ragna.is

Rice Krispies marengskaka

2012-02-07T18:29:00.001Z

ó þessi kaka

Þetta er ein af kökunum sem ég hef tekið með mér frá Halldórskaffi...

Þetta var lang vinsælasta kakan á kaffihúsinu og ég hef gert SVO MARGAR að ég hef bara örfáum sinnum gert þessa köku eftir að ég hætti að baka kökur á Halldórskaffi.

En eitt er víst.

Þessi kaka er gríðarlega auðveld. Hún er ekki ein af þessum marengskökum sem er full af ferskum ávöxtum, mars-súkkulaðibráð og kókosbollum, sem gerir eina marengsköku að 8000 kr köku áður en þið vitið af.

jú og eitt annað er víst.

Þessi kaka slær alltaf í gegn og er alveg ótrúlega góð. Þið hljótið að sjá það sjálf á myndunum hve góð hún bara hlýtur að vera :)

Ég fór með eina köku með mér á næturvakt uppá Bráðadeild fyrir sömmu og það má skammlaust segja að allir hafi gengið um með sælusvip næstu 2 klst eða svo . . . Þar til að sykursjokkið kom ! :)

Uppskrift

4 eggjahvítur

200 gr. Sykur

½ tesk. Lyftiduft

3 dl rice kripies

Bakað í 1 klst. Við 130-150°c

3 1/2 dl létt þeyttur rjómi á milli

Karamella

1 ½ dl. Rjómi

70 gr. púðursykur

20 gr. Smjör

1,5 dl. Síróp

1/2-1 tsk vanilludropar eða vanillu extract

Allt nema smjör er soðið saman (hiti aðeins lækkaður undir þegar farið er að sjóða) í um 15-20 mínútur eða þar til karamellan hefur sjáanlega þykknað. Smjörið er sett útí þegar búið er að taka karamelluna af hitanum.

Aðferð:

-Þeytið saman eggjahvítur og sykur þar til að það er fullþeytt (og rennur ekki til í skálinni þegar henni er hvolft). Rice kripies og lyftidufti blandað saman við með sleif þar til vel blandað.

-Það er hægt að setja eggjahvítuhræruna beint á smjörpappír á plötu en ég hef hingað til kosið að klippa út 2 smjörpappírshringi og leggja í botninn á kökuform, passa svo að það sé ca puttabil á milli kökunnar og kökuformsins. Þannig fær maður kökurnar alveg jafn stórar og fallega kringlóttar (ekki spreyja formið og já, það er nauðsynlegt að pappírinn passi vel í botninn)

-Bakað í um klst í 130-150 °C heitum ofni. Má láta kólna inní ofninum þegar slökkt er á honum og verður þá kakan aðeins þurrari.

-Gott er að gera karamelluna á sama tíma og kakan er bökuð þar sem þá nær karamellan aðeins að kólna áður en henni er hellt yfir. Hægt er að gera karamelluna 1-5 dögum áður og geyma í kæli þar til að hún er notuð (hituð uppí örbylgju áður en hún er sett yfir). Einnig er hægt að gera botnana nokkrum dögum fyrr.

-Þegar rjóminn er settur á, alls ekki stífþeyta hann. Hann á að vera mjúkur og ekki ofþeyttur, til þess að bleyta upp botnana.

-karamellunni er dreyft yfir með skeið og svo er kakan borin fram

-Oftast er einhver afgangur eftir af karamellunni en hún er alveg kjörin útá ís og gott að eiga í ísskáp :)

enjoy

Tiramisu

2012-01-31T20:30:00.001Z

Ó hvað þetta er yndislega, undaðslegur, æðislegur og bragðgóður eftirréttur ! !

(við skulum gleyma í smástund að hann er skelfilega óhollur... munið bara að borða minna í hádeginu og fara í ræktina!)

Það eru aðallega 3 atriði sem hafa stoppað mig í að gera tiramisu hingað til.

nr 1 - Þetta er flókið

nr 2 - Þetta er dýrt

nr 3 - Það eru til góðar tegundir af tilbúnu tilbúnu tiramisu útí búð

þessi þrjú atriði hafa samt hins vegar breyst í:

nr 1 - þetta er mun auðveldara en þið munið halda og frábært að geta gert þetta daginn áður en gestir munu koma til að minnka vesenið.

nr 2 - Þetta er ekkert afburðadýr réttur. Mascarpone osturinn kostar um 700 kr samtals og eggin, tja, þau eru ekki dýr... 10 egg kosta um 400 kr og þarna notarðu 6 egg. Ekki má gleyma því að þessi réttur er stór og er fyrir 12 manns. Það kostar einnig sitt að gera eina marengs-ávaxtaköku eða heitan rétt :)

nr 3 - Þetta er BETRA en tiramisu útí búð...

Jú, uppskriftin er stór en þegar maður er að þessu á annað borð, af hverju ekki gera bara alla uppskriftina og mæta svo með restina í vinnuna eða bjóða vinum í kaffi seinna í vikunni. Þetta endist vel í ískáp (4-5 daga).

Í mörgum uppskriftum sem ég skoðaði voru eggjahvíturnar nýttar með. Ég stóðst samt ekki mátið þegar ég las uppskrit frá kokki sem sagði að hands down þá væri þetta LANG besta tiramisu sem hann hafði gert um ævina og væri það sem hann teldi að kæmist næst því sem hafði bragðað á Ítalíu.

Það var því engin spurning hvort ég ætti að gera þessa uppskrift eða ekki, og ó hvað ég var ekki vonsvikin.

Saumaklúbburinn og samstarfsfólk á Slysó var einnig mjög ánægt með afraksturinn :)

Fyrsti hlutinn er svoldið tímafrekur..

Setja þarf egg og sykur yfir heitt vatnsbað (vatnið við það að sjóða) og "elda" eggin+sykur í 10 mínútur... Það verður að hræra stanslaust á meðan

Blandan breytir um lit og verður ljósari

Síðan þarf að þeyta upp blönduna þar til hún verður pastel gul á litinn

mascarpone osturinn er hrærður uppí öskjunni og þeyttur samanvið

því næst er þeytta rjómanum blandað saman við, leggið hér frá ykkur þeytarann og notið sleif

hér er óhætt að smakka.. nokkrum sinnum !

hellið upp á 4faldan espresso, eða sterkt kaffi sem fyllir upp í ca 3/4 bolla

áður en samsetningin hefst

ladyfingers er snögglega dýft ofan i kaffið og lagt í botninn

mascarponeblandan er sett ofaná, annað lag af ladyfingers þar ofaná og endað á mascarponelagi

geymist inní ískáp í amk 4 klst áður en borið fram, stráið kakó yfir með sigti rétt áður en borið er fram

Uppskrift (fyrir 10-15, fer eftir öðru meðlæti)

6 eggjarauður

1 bolli sykur (250ml)

2 öskjur af mascarpone osti

1 3/4 bolli rjómi (óþeyttur)

1 pakki (320-350 gr) Ladyfingers

1/2 bolli espresso eða sterkt kaffi

1/4 bolli sterkt áfengi (Dökkt romm, Amaretto, Kaluha eða Brandý) - Sé áfengi sleppt, bætið þá við 1/4 bolla af kaffi við í staðinn

kakó

Aðferð:

-Blandið saman eggjum og sykri í skál yfir sjóðandi vatni. Hrærið stanslaust í blöndunni í 10 mínútur.

-Þeytið upp eggjablönduna þar til hún verður pastel-gul á litinn

-Takið mascarpone ostinn, hrærið hann aðeins upp í öskjunum og bætið svo útí eggin. Þeytið vel saman

-Rjóminn er stífþeyttur og blandað saman við ostablönduna. Ath að hér er þeytaranum lagt og notuð sleif tl að blanda saman

-Ladyfingers er rétt svo dýft ofan í kaffið (eða kaffi + líkjör). Það þarf EKKI að láta kökurnar blotna í gegn, heldur bara að báðar hliðar komi í snertingu við kaffið.

-Tiramisuinu er raðað upp þannig. Ladifingers - Mascarponeblanda - Ladyfingers - Mascarponeblanda.

-Látið bíða í ísskáp þar til það er borið á borð. Rétt áður en rétturinn er borinn á borð er kakói stráð yfir í gegnum sigti svo að það þeki réttinn.

ENJOY ! :)

Heit pizzaídýfa

2012-01-27T00:27:00.000Z

Hugmyndin er einföld og afraksturinn er góður :)

Það eru sjálfsagt allir búnir að smakka rjómaosts-salsa ídýfuna sem flestir hafa verið að gera í saumaklúbbum og partýum síðustu ár.

Þessi ídýfa er kannski meiri elíta enda þarf aðeins fleiri hluti til að setja hana saman heldur en salsaídýfuna (sem fær alveg gullorðu fyrir einfaldleika). Að sjálfsögðu er það ykkar val hvaða álegg þið setjið á pizzaídýfuna svo að það þurfa ekki að vera jafn margar tegundir og ég kaus að setja.

