auðvitað!) 

Þetta var því ekta finnskt! :) sem reyndist svo vera þema kvöldsins. 

Þegar í husið var komið var kveikt upp í arninum, enda var -6° frost og hafist handa við að taka það upp sem var í pokunum. Þar kom hver finnski rétturinn upp á eftir hverjum öðrum! Ég smakkaði svo allt sem hægt var að smakka og drakk finnskan bjór með. 

Oh, æði.. þetta var toppurinn á finnlandi ! Þvílíkt gull þessi kona að gera fyrir mig. Ég átti ekki orð! 

ég er auðvitað buin að bjóða henni til Íslands til að reyna að launa henni þetta. 

Þarna má sjá

-finnska pylsu sem var grilluð á eldi 

- Bondost (mjög stinnur mjólkurostur sem borðaður er með sultu og rjóma)

- elg sem mamma Camillu eldaði fyrir ferðina

-smjör með eggjum sem sett er ofan á 

-havtorn-súpu (búin til úr Havtorn berjum) 

-finnskan bjór

-finnskt brauð úr rúgi

og eitthvað fleira.

Eftir langan dag var ég komin heim um 8. Þreif herbergið (með koddaveri... -löng saga) og pakkaði niður í töskurnar. Ég var nefnilega að fara til Stokkhólms daginn eftir! jehí!

Föstudagur..

ágætur dagur á stöðinni, hlakkaði bara alveg óendanlega til að fara heim! kl 20 sótti Camilla mig svo í íbúðina og skutlaði mér út á völl (sparaði mér sjálfsagt 7000 kall í leigubílakostnað) og ég lenti í svíþjóð um 22 og tapaði einni klukkustund á ferðinni.

í dag er laugardagur og er ég í Stokkhólmi hjá Kristínu frænku Viðars og eiginmanni hennar. Dagurinn var tekinn frekar seint eftir mjúka nótt í almennilegu rúmi (LOKSINS) og svo far farið í markað í miðbæ stokkhólms sem er frá 1888. Þar má ALLT finna... guð minn. ég var í himnaríki. 

skoðið bara myndirnar hér eða í myndaalbúminu mínu. Þar borðuðum við á veitingastað og ég fékk mér humar... Já. ALVÖRU humar með haus, klóm og öllu. nammi nammi namm! og svo fékk ég mér ostrur. Ég var ekki alveg jafn hrifin af þeim en held að maður þurfi að læra að borða þær. 

er þetta ekki girnilegt ! :) 

Ég tölti svo á Skansen og eyddi restinni af deginum þar. Þið sem ekkert vitið hvað það er þá er það eyja sem er svoldið eins og fjölskyldu og húsdýragarðurinn og árbæjarsafn samansett og svo margfaldað með 5, já eða 10. Mjög gaman :)

tók bát yfir fjörðinn og labbaði heim til Kristína..

aaah, góður dagur

eldaður var góður matur sem var keyptur í markaðnum í dag og núna er setið og spilað. Fullkomið!

hlakka samt til að koma heim á morgun :)

svo má ekki gleyma að ég er búin að setja flestallar myndir inná Smugmugsíðuna mína sem þið getið skoðað með því að klikka HÉR

kv

Ragna heimfari