laugardagur, 13. október 2007

veit ekki...

... af hverju ég er ekki búin að blogga...
er jú alveg búin að vera að gera svipað síðustu 2 blogglitlu vikurnar sem núna eru liðnar eins og hinar vikurnar þar á undan, nema kannski eitt sem er að halda athyglinni minni þessa dagana... nóg um það samt.

Er komin í Víkina þessa helgina, einu sinni enn... kem líka næstu OG þarnæstu... argh... óska eftir bensínstyrk eða samferðarmanni/mönnum, þetta er farið að verða svoldið leiðinlegt.
sleppti vísó og októberfest HÍ í gær, var slöpp, sorrý, og fór í body pump.... ÞAÐ var ágæt upplifun... Grískur guð stóð fyrir framan mig, sveittur frá toppi til táar, sítt hár í tagli, talaði fallega ensku og kallaði okkur allar Darling... í skelfingu minni og klígjugirni ákvað ég að bæta einu lóði í viðbót við stöngina mína og píndi mig enn frekar.
- edrú í gær ! victory victory...

í dag kíkti ég aðeins á stóra stráka í stórustrákabílaleik, puðrandi í hringi og spólandi og fylgdist með öðru auganu á konur ökumannanna sem stóðu með aðra og gott vel ekki báðar hendur upp í munninum á sér af stressi yfir aksturslagi manna sinna og loftköstunum á þeim þegar þeir skoppuðu framhjá í hverjum hring. Sá sem vann var þó einhleypur... kannski hafði það eitthvað að segja... þori ekki að segja :)

í kvöld er ball... Kopar spilar fyrir dansi í Leikskálum. Hef ekki farið á ball í leikskálum siðan... uuuh, þorrablótinu í fyrra. Án gríns... þetta var balllaust sumar, alveg glatað. Nú er samt Víkin að fara að taka við sér og það eru 3 böll í einum mánuði ! allt eða ekkert. skyldumæting á ball hefur mér verið sagt af Mattý því hennar ektamaður ætlar að leiða dansinn og draga mann í ruglið. . . :)

á morgun fær Lúlli (bíllinn minn) smá bráðabirgðarbón fyrir veturinn og verður KANNSKI þrifinn að innan líka.. Olíuskipti fékk hann áðan og enn einu sinni fékk ég komment frá pabba.. "það sást nú ekki á olía á kvarðanum Ragna Björg..." uuuh... SO ! :) hann ætti þó að vera fullur af olíu núna og sést kannski á kvarðanum því til sönnunar.

Engin ummæli:

Skrifa ummæli

Ragna.is er matarbloggsíða með sniðugum og auðveldum uppskriftum að gómsætum kökum, mat, meðlæti, brauðum, súpum og fleira.
Myndir fylgja flestum uppskriftum :)