Lakkrísbitakökur

Eða Lakkrískurlkökur
eða Kurlkökur
eða Lakkríssmákökur
eða Lakkrístoppar
eða Lakkrísbitasmákökur

Það er nú meira hvað hægt er að kalla sömu smákökurnar mörgum nöfnum :)


Það var gaman að sjá kommentin við gjafaleiks-færsluna. Held nú að flestir hafi kosið Sörur sem uppáhalds jólasmákökurnar en þar næst komu Lakkrísbitakökurnar sterkt inn.

Ég hef því ákveðið að henda inn uppskriftinni hennar mömmu að lakkrísbitakökum og smá leiðbeiningum með fyrir þá sem eru kannski að fara að gera þessar kökur í fyrsta sinn.

Það eru eflaust til fjöldinn allur af uppskriftum fyrir þessar kökur en hér er ein sem hefur aldrei klikkað (ef hún er gerð svona eins og ég sýni ykkur á eftir).
Mér finnast lakkrísbitakökur eiga að vera litlar, með grófri áferð (ekki léttar og kúptar), crunchy að bíta í en aðeins mjúkar inní. Þessi uppskrift er með ljósum púðursykri sem gerir marengsinn aðeins karmellulegri í bragði en það bitnar ekki á litnum á þeim og þær halda þessu fallega hvíta útliti sem hvítur marengs á að hafa.

Oft verða kökurnar harðar, með hörðum lakkrís eða fletjast út í ofninum. Ástæður fyrir því geta verið gamall lakkrís, of mikið bakaðar og of lítið þeyttar eggjahvítur

3 eggjahvítur.
Mér finnst best að velta eggjarauðunni á milli skurna og láta eggjahvítuna falla í skál.
Ef ég þarf að skilja í sundur mörg egg þá brýt ég nokkur egg í einu í skál og veiði svo rauðurnar uppúr með puttunum. 

Hráefnið er nú ekki mikið. Allt gífurlega "heilsusamlegt" samt.
Endilega gerið bara kökurnar litlar ! :)

Þeytingin skiptir miklu máli. Ég þeyti eggin+ljósa púðursykurinn í tæpar 10 mínútur í handþeytaranum
já. . . seriously. ég á ekki hrærivél 

þetta á að vera stíft. Vel á að mótast í marengsinn eftir þeytarann og koma fallegur toppur á marengsinn þar sem þú tekur þeytarana uppúr 

Saxa súkkulaði... ekki crucial thing hvernig það er gert. Svona geri ég það.
Gott að setja blauta tusku undir skurðarbrettið og ekki strjúka súkkulaðið af hnífnum of oft þó að það festist aðeins við. Annars fáið þið kámuga og klístruga súkkulaðiputta 

Lakkrísbitum og súkkulaði skellt ofan í marengsinn 

Mjög mikilvægt að leggja þeytaranum þegar þessu er blandað saman.
Notið sleikju eða sleif og veltið þessu hægt og rólega saman

vel blandað... þá er bara að.. ? 

....búa til litlar smákökur.
Ég geri minar frekar litlar með 2 matskeiðum. Þær eru ca 2-3 cm í þvermál, eða rétt  um munnbiti.
Hægt er að hafa þær MJÖG þétt á plötunni þar sem þær þenjast lítið sem ekkert út og halda lögun sinni vel í ofninum

eftir korter í ofni sem stilltur er á 150° (þær hafa þolað hjá mér að nota blástur)
.. taka þær út og bíða í smá stund með að taka þær af pappírnum, Þær losna auðveldlega þegar þær hafa kólnað aðeins.
(bíddu, er búið að bíta í eina ?!)

Uppskrift:

3 stk eggjahvítur

200 gr. ljós púðursykur

150gr. súkkulaði saxað

1 poki lakksískurl

Eggjahvítur og púðursykur þeytt vel, lakkrískuklið og súkkulaði blandað varlega saman. 

Bakað við 150°c í 15 mín.
(athugið að ef kökurnar eru stærri, þá lengist að sjálfsögðu bökunartíminn)

Gerir ~70-75 stk

gjörið svo vel :)