mánudagur, 23. maí 2005

þetta er að verða skrambi raunverulegt!

anyway...

Dagurinn í dag er mun betri en í gær og síðustu daga.
Reddaðist að flýja í bæinn!

Ég er búin að fara í allar búðir sem mér dettur í hug og leita mér að eplagrænum skóm... en þeir finnast bara alllls ekki, og ég sem hélt að grænn væri tískuliturinn í sumar. Ætli það sé bara nokkuð cool að vera í grænum skóm?! en hey! mér finnst það! :D
svo er ég líka búin að vera á höttunum eftir hvítum, sparilegum bol til að vera innanundir jakkanum... hve erfitt getur verið að finna sér hvítan bol??? já, einmitt það sem ég sagði í gær. úff.... ég er búin að finna 3 sem samt eiginlega koma ekki til greina ! en verð að láta mér nægja einn af þeim ef ég finn ekkert á morgun.

Ég var svolítið stressuð áðan þegar ég var að ná í einkunnirnar... samkvæmt mínum útreikningum hafði ég bara 138 einingar, en þurfti 140... ég varð semsagt að ná stæ 503, sem ég gerði eiginlega ekki! Konrektor sagði það vera í lagi að fá bara 4 því að ég ætti aðrar aukaeiningar... humm... ég hélt nú ekki samt.
Núna þegar ég fer yfir einkunnarblaðið mitt... þá sé ég að ég er búin að taka stæ 403 tvisvar sinnum upp á 6!!!!!! Veit ekki hvort að ég hafi fengið vitlausar upplýsingar í fyrra, þar sem að ég fékk aldrei einkunnarspjaldið í fyrra þar sem ég var úti í Þýskalandi og hringdi því bara í umsjónarkennarann minn. hún sagði mér að ég hafði fallið í stæ 403... með 4! svo að ég sótti um undanþágu um að taka prófið í 3. sinn, en mátti ekki sitja í áfanganum! allt í lagi með það, næ honum svo.
Spurningin er hvort að skólinn hafi fixað þetta svona eða hvort að ég hafi virkilega tekið stæ 403 tvisvar! :D hehe
En mér er sama, ég útskrifast!
Fór í dag í tilefni einkunnanna og náði í stúdentahúfuna mína :) voðalega mikil gella! :D
Ég er barasta stollt af sjálfri mér að geta þetta á réttum tima og allt! :)

Ætla að halda áfram í einhverfingskastinu mínu og vera ein með sjálfri mér í kvöld, kíki kannski aðeins til Hildar þó, hún er jafn klár og ég ! líka að útskrifast úr MH !!!

Það þarf að mörgu að huga þegar kemur að veislunni... Mamma er alveg óð og vill hafa þetta stórt, stærra, stærst! henni finnst líka gott að hafa afsökun fyrir að bjóða fólki í heimsókn og halda partý!

Hvað haldiði að ég hafi verið ða finna á forseti.is! (ekki spyrja hvað ég var að gera þar ! :) )

Hvatning forseta Íslands til ungra Íslendinga afhent ungmennum úr Vestur-Skaftafellssýslu


Á hátíðarsamkomu á Kirkjubæjarklaustri föstudaginn 8. maí 1998 hlutu eftirtalin ungmenni úr Vestur-Skaftafellssýslu viðurkenningarskjölin „Hvatningu forseta Íslands til ungra Íslendinga”.

Ragna Björg Ársælsdóttir, 13 ára

Hún hefur sýnt ágætis árangur í söng og tónlistarleik. Hún syngur bæði með Barnakór Víkurskóla og kór Víkurkirkju. Ragna Björg er einnig góður námsmaður.


híhí

Engin ummæli:

Skrifa ummæli

Ragna.is er matarbloggsíða með sniðugum og auðveldum uppskriftum að gómsætum kökum, mat, meðlæti, brauðum, súpum og fleira.
Myndir fylgja flestum uppskriftum :)