Rjómaostablöndu er smurt í botninn og pizzasósunni dreyft yfir í smá slettum og svo varlega strokin út yfir rjómaostblönduna þannig að þetta verður í 2 fallegum lögum. Setjið svo álegg að eigin vali yfir pizzasósuna
Stráið einnig smá af uppáhalds ítalska/pizza kryddinu ykkar yfir áleggið áður en þið setjið ostinn.

stráið ost og parmesan yfir og bakið í ofni þar til að osturinn er bubblandi og brúnn í könntunum

berið fram með ritzkexi, niðursneiddu baguette eða tortilla snakki. Best er að hafa skeið í ídýfunni svo að fólk geti skammtað sér beint á disk eða mokað upp á kexið/brauðið/snakkið

Uppskrift: (fyrir um 6-8)

1/3 askja rjómaostur

1/2 bolli sýrður rjómi

1/2 bolli rifinn mozzarella ostur

1/4 bolli rifinn parmesan ostur (má sleppa)

1 bolli pizzasósa

smá pipar og salt

álegg:

Skerið allt niður í litla ferninga og reiknið með 4 msk af hverju

pepperoni

laukur

skinka

sveppir
ítalskt krydd

annað:

ólífur

paprika

hvítlaukur (ekki 4 msk þó!)

Yfir:

1 bolli mozzarella

1/4 bolli parmesan (má sleppa)

Aðferð:

-Hrærið upp í rjómaostinu í skál til að mýkja hann. Hrærið einnig aðeins upp í sýrða rjómanum áður en þið blandið honum saman við rjómaostinn. Bætið við mozzarellaosti og parmesan, saltið og piprið aðeins blönduna (þarf meiri pipar en salt). Dreifið úr blöndunni í eldfast mót.

-Dreifið úr pizzasósunni yfir rjómaostablönduna.

-Stráið jafnt yfir álegginu sem þið kjósið að nota, þekið áleggið með mozzarellaosti og parmesan og skreytið svo réttinn með nokkrum pepperonisneiðum

-Bakist við 180°C í um 20 mínútur eða þar til ídýfan er fallega brún í könntum og bubblandi heit

enjoy !

Næsta blogg

2012-01-24T01:37:00.002Z

Tiramisu

Heit pizzaídýfa

Hvor þessara rétta verður í næsta bloggi?

Þið fáið að ráða! :)

Farið á facebook síðu Ragna.is og kjósið

Sunnudagur og vöfflukaffi

2012-01-22T17:26:00.001Z

Kom heim úr vinnunni í dag og bakaði vöfflur fyrir óvæntan gest + familíuna.

Set þó ekki uppskriftina inn að þessu sinni þar sem my ultimate quest að bestu vöfflu-uppskriftinni er enn í fullum gangi :)

Gourmet matarboð

2012-01-20T23:45:00.001Z

Kaka komin úr ofninum

2012-01-17T23:26:00.001Z

Kjúklinga Cordon Bleu - Fyllt kjúklingabringa

2012-01-15T22:32:00.000Z

Þó svo að þessi réttur heiti vanalega Cordon Bleu má alls ekki rugla honum saman við hinn þekkta matreiðsluskóla Cordon Bleu :)

Hægt er að kaupa svipaðar útfærslur af þessum fylltu kjúklingabringum í búðum, bæði frosið og í kjötkælinum en þetta er auðveld og góð leið til að gera góðan mat fyrir miðja viku.

Fyrirhöfnin er í raun minni en hún virðist vera og afskaplega bragðgóð.

Ég mæli með að þið prufið þetta ! :)

Hér notaði ég höfðingja og hvítlauksost

búið að loka bringunum

endurtaka ferlið 1x

Uppskrift:

3-4 kjúklingabringur

skornir vasar inní með beittum hníf.

skinka að eigin vali

ég nota silkiskorna hunangsskinku

ostur:

skera af oststykkinu inní ísskáp
nota rifinn mozzarella
ferskur mozzarella
camembert eða annar hvítmygluostur
Gruyere

Raspur:

2.5 dl raspur úr pakka

svo sitt lítið af hvoru eftir smekk

paprikuduft

laukduft

hvítlauksduft

ítalskt krydd

pipar

salt

Parmesan ostur (má sleppa)

Munið að nota hugmyndaflugið og ef þið eigið ekki allt þá annað hvort finnið þið eitthvað annað í staðinn eða jafnvel sleppið því. Það mikilvægasta er salt og pipar :)

1 egg

1 dl mjólk

Aðferð:

-Takið skinkuna (1-3 sneiðar eftir tegund), leggið hana á borð og leggið ofan á hana ostinum sem þið eigið til (athugið að það er alveg tilvalið að nota camembertinn/höfðingjann/gullostinn/hvítlauksostinn sem þið eigið inní ísskáp eftir jólin og er kannski alveg á síðasta snúningi)

-Vefjið skinkunni utan um ostinn.

-Skerið inní hverja bringu smá vasa með litlum, beittum hníf, svo að skinkupakkinn komist inní bringuna. Ef ykkur finnst þörf á, stingið tannstönglum í brúnirnar á bringunum svo að þær lokist betur.

-Dífið bringunni í eggja- og mjólkurblönduna og svo í raspinn, endur takið þetta 1x í viðbót.

-Þegar búið er að þekja allar bringurnar vel af raspi er þeim raðað á grind í ofni. Athugið að það er nauðsynlegt að hafa plötu (klædda álpappír sem gerir þrifin auðveld) undir grindinni því að það gæti einhver ostur lekið út þegar þetta eldast í ofninum og það er ekkert gaman að fá ostinn í botninn á ofninum :). Ástæðan fyrir því að það er betra að hafa þetta á grind er að þá soðnar ekki hliðin sem snýr niður, heldur verður bringan krispí allan hringinn.

-Það tekur um 30 (uppí 40) mínútur að elda bringurnar við 190°C hita.

Tilvalið meðlæti er sulta/hvítlaukssósa úr sýrðum rjóma, gufusoðið grænmeti og kartöflumús eða hrísgrjón.

Athugið, að bringurnar er einnig hægt að steikja á pönnu en þá þarf að vera amk 2 cm lag af olíu á pönnunni og passa hitastigið. Það er að sjálfsögðu mun hollara að ofnbaka þær :)

Enjoy !

Næsta uppskrift:

2012-01-14T18:24:00.001Z

Frönsk lauksúpa

2012-01-08T22:09:00.002Z

Til þess að þessi súpa verði sem best þarf að brúna laukinn í olíu og smjöri hægt og rólega við vægan hita í langan tíma. Eftir að því hefur verið náð þarf að sjóða laukinn í töluverðan tíma í soði til þess að bragðið dreyfi sér og súpan verði falleg og koparlituð

Uppskriftin er tekin uppúr bók sem gefin var út fyrir rúmum 50 árum af Juliu Child (US) sem fluttist til Frakklands, lærði þar að elda franskan mat og gaf svo út bók til þess að kenna Bandaríkjamönnum að elda franskan mat.

Ég mæli svo auðvitað með að allir horfi á myndina Julie and Julia

En aftur að uppskriftinni að hinni frönsku lauksúpu !

nr 1

Gerið ráð fyrir 2 og hálfum tíma í eldunartíma !

Súpan er svoldið skýjuð. Ég keypti tilbúið soð í Kosti (eina fernu og notaði svo vatn og teninga sem hinn líterinn sem til þurfti) Soðið í fernunni er aðeins skýjað, en mjög gott

NAMM!

Uppskrift og aðferð:

Fyrir 4-6 (fer algerlega eftir skammtastærð hvers og eins. Ég myndi jafnvel gera þessa súpu fyrir 3)

5 bollar fínt niðursneiddir laukar eða um 680 gr

3 msk smjör

1 msk matarolía

- Eldið laukinn við vægan hita í smjörinu og olíunni í 15 mínútur með lokið Á !

1 tsk salt

1/4 tsk sykur

-Talið lokið af, hækkið hitann á hellunni upp í miðlungs hita og eldið laukinn í 30-40 mínútur, hrærið oft í, þar til að laukurinn er orðinn fallega karamellu brúnn

3 msk hveiti

-Stráið yfir og hrærið í 3 mínútur (hér þurfti ég að bæta smá smjöri við, þetta var annars of þurrt)

2 L af nautasoði

(hér er hægt að kaupa soð tilbúið í fernum, nota vatn og nautakraftstening (2 teningar í hvern líter af vatni) eða nota sitt eigið heimatilbúna soð)

1/2 bolli hvítvín (ég sleppti þessu)

- hellið soði og víni útí pottinn og kryddið með salt og pipar.

-Sjóðið við vægan hita með pottinn hálf lokaðan í 30-40 mínútur

Eftir þann tíma, bætið við salti og pipar eftir þörfum og setjið í skálar með þurrkuðum baguette sneiðum yfir + ost.

