þriðjudagur, 27. júlí 2010

Kjúklingaborgarar í Naanbrauði






Eftir að Rachel Ray var í Skjá einum hvern einasta virkan dag í töluvert langan tíma hefur mig langað til þess að á íslandi fengist kjúklingahakk. Eftir að ég fékk matvinnsluvélina í jólagjöf síðustu jól varð mér það samt ljóst ða ég þarf ekki lengur  kjúklingahakk til að gera kjúklingabollur eða borgara. 


Ég klambraði þessari uppskrift saman með Saffran kjúklingaborgarana í huga. s.s. Kjúklingaborgari, naanbrauð og jógúrtsósa.


Þetta var mín tilraun






Uppskrift - Kjúklingaborgari   um það bil 6 stk 


650 gr kjúklingabringur 
(eða ca 650 gr af kjúklinga/kalkúnahakki - ekki nota matvinnsluvél þá, saxið allt annað mjög vel)
5 vorlaukar (skilið eftir ca 2-3 cm af þessu græna efst)
1.5 msk engifer 
2 stk hvítlauksrif
1.5 msk cummin
2 tsk paprikuduft
1.5 tsk sítrónusafi 
ca 2 msk fersk steinselja (má sleppa)
(æðislega gott að setja kóríander í staðinn)
2 tsk salt
1/2-1 egg
1 dl brauðmylsna
dass af pipar


Allt þetta er sett í matvinnsluvél og mixað saman. Engiferið og vorlaukinn og bringurnar er skorið niður í aðeins minni bita áður. 
Þetta er svo sett inn í ísskáp í hálfa-heila klst áður en þetta er mótað í litla borgara og steikt á heitri pönnu/grillpönnu




Uppskrift - Tzatziki  sósa


2 dl grísk jógúrt
hálf agúrka
1-2 hvítlauksrif
1 tsk salt
1/2 msk sítrónusafi
1 msk ólívuolía 
1 msk Dill (ég sleppi því)


Agúrkan er skorin langsum og fræin eru skafin úr með teskeið. Hún er svo rifin á frekar grófu rifjárni og sett út í jógúrtið. Einnig er hvítlauksrifið rifið á rifjárninu (fínni hliðinni ef það er í boði). Restinni af innihaldinu er svo hrært samanvið. 








Naan brauð... Ég gerði mitt eigið naanbrauð sem ég steiki á mjög heitri pönnu. Þegar ég er búin að steikja brauðið bursta ég örlítið af hvítlauksolíu/hvítlaukssmjöri á aðra hliðina og strái pínu salti yfir brauðin. Endilega leitið að  ykkar uppskrift á netinu (e. Naan bread recipe). eða nota þessa sem ég  hef bloggað um hér






Samsetning :
Naan brauð, sósa, nokkur lauf af spínati, kjúklingaborgari, rauðlaukshringir, smá sósa aftur og að lokum naanbrauð aftur




Rosalega gott, nýtt og hollt 


enjoy

4 ummæli:

  1. Ég fann kjúklingahakk í Nettó í vikunni og varð að prófa að elda eitthvað úr því. Var bent á þessa uppskrift í gegnum google og hafði hana til hliðsjónar, í mín buff fór hakk, rifinn hálfur rauðlaukur, hvítlaukur, gulrót og engifer, cummin, paprika, salt, egg, hveitikím, steinselja, sítrónusafi og kóríander. Smellti þessu á heilsugrillið og snæddi eins og þú lagðir til. Algjört dúndur og MUN betra en Saffran :) Takk kærlega - á sko eftir að elda þetta aftur og lesa bloggið þitt :)

    SvaraEyða
  2. snilld að það fáist loksins kjúklingahakk hérna á Íslandi :)

    SvaraEyða
  3. Er að gera þetta núna! eða svipað.. Get ekki BEÐIÐ eftir að smakka!
    Frábær síða ég er svo að fara að verða fastagestur hér ;)

    SvaraEyða
  4. Nafnlaus6:29 e.h.

    Ég var að elda þetta og nammi!!! Er í Noregi þar sem að ég gat keypt kjúllahakk og þetta kom ljómandi vel út, ég gerði reyndar NAN brauðið aðeins of þykkt í fyrstu umferð og þá varð það pínu seigt..

    Ein spurning, setur þú olíu þegar þú steikir NAN brauðið? :)

    Íris Fríða
    Daglegur gestur

    SvaraEyða

Ragna.is er matarbloggsíða með sniðugum og auðveldum uppskriftum að gómsætum kökum, mat, meðlæti, brauðum, súpum og fleira.
Myndir fylgja flestum uppskriftum :)