Setjið undir grillið í ofninum þar til osturinn er gullinn og bráðinn

Þurrkað Baguette:

Skerið baguette í 2.5-3 cm sneiðar. Setjið inní ofn á 160°C í 20-30 mínútur, þar til brauðið er orðið hart og örlítið brúnað

Ath:

nei ég á ekki svona skál:

Svona skál má fara inní ofn og undir grillið

Ég tók samt áhættu með mínar skálar, kveikti á grillinu í ofninum, lét það verða mjög heitt og stakk svo skálunum undir en hafði ofninn opinn til þess að hitinn sem myndi umkringja skálarnar yrði sem minnstur. Það er allt í lagi með mínar skálar og ég mun örugglega halda áfram að gera þetta svona. Ég nenni ekki að fylla skápana enn meir af einhverju dóti sem er aðeins ætlað í einn hlut (úff ég á nóg af því).

En ég ætla ekki að mæla með þessu ;)

Jólapakkaleikurinn

2012-01-03T12:57:00.002Z

Vinningshafinn í ár var enginn sem ég þekki og var það svoldið gaman :)

í pakkanum var þessi fallegi 2ja hæða kökudiskur frá heildsölunni Sericu.

Hann fæst í blómabúðinni Dalíu í Glæsibæ ásamt fjöldann allan af fallegum vörum frá Sericu.

Til hamingju Þórdís

Waldorfsalat

2011-12-22T19:26:00.000Z

Uppskrift:

1 ds. Sýrður rjómi

3 dl rjómi (þeyttur)

3 stk græn epli

200 gr vínber

200 gr ananas

2-3 stiklar sellerí

1 msk sykur

Rjóminn þeyttur og sýrða rjómanum hrært samanvið. Eplin, vínberin, selleríið og ananasinn skorið frekar smátt niður og sett saman við.

Verð að taka það fram að þessi uppskrift, sem og uppskriftin af Kalkúnanum er í boði móður minnar :)

Kalkúnn - heill

2011-12-20T22:40:00.001Z

Síðustu áramót eldaði ég minn fyrsta kalkún. Eldunin tókst gríðar vel og safaríkari fugl hefði ekki verið hægt að útbúa.

Ég fór algerlega eftir uppskriftinni frá mömmu sem hefur eldað kalkún um áramót síðustu ár og ætla ég að deila þessu með ykkur núna

Kalkúnn.

6-8 kg kalkúnn (fyrir ca 10 manns)

1 br beikon

Salt, pipar og kalkúnakrydd(krydda vel)

Fylling

1 br. Skinka(15-20 sn)

1 ds sveppir ½ ds

1 stk rauðlaukur

Steinselja söxuð

Salt og pipar

Brauðteningar vættir með serrý og sojasósu (ég sleppi serrý)

Fyllingin er söxuð vel og svissuð á pönnu,krydduð og brauðteningunum bætt út í kæld: Fyllingin sett inn í kalkúninn enhann er kryddaður vel . einnig inní. Beikonið lagt ofan á kalkúninn og pakkaðvel inn í álpappír. Steikja á 150° C í 4 klst. Þ.e kl:14.00 til kl:18.00 takapappírinn af og beikonið og smyrja hann með smjöri. Hækka hitan í 18°C (borðaðkl:19.00) Sósan löguð úr soðinu af innyflum, gulrótum sellerí, sveppasafa ogkrydduð til.

-Undir það síðasta fer ég algerlega eftir hitamæli um hvenær ég eigi að taka dýrið út. Kjarnhiti fullhitaðs kalkúns er í kringum 70-72°C í þykkasta hluta fuglsins. Ég tek því fuglinn út í kringum 69°C og læt hann halda áfram að eldast úti á borði.

-Ef þið eruð með minni kalkún, auðvitað setjið þið hann seinna inn en 14 :)

-Hafið fuglinn við herbergishita, takið hann út eins snemma daginn sem hann verður eldaður til að fá hann jafnheitan í gegn áður en hann verður eldaður.

Sósan er löguð úr innmatnum en hann er steiktur, kryddaður og svo soðið upp á honum með sellerí, lauk og gulrótum í 1-2 klst eða svo svo bragðið verði mjög þétt og gott. Sósan er þykkt, bætt í rjóma, smjörsteiktum sveppum, sósulit, worchester sósu auk þess sem mér dettur í hug að setja útí að hverju sinni.

eitt besta trikkið sem ég kann varðandi framreiðslu á kalkún er að losa bringurnar af fuglinum, skera þær í sneiðar og raða þeim svo aftur ofaná

sparar mikið vesen og fyrirhöfn þegar við borðið er komið

enjoy !

Jólaleikur

2011-12-15T08:40:00.004Z

Þá er komið að jólaleiknum hérna á síðunni.

Til þess að taka þátt þurfið þið að svara spurningunni í kommenti:

Hvað hefur þú í eftirrétt á aðfangadagskvöld.

Reglur:

Þið þurfið ekki að hafa like-að síðuna á Facebook til þess að taka þátt
Aðeins eitt komment á mann
Ekkert rétt eða rangt svar
Ekki er nauðsynlegt að þið útbúið eftirréttinn, svarið við: hvað eruð þið vön að hafa í eftirrétt nægir
Þann 23. desember mun ég velja eitt komment, algerlega af handahófi héðan fyrir neðan (engin rétt eða röng svör). Eigandi þessa komments mun fá jólagjöf frá Ragna.is
Munið að setja email með kommentinu svo ég geti haft samband við ykkur

Endilega takið þátt, ekki vera feimin, ég hef jafn gaman af þessu og þið :)

Piparkökukvöld

2011-12-15T08:22:00.002Z

Hvítlauksbrauð

2011-12-08T22:09:00.001Z

2 blogg í dag?

Heitt, stökkt, bragðgott hvítlauksbrauð

já, látum það bara flakka

Oft passar að hafa hvítlauksbrauð með mat og hef ég komist að því að það kostar um það bil það sama að kaupa 5 frosin, óbökuð baguette og að kaupa 2 frosin hvítlauksbrauð. Já, hér er ráðrúm til að spara ! :)

Ég kaupi þessi frosnu baguette, tek út eins mörg og ég þarf og hef hin áfram frosin. Ef ég hef tíma þá tek ég brauðin út í tíma og læt þau þiðna svo ég geti skorið þau í sundur áður en ég set þau inní ofn.

Ef það er ekki hægt, þá að sjálfsögðu er hægt að baka brauðin þar til að þau eru þiðnuð og skera þau þá í sundur og setja hvítlaukssmjörið á.

Uppskriftin er einföld

Smá af smjöri

slatti af mörðum hvítlauk

Brætt saman í örbylgjuofni

Magnið og hlutföllin fara eftir því

-Hvað þú ætlar að gera mörg brauð
-Hvað þú vilt mikinn hvítlauk

Ath, það er mikilvægt að bræða smjörið og hvítlaukinn saman svo að það bubbli vel. Hvítlaukurinn eldast þá aðeins og gefur frá sér gott og mikið hvítlauksbragð)

smyrjið brauðin eins óhóflega og þið komist upp með

stingið inní ofn þar til að brúnirnar eru aðeins farnar að brúnast og smjörið kraumar á brauðinu
Stráið maldon salti yfir + þurrkaðri steinselju

enjoy

Mjúkar engiferkökur með hvítu súkkulaði

2011-12-08T17:15:00.000Z

Þessar kökur eru góðar.

Fyrst var ég fyrir töluverðum vonbrigðum (þegar þær voru nýkomnar útúr ofninum) en daginn eftir sættist ég á þær og núna finnast mér þær vera alveg yndislega góðar .... jólalegar, smá öðruvísi og ekkert of væmnar

Smjör og sykur þeytt saman, sírópi, kryddi, matarolíu og vanilluextract bætt við og hrært betur saman

þetta er skelfilega girnilegur litur...

eggjum bætt útí, einu og einu

og að lokum hveiti og matarsóda

hvítt súkkulaði skorið í grófa bita og bætt útí

Uppskrift (gerir um 70-80 kökur)

200 gr smjör
1 bolli sykur
1/2 bolli molasses / dökkt síróp (ég notaði dökkt sýróp en molassess fæst í heilsubúðum)
2 msk matarolía
1 tsk vanilluextract
1 1/4 tsk kanill
1 1/4 tsk negull
1 tsk engifer
2 egg
3 1/2 bolli hveiti
2 1/4 tsk matarsódi
1 1/2 bolli hvítt súkkulaði skorið gróflega í bita

Aðferð:
-Þeytið vel saman smjöri og sykri.
-Bætið útí molasses/sírópi, matarolíu, vanilluextraxt, kanil, negul og engifer og þeytið þar til vel blandað
-Þeytið saman við eggjum, einu og einu í einu
-Hrærið hveiti og matarsóda saman við
-Mótið í litlar kúlur í höndunum sem eru um 2-3 cm í þvermál og veltið kúlunum uppúr sykri.
-Raðið á plötu og hafið gott bil á milli, þær renna töluvert út

Bakað í 10-12 mínútur við 180
ath:
-íhugið ykkur gæti þótt gott að bæta við kanil, negul og engifer (kökurnar eru ekki mjög kryddaðar) og einnig að bæta kannski við meira súkkulaði
-Þessar kökur eru gerðar af fyrirmynd snickerdoodle kökum. . . Þeim er velt uppúr kanilsykri áður en þær eru bakaðar. Ég væri til í að prufa það með þessar líka.

enojoy

Jólasmákökur

2011-12-05T21:06:00.001Z

Nú er kominn tíminn þar sem það er alveg orðið við hæfi að baka nokkrar smákökur

Hér kemur uppskrift sem ég setti inn í fyrra af lakkrísbitakökum :)

Lakkrísbitakökur

enjoy

Söngur

2011-12-02T23:13:00.001Z

Já ég veit að þetta er matarblogg, en mig langaði að deila með ykkur videoi

Lagið heitir upprunanlega "In the eye of the sparrow" og var meðal annars í Sister act :)

Ég, Maja Eir og Katrín við undirleik Óskars Einarssonar

Bak við okkur stendur svo kórinn sem við tilheyrum. Gospel-kirkjukór Lindakirkju

Grjónagrautur

2011-11-23T12:43:00.001Z

Það eru nokkur lykilatriði sem þið þurfið að hafa í huga áður en þið byrjið ...

-Ekki eiga minna en einn líter af mjólk áður en þið byrjið
-Best er að nota Grød Ris eða River Rice (sem er í gulum pökkum)
-Reiknið með klst í verkið... Það er eiginlega ekki hægt að flýta sér nema að brenna við

Uppskrift (fyrir um 3)

1.5 dl grjón
2 dl vatn
ca 8 dl mjólk
u.þ.b. 1/2 tsk salt

Já, þetta er ekki meira en þetta.

Aðferð:
- Setjið grjónin í pott ásamt vatni og salti og sjóðið í 2-3 mínútur. Bætið svo um tæpum hálfum líter af mjólk útí. Þegar mjólkin er farin að bullsjóða, lækkið hellinua niður í 2 og látið þetta malla og hrærið MJÖG reglulega! Helst farið í að þrífa uppúr einhverjum skúffum í eldhúsinu eða bakið eitthvað á meðan, það er eiginlega ávísun á brenndan graut að reyna að gera eitthvað utan eldhússins á meðan :)
-Þegar grauturinn er orðinn þykkur, bætið restinni af mjólkinni útí, hækkið á hitanum ef þið viljið á meðan suðan nær sér aftur á strik, lækkið aftur niður í 2 (og jafnvel 1) og haldið áfram þar til grauturinn er orðinn glansandi og þykkur.

Ath
-ég nota oftast léttmjólk, af því að ég á yfirleitt ekkert annað heima, ef ég fer spes ferð útí búð áður en ég geri grjónagraut þá kaupi ég nýmjólk.
-Það er mismunandi hve þykkan graut þið eruð vön að borða... minn grautur er mjög þykkur

Borðist með kanilsykri, rúsínum og rjóma/mjólk
(mér finnst einnig krækiberjasaft útá vera algert uppáhald)

Eplakaka á hvolfi

2011-11-21T18:34:00.001Z

Upprunanlegu færsluna getið þið lesið hér

Ég notaði hins vegar ekki glúteinlaust mix eins og ég geri í uppskriftinni, heldur notaði ég Yellow Cake mix úr MegaStore. Ég viðurkenni alveg að ég kaupi þar oft kökumix og kremmix. Þetta kostar allt bara 289 krónur og bragðast vel. Þeir hafa svo líka verið með eitthvað af Betty Crocker vörum.

Önnur breyting á uppskriftinni var sú að ég setti þetta í venjulega stærð af smelluformi + að ég setti 1 tsk af vanillu extract (af því að flestallar kökur eru betri með vanillu).

Bragðast vel. lítur vel út... Viðar minn mun einnig eflaust njóta hennar vel.

Ragna.is á facebook

2011-11-21T16:04:00.001Z

Hey, vitiði hvað !?

Ég ákvað að skella saman einni Facebook síðu fyrir www.ragna.is

nú getið þið leitað uppi Ragna.is á facebook eða klikkað hér

Á síðunni mun ég setja inn nýjustu uppskriftir sem koma á ragna.is bloggið og einnig mun ég deila með ykkur uppskriftum sem ég finn á netinu og langar til að prufa síðar.

Endilega like-ið síðuna

Piparostasveppasósa

2011-11-17T16:33:00.001Z

þessi sósa er góð, svakalega óholl og svakalega góð. Alveg merkilegt hvað svoleiðis skuli fara saman.

Ég ætla samt að spilla ykkur með því að kenna ykkur að gera piparsveppaostasósuna og svo þið getið boðið vinum uppá sósuna í næsta matarboði.
Ég myndi kannski ekki setja sósuna útá lambakjöt eða nautasteik en allt er auðvitað hægt. Ég kýs að setja þessa sósu útá svínakjöt, kjúkling, kalkún og pasta.

Byrjið á að steikja sveppi, lauk og hvítlauk í 1 msk af smjöri

bætið rjóma, piparosti og kjötkrafti útí

passið að þetta brenni ekki næsta korterið og hrærið mjög vel. . . þar til osturinn er allur bráðinn

Eins og lýsingarnar undir myndunum gefa í skyn þá er sósan afskaplega au2 ðveld

uppskrift: fyrir um 6

1/2 laukur, mjög smátt saxaður

1 hvítlauksrif (má sleppa), smátt saxað eða marið

1 askja sveppir, niður sneiddir

1 msk smjör

500 ml rjómi

1 piparostur smátt niður skorinn.

1 teningur kjötkraftur

Aðferð:

-steikið sveppi, lauk og hvítlauk í smjöri þar til að sveppirnir hafa tekið smá lit

-bætið rjóma, piparosti og kjötkrafti útí og sjóðið við vægan hita þar til allur piparosturinn er bráðnaður.

punktar

-það er leiðinlegt að skera niður piparost, það er líka hægt að rífa hann ef þið viljið.

-Það sparar tíma að eyða örlitlum tíma í að skera ostinn fínt niður, annars er hann mjög lengi að bráðna

-Hægt er að breyta sósunni í pastasósu með þvi að steikja beikon og skinku með sveppunum og nota aðeins minni ost.

hráskinkuprik

2011-11-11T22:09:00.000Z

Frábær og auðveldur forréttur sem allir ættu að geta nartað í

Sniðugt að setja einhversstaðar þar sem gestir geta nælt sér í eina og eina stöng.

Ef þið rýnið í myndina þá getið þið séð hvað það er sem ég geri

ég tek eina sneiða af parmaskinku/hráskinku, sker hana langsum í 2 renninga, smyr renninginn með aðeins af rjómaosti með kryddblöndu (hvaða rjómaostur sem er virkar) og vef svo parmaskinkunni utan um brauðstöng sem kallast reyndar Grissini og færst í Hagkaup (og örugglega í fleirum búðum)

Simple simple simple !

Þessi forréttur er frábær þegar þið ætlið að vera með stóran aðalrétt og vilt kannski bjóða upp á smá taster áður en aðalrétturinn er boðinn fram en vilt alls ekki að fólk verði of satt strax :)

enjoy

Ragna

Veisla :)

2011-11-11T19:45:00.001Z

Fyllt kalkúnabringa með döðlum og fetaosti

2011-10-30T05:53:00.002Z

Súper einföld og alveg SVAKALEGA góð uppskrift sem Þurý vinkona stakk uppá að við myndum prufa í saumaklúbbssumarbústað í október. Alveg ótrúlegt hvað gott er að borða svona sæta fyllingu með kalkúnabringunni og alveg skemmtilegt hvað fetaostabragðið verður eiginleg ekkert, en bætir fyllingu og salti í fyllinguna.

ég vanalega butterfly'a bringuna og rúlla henni svo upp, festi hana svo saman með bómullagirni sem ég fékk í Hagkaup. Hér er gamalt blogg þar sem ég tala meira um hvernig ég butterfly-a bringuna.

fyllingin komin ofan á bringuna, osturinn að mestu bráðnaður
og döðlurnar farnar að leysast í sundur

rúlla upp

hnýtt saman

komin útúr ofninum ..

ekki hægt að segja að þessi bringa hafi ekki verið safarík ! :)

Uppskrift

fyrir eina bringu

1 krukka af fetaosti (í bláu krukkunum)

1 laukur

1/3-1/2 poki af döðlum

já... það er ekkert fleira.

Engar afsakanir um að þú kunnir ekki hitt eða þetta

nú þarf b ara að saxa allt frekar fínt (mátt nú sleppa því að saxa fetaostinn:) ) skella þessu í pott (ekki nauðsyn að nota nema um helming af olíunni í krukkunni)

Hrærið öllu saman við vægan hita þar til osturinn er farinn að bráðna og döðlurnar farnar að mýkjast upp og tætast niður. Setjið á útflatta kalkúnabringu (eða troðið þessu í vasa á bringunni sem þið gerið með hníf), kryddið bringuna með góðu kalkúnakryddi, bindið saman svo allt gumsið leki nú ekki út og skellið inní ofn á 190°C í eldföstu móti og munið að það er alveg gjörsamlega glórulaust að elda kalkún eða kalkúnabringu án þess að nota hitamæli.

Hér með fjárfestið þið ykkur í svoleiðis græju (sem þarf ekki að kosta mikið), stingið í miðja bringuna (passið kannski að láta ekki pinnann enda í fyllingu) og eldið þar til að mælirinn segir 70°C og takið þá bringuna út og látið standa í 10-15 mín.

mér finnst svo alltaf best að sneiða nokkrar sneiðar af áður en ég set bringuna a borðið. Bara af því að það er alltaf jafn erfitt og vandræðalegt að reyna að skera þegar maður situr ! (svona fyrir utan það að allar sneiðarnar fara beint á diskinn hjá matargestum og þess vegna hentugt að vera með tilbúnar sneiðar).

Fyllingin sem vellur út úr bringunni er svo skafin uppúr mótinu ef hún er ekki brennd og borin á borð fyrir þá sem vilja enn meiri fyllingu :)

enjoy!

Næsta uppskrift

2011-10-26T12:02:00.002Z

og spurningin er ... Hvað í fjáranum er ég að gera?

Sítrónu bollakökur með bláberjafyllingu

2011-10-24T20:58:00.001Z

Lýsing:
Bollakökurnar eru fágaðar með skírskotun til sítrónukökunnar sem amma gerir. Þó þær séu bragðsterkar eru þær á sama máta mjög léttar og rakar. Inní miðri köku er heimagerð bláberjasulta sem kemur á óvart um leið og bitið er í kökuna. Punktinn yfir i-ið setur svo fallegt smjörkrem með örlitlu vanillubragði.
Kökurnar eru æðislegar fyrir sunnudagskaffið eða með heitum kaffibolla með góðum vinum.

Uppskrift (gerir 12 kökur):

130 gr smjör (lint)
1 bolli sykur
75 gr rjómaostur
2 egg
1 tsk rifinn sítrónubörkur
1 tsk sítrónusafi
1/2 tsk vanilludropar
1/4 tsk lyftiduft
1 bolli hveiti

(1 bolli eru 2.5 dl)

Aðferð:
-Þeytið saman í handþeytara eða hrærivél smjör og sykur þar til það er létt og ljóst
-Bætið saman við smjörið og sykurinn rjómaosti og þeytið vel saman við. Að lokum, bætið við eggjum saman við einu í einu og þeytið vel á milli þeirra.
-Bætið útí blönduna vanilludropa, sítrónuberki og sítrónusafa.
-Sigtið útí hveiti og lyftidufti og hrærið varlega saman. Ath að ekki hræra um of en þá verða kökurnar seigar.
-Setjið rúma matskeið í hvert bollakökuform í bollakökubakka og bakið við 180°C í 20 mín.
-Takið kökurnar út bakkanum og látið kólna á borði áður en hafist er handa við fyllinguna og kremið

Krem:
100 gr smjör
350 gr flórsykur
2 msk rjómi
1/2 tsk vanilludropar

Aðferð:
Þeytt saman í þeytara í 5 mínútúr. Bætt við rjóma eða flórsykri ef þurfa þykir

Samsetning:
-Miðja úr hverri bollaköku er tekin úr með melónukúlara. Aðeins aukalega er fjarlægt úr hverri köku. Í holurnar er sett 1 tsk af heimagerðri bláberjasultu og toppurinn settur ofan á aftur.
-Smá krem er sett ofan á hverja köku svo hún sé þakin kremi og engin kaka sést í gegn. Síðar er sprautað körfu-mynstrinu á með stút nr 47 frá Wilton.

Verði ykkur að góðu :)

busy

2011-10-13T02:09:00.001Z

Jæja

ég hef verið svoldið busy og verið á skrítnum vöktum og lítið eldað eða bakað.
Jú ég reyndar hef gert hvorutveggja en ekkert verið að blogga neitt um það.

Síðustu helgi var ég svo að syngja í Vík og vil endilega benda ykkur á http:/vox.ragna.is sem er heimasíða sönghópsins sem ég er í

Einnig ætla ég að rifja upp með ykkur uppskrift sem ég setti inn fyrir löngu

Fiskur í tómatasósu

svona svo ykkur leiðist ekki of mikið á meðan ég er fjarverandi matarbloggari :)

The Rose

2011-10-09T22:30:00.001Z

Flutt af tríóinu Vox á Regnbogahátíðinni, Vík í Mýrdal, október 2011

Vox var stofnað árið 2010 og tekur að sér söng í skemmtunum, brúðkaupum, skírnum og hverskyns uppákomum :)

Upplýsingar og bókanir fara fram í gegnum vox@ragna.is

Álfar

2011-10-08T19:40:00.000Z

Flutt af tríóinu Vox á Regnbogahátíðinni, Vík í Mýrdal, október 2011

Katrín Valdís
Ragna Björg
og
Ylfa

:)
njótið

karamellu og bananabaka !

2011-10-04T18:11:00.000Z

Þessi-kaka-er-geðveik!!! (bara svo þið vitið það !)

jæja

þá er best að byrja að segja ykkur meira frá henni.

Uppskriftin kemur úr bókinni hans David Lebovitz sem er ein af mínum uppáhalds köku/eftirréttabókum.

Það er einnig alltaf kostur þegar kökur þarf að gera með smá fyrirvara (þá er ekkert stress þegar það líður að matarboðinu að maður þurfi að útbúa eftirrétt á síðustu mínútu ásamt aðalrétt) og einnig er hægt að gera þessa köku deginum áður og geyma að setja rjómann þangað til síðustu mínútu (bakan geymist í 2 daga í kæli áður en rjóminn er settur á og bökuskelin sjálf ef þið kjósið að gera hana sjálf, geymist í 4 daga í kæli áður en karamellublandan er sett ofaní)

Þessi kaka er svo sannarlega með karamellubragði, en það besta er að karamellan (þó mikil sé) er ekki svakalega þung og mikil svo að það er allt í lagi að fá sér ágæta sneið af kökunni :)

Galdurinn er að í karamellunni er mjólk en ekki margir desilítrar af rjóma.

í heild er uppskriftin auðveld, en hana þarf þó að lesa vel til þess að gera allt rétt. Hún er nefnilega svoldið óvenjuleg.

Hér eru eiginlega engar myndir af því hvernig ég gerði uppskriftina og eina ástæðan er sú að þetta gerðist allt svo hratt og mér fannst þetta svo spennandi að ég hafði engan tíma til að taka myndir ! ég lofa því að reyna að skrifa þetta skýrt niður fyrir ykkur

hugmyndin af bökunni kom frá þessari bökuskel sem ég keypti í Kosti í sumar ! Vonandi fást þær ennþá, en ef ekki þá læt ég uppskritina af kexbotninum fylgja með. Auðvitað ÞARF ekki að hafa súkkilaðikexbotn ef þið finnið annarskonar bökuskel.

bananarnir og karamellan komin í bökuskelina

sætur rjómi og súkkilaðispænir yfir

óóóóó !!!!

Uppskrift:

Bökuskel
(í 25 cm bökuform)

180 gr malað súkkulaðikex (ef það er krem á milli þá þarf að taka það af)
3 msk sykur
4 msk bráðið smjör

Aðferð:
-smyrjið formið, blandið saman súkkulaðikexinu (möluðu) sykri og smjöri og þrýstið blöndunni í botninn og upp í hliðar á bökuforminu. Kælið í 30 mínútur og bakið svo í ofni á 175°C í 10 mínútur.

Fylling:

215 gr púðursykur
30 gr smjör
3 msk (25 gr) maizenamjöl
375 ml nýmjólk
1/2 tsk salt
3 eggjarauður
1/2 tsk vanilluextract
3 þroskaðir bananar

Aðferð:
-Bræðið smjör og blandið því saman við púðursykur, setjið í skál og setjið sigti yfir skálina, setjið þetta svo til hliðar
-í bolla, hrærið maizenamjölið útí smá af mjólkinni. Í potti, hitið restina af mjólkinni með saltinu þangað til að blandan er við suðu og hellið þá maizenamjölsblöndunni útí. Sjóðið þar til blandan þykknar.
-Hrærið eggjarauðurnar saman í skál og hellið smá af heitri mjólkurblöndunni útí eggin. Hellið svo þeirri blöndu aftur útí heita mjólkina og hrærið þar til að blandan þykknar enn frekar (þetta endar á að verða svoldið eins og hrært majones.
-Hellið blöndunni í gegnum sigtið, ofan í púðursykurblönduna, bætið vanilluextract við og hrærið vel saman. Sykurinn bráðnar (ef þið eruð hrædd við sykurkekki í blöndunni, sigtið blönduna aftur).
-Skerið bananana niður í 6 mm sneiðar og dreifið yfir kexbotninn (ég notaði aðeins rúmlega 2 banana en það fer eftir smekk). Hellið blöndunni yfir bananana, setjið plastfilmu yfir kökuna og geymið hana í kæli í amk 2 klst áður en rjóminn er settur ofan á og borin á borð.

Topping:

250 ml rjómi
1 msk sykur
1/2 tsk vanilluextract
súkkulaðispænir til skreytingar

Aðferð.
-Þeytið rjómann þar til hann fer að þykkna, bætið sykri og vanilluextract útí og þeytið rjómann til fulls.
-Dreifið yfir bökuna og skreytið með súkkulaðispænum

ENJOY

Lambalæri

2011-09-29T01:13:00.000Z

Í síðustu viku var loksins komið að mér að halda Gourmet-matarklúbb vinahópsins.

Í fljótu bragði má segja að þemað mitt "mömmumatur" hafi verið gott þema og mikið gríðarlega var gott að fá íslenskt lambalæri með brúnni sósu, rabbabarasultu og grænum baunum !

Ég verð þó að viðurkenna að kartöflugratínið var kannski ekki alveg undir þemanu en það er einfaldlega bara of gott til að hafa ekki með lambakjöti!

Eftirrétturinn var alveg himneskur (karamellu og bananabaka) sem Viðar var með ofnæmi fyrir... Kem að því síðar, ásamt uppskriftinni. En greyið fékk litla samúð með 3 hjúkkur og einn lækni í sama matarboðinu.

Lærið er að mestu leiti hefðbundið í undirbúning og matseld nema að ég tek lærið úr frystinum 4 dögum áður en ég ætla að elda það.

Ástæðan er ekkert nema sérviska ! Ég nefnilega las það í riti frá Matvís að á Íslandi hangi lambakjöt aðeins í 5 daga áður en það er fryst og sagað niður í neytendapakkningar og mér finnst það aðeins of lítið fyrir MINN smekk. Þess vegna vil ég taka kjötið út aðeins fyrr með það fyrir augum að reyna að fá auka meyrnun í kjötið þó svo að vissulega sé íslenska lambakjötið yfirleitt mjög meyrt.

1-2 dögum fyrir eldun set ég það svo í marineringu og geri ég hana yfirleitt svona

ríf niður hvítlauk og saxa niður rósmarín(blöð?)

bæti kryddi saman við olíu, rósmarín, hvítlauk og pipar og fitusnyrti lambalærið

maka þessu yfir allt kjötið

og að lokum elda ég kjötið !

matarboðsgestir

svona vil ég hafa kjötið mitt ! rétt bleikt!

Erla að fá sér kartöflugratín

uppskrift :

2.5 kg læri

5 greinar rósmarín

5 hvítlauksgeirar

4 msk matarolía

1 msk svartur pipar

1 msk maldon salt

3 msk Rustica krydd (hér er hægt að nota einnig Best á lambið)

Aðferð:

-Fitusnyrtið lambalærið

-merjið hvítlauk / rífið niður, saxið rósmarínsprota og lemjið saman í mortéli eða blandið í skál ásamt pipar og olíu. Ef þið ætlið að marinera kjötið í 1-2 daga, setið saltið ekki í blönduna, heldur stráið því yfir lambið áður en það fer í ofninn... Salt dregur vökva út lambakjötinu. vefjið í glæran plastpoka og geymið í kæli þar til þið ætlið að elda kjötið

-Takið kjötið úr kæli (ef mögulegt er) 4-5 tímum áður en þið byrjið að elda kjötið. Að hafa það við stofuhita veldur jafnari eldun.

-KAUPIÐ YKKUR KJÖTHITAMÆLI

-Eldið lærið við 180°C á yfir og undirhita í um 1.5 klst eða þar til hitamælirinn segir 68°C (hann á að vera í þykkasta hluta kjötsins). Takið þá kjötið út og látið standa í 15 mín þangað til það er borið á borð og skorið niður.

Punktar

-Það er algerlega nauðsynlegt að hafa kjöthitamæli ef þið viljið hafa þær kröfur að hafa kjötið eldað eins og ÞIÐ viljið. Annars megið þið stinga kjötinu inní ofn í ca 1.5 klst og krossleggja fingur um að það verði ekki ofeldað eða hrátt... Aulalegir kjöthitamælar kosta skít og kanil en hjálpa ykkur helling :)
- Hafið ekki of miklar áhyggjur af sósunni. Ef þið eruð ekki til í að fara að baka upp sósur, kaupið þá pakkasósur eða einhverja tilbúna sósugrunna.
-Það er úr tísku að ausa vatni yfir kjötið á meðan það er verið að elda það !
-Kryddið sem ég nota (RUSTICA), er krydd sem kemur alveg í risastórum 600 gramma dunki og fæst aðeins í Fjarðarkaupum (svo ég viti til)... Einu sinni fékkst þetta krydd aðeins í heildsölum fyrir veitingastaði en sem betur fer fæst þetta orðið í Fjarðarkaupum. Ég (og mamma) notum einnig mikið kjötkraftinn, grænmetiskraftinn + sveppakraftinn... alveg ótrúlega góðar vörur !
-Mér finnst best að skera helling af kjöti inní eldhúsi áður en ég ber lambalærið á borð. Það næstum pirrar mig þegar húsbóndar á heimilum eru settir af stað með hníf og steikargaffal og á að sneiða kjöt í matargesti. Það er í fyrsta lagi ansi erfitt að skera lambalæri þar sem það er ekki þannig í laginu að maður skeri auðveldlega sneiðar af því og auk þess er erfitt að gera það sitjandi eða borgandi með olnbogana í augum sessunautanna.
-Þú þarft ekki að eiga steikarpott. Ég hef hingað til notað eina af bökunarplötunum mínum en í þetta skipti notaði ég svona sem ég keypti um daginn og fannst tilvalið að bæta í flóruna af hlutum sem ég veit orðið ekkert hvar ég á að geyma!

Uppskriftin af kartöflugratíninu er hér: Kartöflugratín

ENJOY !

Skonsur

2011-09-28T14:30:00.001Z

Nýbakaðar skonsur með smjöri, osti og sultu eru algert nammi...! Auðvitað má einnig setja salat á þær og allt annað álegg sem ykkur kann að detta í hug. :)

Það sem mér finnst einna best við skonsur, annað en að þær eru góðar og mjúkar, er að það tekur ENGAN tíma að útbúa þær ! Ég tók tímann (mjög óformlega) hvað ég var lengi að útbúa herlegheitin (+ myndatökur og uppstillingar) og þetta var bara korter.

Þess vegna er hentugt að henda í skonsur þegar gestir koma og brauðið sem er í pokanum á borðinu hefur átt betri daga ! :)

Ég var búin að prufa 3 eða 4 uppskriftir af skonsum áður en ég gerði að lokum þessa. Tilraunastarfsemin snérist um það að finna BESTU uppskriftina til að deila með ykkur.

Og viti menn !

besta uppskriftin fannst í uppskriftunum frá mömmu (auðvitað!).

Svona fyrir utan það að uppskriftin var súper einföld. (ekkert þeyta eggjahvítur sér rugl)

Þurrefni sett í skál

blautefni sett í skálina líka og svo hrært saman

deigsoppan á að vera ca svona þykk... og það er ALLT í lagi þó að það séu örlitlir kekkir !

Svo er bara að setja eina ausu á pönnuna (ég smyr pönnuna bara í fyrstu umferðinni og það endist út deigið), velta pönnunni þannig að deigið þeki alla pönnuna og svo bíða etir að svona fallegar loftbólur myndist. (Hellan á að vera stillt á miðlungshita)

Svo er ágætt áhættuatriði að snúa skonsunni. Ég get nú ekki sagt að ég sveifli pönnunni og snúi skonsunni í loftinu. En ég nota bara pönnukökuspaða og þetta tekst svona í 95% tilfella!

Allar þessar skonsur. Tilbúnar á 15 mínútum ! mmm

Uppskrift:

3 bollar hveiti

3 tsk lyftiduft

2 msk sykur

2 stk egg
1/2 tsk salt

ca 2+ bollar mjólk

Aðferð:

-Blandið saman þurrefnum og blautefnum, hrærið saman og bætið við mjólk ef þurfa þykir. (ég byrja á að setja einn bolla af mjólk og bæti svo í)

-Setjið eina ausu af deigsoppu á miðlungsheita pönnu og snúið henni við þegar loftbólur hafa myndast

-Borðið með bestu lyst !

-Hitið upp eða borðið kaldar daginn eftir

Punktar:

-Það er örugglega ekki heilagt að það þurfi að nota pönnukökupönnu til þess að baka skonsur. En then again. Ef þið eigið ekki pönnukökupönnu núna þá mun ALLTAF koma að því að þið munið eignast eina. Kaupið ykkur því pönnu eða smellið henni á jólagjafalistann :)

-Lang best er að nota pönnukökuspaða til þess að snúa skonsunum

-Ég og Viðar höfum ekki enn orðið sammála um hvað skonsur séu. Ég man reyndar ekki hvað hann kallar það sem ég kalla skonsur. En það sem hann kallar skonsur er það sem Bretar kalla Scone og er gerbrauðshnullungur borðaður með miklu smjöri og sultu. Við höfum ákveðið að vera ósammála um þetta :)

Næsta blogg - Þið ráðið

2011-09-20T22:02:00.002Z

Það væri kannski afar sniðugt að spyrja ykkur hvaða uppskrift þið viljið sjá næst hérna á síðunni ?

Skonsur

Karamellu og banana baka

Íslenskt lambalæri

Myndir af herlegheitunum er hér í næsta bloggi á undan.

:)

vinsamlegast svarið í kommentunum

Næst á dagskrá

2011-09-20T00:54:00.000Z

Hér eru nokkrar uppskriftir sem munu birtast hér á næstkomandi vikum :)

Gulrótarsúpa með kókosmjólk og karrí

2011-09-18T18:59:00.003Z

Góð og meinholl haust/vetrarsúpa

saxið niður hvílauk, lauk og engifer

steikið við vægan hita í 3-5 mínútur, ath á ekki að brúnast

bætið gulrótum útí

kjúklingasoð

Soðið uppá

búið til purée

kókosmjólk og sítrónusafa bætt útí, saltað og piprað

borðað með heimagerðu naan brauði og kóríander stráð yfir

Uppskrift:
(fyrir 4-5)

1 laukur (frekar stór)

1 hvítlauksgeiri

1 msk rifinn eða saxaður engifer
3 msk matarolía
1/2-1 tsk karrí

600 gr gulrætur skornar í skífur

1 L Kjúklingasoð (úr fernu eða farið eftir leiðbeiningum sem fylgja teningunum í kössunum)
2 msk sítrónusafi (ferskur)
1 dós kókosmjólk
salt og pipar eftir smekk

ferskt kóríander

Aðferð:
- Laukur, hvítlaukur og engifer steikt við vægan hita í 3-5 mínútur. Karríið látið útí og hitað vel (ég nota 1 msk).
- Gulrætur eru skornar niður og settar útí pottinn. (Ég skola þær aðeins en skef ekki utan af þeim... þetta eru einfaldlega OF margar gulrætur)
-Þegar gulræturnar eru vel soðnar og orðnar mjúkar (eftir um 15-20 mínútur) ausið þá súpunni í litlum skömmtum í blandara eða matvinnsluvél og maukið. Þegar allt er maukað setjið þá súpuna aftur í pottinn, sjóðið uppá og bætið við kókosmjólk, sítrónusafa og kryddið eftir smekk
-geymist í nokkra daga í ísskáp.

uppskrift af Naan brauði finnið þið hér á síðunni.

enjoy !

Réttarmyndir

2011-09-14T18:04:00.000Z

er búin að setja myndir inn á myndir.ragna.is frá Skaftárréttum sl helgi. Að venju var gott veður og mjög gaman. :)

Auðvitað var helgin svo toppuð með fyrirpartýi útí Ferðaþjónustunni á Hunkubökkum áður en farið var á réttarball.

Því miður eru engar myndir af balli þó svo að margt hafi gerst á því balli en að venju fór ég ekki með neitt annað en 2000 kall sem stungið var inná brjóstahaldarann (til að komast inná ballið) og áfengi í poka.. s.s. engir lyklar, enginn sími, enginn jakki og heldur engin myndavél !
Svona gerir maður þetta bara í sveitinni

Myndir má finna hér

Ostaköku Brownies

2011-09-14T14:24:00.000Z

Brownies þekkja orðið allir þó svo að Íslendingar séu almennt hrifnari af gömlu og góðu skúffukökunni.
Aðal munurinn er að brownies eru litlir súkkulaðikökubitar sem eru örlítið seigir, rakir og með sterku súkkulaðibragði.
Það eru því ekki margir bitar sem hægt er að innbyrða áður en maður fær alveg nóg.

Þessi kaka blandar saman 2 guðdómlegum hlutum... Bakaðri ostaköku og mjúku brownie.

Uppskriftin kemur upprunanlega úr einni uppáhalds kökubókinni minni sem ég eignaðist síðastliðinn vetur og heitir hún Ready for Dessert eftir David Lebovitz.

ég er enn in love with Joseph Joseph vigtina

smjör og súkkulaði... heavinly blanda

mmmmm

undarleg samsetning

eins og listaverk

gullinn draumur

Svo er um að gera að skella sér með kökuna í pikknikk með góðum vinkonum

Uppskrift:
85 gr smjör skorið í bita
115 gr suðusúkkulaði brotið í bita
130 gr sykur
2 egg
70 gr hveiti
8 gr dökkt kakó
1/8 tsk salt
1 tsk vanillu extract
80 gr suðusúkkulaði saxað gróft eða litlir bitar tilbúnir í poka

Ostakaka
225 gr rjómaostur
1 eggjarauða
75 gr sykur
1/8 tsk vanillu extract

Aðferð:
-Bræðið smjör og súkkulaði yfir vatnsbaði við vægan hita.
-Þegar blandan er öll bráðin, bætið restinni af þurrefnum + eggjum útí og hrærið saman.
-Setjið súkkulaðidropana eða bitana útí og blandið vel. Ath, hér er alveg ónauðsynlegt að nota eitthvað annað en sleif.
-Setjið deigið í smurt kassalaga form sem er 23 cm á breidd (eins og þið sjáið þá á ég ekki svoleiðis form en mitt dugar vel)
-Ostakaka: Þeytið saman með þeytara eða gefið ykkur ágætan tíma til að gera þetta í höndunum með písk, rjómaost, eggjarauðu, sykur og vanillu extract þar til blandan er slétt og vel blönduð saman.
-Dreifið blöndunni yfir í 8 eða fleiri "slettum" og blandið slettunum svo létt saman við súkkulaði deigið.

Bakist í miðjum ofni á 175°C þar til að kakan hefur stífnað aðeins í miðjunni eða í um 35-40 mínútur.
Ath ekki reyna að taka hana úr forminu fyrr en hún er alveg kólnuð

Enjoy !

Uppskrift vikunnar

2011-09-05T22:44:00.001Z

Sem er þó ekki væntanleg fyrr en seinna í vikunni :)

Laugardagskvöld :)

2011-09-01T22:31:00.000Z

Mun ég taka fram hljóðnemann, rétta Agli gítarinn, ræskja mig all svakalega og taka alla gömlu og góðu slagarana + alla þá nýjustu og skemmtilegustu á Halldórskaffi :)
súper gaman og súper mikið fjör ! :)

Bláber bláber bláber

2011-08-30T17:31:00.001Z

Núna er berjatínslutíminn kominn og mér finnst að flestir sem halda heimili eigi að skutla sér út fyrir húsið sitt, finna berjalyng og tína nokkur ber.

Ég er sjálf ekkert hrifin af krækiberjum nema þá í saftir og hlaup þar sem ég þoli ekki að bryðja fræin í þeim, en ég elska bláber !

Ef þið komist í gott bláberjaland þá þurfiði ekki nema um klst (miðað við einn) til að týna nóg til þess að sulta smá og frysta svo restina. Ég er svo svakalega óþolinmóð að ég nota berjatínur til þess að tína bláber.

Ekki taka stór andköf yfir þessari aðferð, en ég hef komist að því að með þessum nýju tínum (rauðu boxunum með svörtu járngöddunum) tekst manni að týna bláberin mjög auðveldlega án þess að kremja þau mikið. Jú þau kremjast einhver en það skiptir ekki máli. Þú setur bara þau ber í pott til að sulta úr og þá er óþarfi að tuða yfir krömdum berjum og berjatínu-bláberja-aðferðinni minni :)

Jú... einn galli.. það kemur að sjálfsögðu meira af laufum og drasli með berjunum heldur en þegar þú handtínir berin.. en hvað ? þú þarft hvort sem er að hreinsa þau right? Þú sparar þér ekki það skref með að handtína berin.

Berin sem ég sulta ekki úr set ég í zip lock poka og frysti. Nota svo berin allt árið um kring til þess að baka úr, gera sósur eða uppáhaldið, setja í boozt !

Hugsið ykkur peningasparnaðinn við að eiga ykkar eigin bláber inní frysti í stað þess að kaupa overprized frosin bláber útí búð, eða þaðan af verra, fersk bláber í bakka (ekki að þau séu vond, þau eru bara alveg gríðarlega, rosalega, svakalega dýr! )

Ef þið farið ein í bláber þá eru nokkur trikk til að gera bláberjatínslu skemmtilega

-Farið með ipod og stillið tónlistina hátt... nýtið svo tækifærið og einsemdina í náttúrunni til að syngja eins og asnar..... (ef þið sjáið fólk, ekki skammast ykkar, þykist ekki sjá það og haldið áfram að syngja!)

-farið í feluleik við fötuna ykkar... setjið hana á góðan stað, labbið svo af stað og reynið svo að finna hana aftur... (mjög spennandi leikur en getur orðið ansi frústrerandi þegar fatan finnst seint !)

-farið á stað sem þið þekkið ekki vel, spurjið vini og fólk í kringum ykkur hvar gott er að tína ber.

-komið svo heim og látið þann sem EKKI tíndi berin hreinsa þau :) (s.s. maka eða sambýling)

Nokkrar uppskriftir með bláberjum á Ragna.is:

Bláberjaspeltmuffins

Sítrónukaka með bláberjum

Bökuð New York ostakaka

Bláberjadaður

Bláberjamuffins

Vínarbrauð

2011-08-30T12:26:00.001Z

Þetta er uppskrift af vínarbrauðum sem ég hef borðar eins lengi og ég man eftir mér. Ég hef núna erft uppskriftina frá mömmu sem hefur líklegast fengið hana frá ömmu osfrv og núna er ég farin að gera mín eigin vínarbrauð.

Það hefur alltaf verið bleikur glassúr á vínarbrauðunum hjá mömmu og langar mig ekkert að breyta því

Hér getiði lært hvernig þig eigið að gera gamaldags vínarbrauð sem eru uppáhalds krakkanna og frábært í ferðalög.

undirbúið herlegheitin

Þurrefnin öll sett í skál og brjótið smjörið útí skálina og myljið það niður þar til að blandan lítur út eins og á myndinni hér fyrir neðan. Smjörið þarf að vera frekar lint svo þetta taki ekki of langan tíma

Setjið allt það blauta ofan í skál í þurrefnablöndunni

hrærið aðeins saman þar til að þið getið sturtað deiginu á borð og farið að hnoða

hnoðið þetta :)

deigið tilbúið

skiptið deiginu niður í 4 hluta og fletið svo hvern hluta út í ferhyrning sem þið skerið svo í þrennt (með pizzaskera eða kleinujárni) í miðju hvers rennings setjið þið svo ríflega mikið af rabbabarasultu og brjótið endana inn að miðju, en ekki láta endana snertast !

þegar vínarbrauðin eru komin úr ofninum setjið þið á þau glassúr (þau þurfa samt aðeins að kólna) og skerið í bita.

fáið ykkur stórt glas af mjólk og gæðið ykkur á !

uppskrift:

(1 bolli eru 250 ml)

6 bollar hveiti

2 bollar sykur

200 gr. smjörlíki/smjör

3 tsk lyftiduft

½ tsk hjartarsalt

2 stk egg

ca 2-3 dl mjólk

smá sítrónudropar og vanilludropar

1 krukka rabbabarasulta

eins og þið sjáið þá er uppskriftin stór! Endilega minnkið hana ef þið viljið ekki kúffulla hnoðskál af vínarbrauðum :)

Aðferð:

-Setjið þurrefni í skál og myljið smjörlíki/smjör vel saman við.

-Bætið eggjum, mjólk og smá f sítrónudropum og vanilludropum saman við og hnoðið saman.

-skiptið deiginu í 3 hluta og fletjið hvern hluta út í ferning, skerið hvern ferning niður í 3 lengjur og setjið rabbabarasultu á miðju hverrar lengju.

-Brjótið enda lengjanna inn að miðju en látið endana ekki snertast. (ath, deigið á eftir að lyfta sér helling í ofninum svo hafið ekki miklar áhygjur af því að deigið sé svoldið þunnt)

-Færið lengjurnar yfir á plötur með smjörpappír og bakið við 180°C í um 15 mínútur eða þar til að lengjurnar eru aðeins farnar að brúnast.

-Takið lengjurnar út, útbúið glassúr (flórsykur, vatn og smá rauður matarlitur, ef til vill smá möndludropar) og pennslið yfir lengjurnar.

-Skerið lengjurnar niður og geymið í boxi með loki.

-Geymist vel

enjoy !

Pimm's frískandi sumardrykkur!!!

2011-08-29T23:42:00.000Z

Því miður fæst Pimm's ekki á Íslandi... Svo þið bara verðið að kippa einni flösku með næst þegar þið farið til Bretlands.

Pimm's og lemonade er hinn fullkomni pikknikk drykkur, saumódrykkur, grillfordrykkur... osfrv...

Hann er iðulega framreiddur í stórum könnum með fullt af ís, gúrkum (já gúrkum!), jarðarberjum, mintulaufum, sítrónu og appelsínu. Að vísu má svo leika sér enn meira og setja aðra ferska ávexti eins og kíví og vínber svo eitthvað sé nefnt.

Drykkurinn er jú að vísu svoldið sérstakur á bragðið og get ég viðurkennt að fyrst þegar ég smakkaði hann þá skyldi ég ekki alveg allt umtalið sem hann fékk í Bretlandi (ég btw bjó í Bretlandi það sumar sem var það heitasta sl 100 ár) en að lokum var ég alveg orðin hooked !

Til að lýsa bragðinu verð ég að segja að það er ferskt en með þó smá kryddað. Með límónaðinu verður drykkurinn alveg guðdómlega svalandi og góður og ekki skemma allir ávextirnir (+ gúrkan) fyrir.

Hlutföllin á blöndunni eru :

1 hluti Pimm's á móti 3 hlutum af 7up, límónaði, sprite eða öðrum sítrónudrykk

setjið fullt af klökum ásamt jarðarberjum, myntulaufum, gúrku, appelsínu- og sítrónusneiðum

Sveppapasta með kjúkling í kryddhjúp

2011-08-22T20:11:00.001Z

Æðislega auðvelt, frábært fyrir mat í miðri viku og skólafólk sem nennir ekki að geran eitthvað flókið.
Rétturinn er sérstaklega auðveldur ef kjúklingnum er sleppt

Uppskriftin notar mjög óhefðbundnar mælieiningar sem gerir þetta enn auðveldara (að því leitinu til að það er lítð að vaska upp)

Ofan á pastað set ég kjúkling sem ég steiki alveg eins og ég geri í þessari uppskrift hérna nema helmingi minni. Auðvitað getiði sleppt kjúklingnum, hann er bara til að setja punktinn yfir i-ið. En ef ég myndi sleppa kjúklingnum þá er hvítlauksbrauð alveg orðið nauðsynlegt :)

Svo !

here we go !

Steikja saman beikon, lauk og hvítlauk þar til aðein brúnað

Setjið mjólk, campell's sveppasúpu og rjóma. Kryddið eftir þörfum

Sjóðið pastað og steikið kjúklinginn

og þá er bara að að skella þessu á disk

Uppskrift:

fyrir 3-4

2 hvítlauksgeirar, saxaðir fínt/marðir/rifnir niður

1/2 laukur, fínt saxaður

3 beikonsneiðar

1 dós Campell's sveppasúpa (Cream of mushroom)

1/2 dós mjólk

1/4 dós rjómi

salt og pipar

(einnig er hægt að setja ferska eða niðursoðna sveppi ef þið viljið)

ATH: hér nota ég bara dósina undan Campell's súpunni sem mælieiningu.

2 kjúklingabringur, skornar í tvennt

uppskrift fyrir ítalskan kryddhjúp er hér en þið þurfið aðeins að gera hálfa uppskrift !

Spagetti (þið ráðið alveg hvað þið sjóðið mikið spagetti :) )

Aðferð:

-Skerið hvílauk og lauk fínt niður og beikonið niður í mjóar ræmur. Steikið á pönnu með smá olíu þar til að beikonið hefur tekist að brúnast og laukurinn orðinn glær.

-Opnið Campell's súpuna og hellið útá. Fyllið svo dósina til hálfs af mjólk, hellið því útá og setjið svo rjóma í 1/4 af dósinni og hellið útá. Látið sjóða aðeins og hrærið í.

-saltið og piprið eftir þörfum en munið að beikonið og súpan er með salti svo að ekki setja eins mikið og þið munduð setja í sósu sem þið gerið alveg frá grunni.

-Ekki gleyma að sjóða spagettí einhverntíman þarna í millitíðinni :)

Ég geri vanalega sósuna, set hana í annan lítinn pott, þríf pönnuna og sýð svo pastað og steiki kjúklinginn á meðan. Rétt skerpi svo undir sósunni þegar kjúklingurinn er steiktur og pastað soðið.

Enjoy ! :)

í útilegu

2011-08-19T12:23:00.001Z

feðgarnir í Garðyrkjustöðinni Engi

Þórir vígalegur með stóran hníf og girnilegt læri

svoldið kalt enda hífandi rok... Það lygndi þó um nóttina sem betur fer

bleikur fer Viðari bara ansi vel :)

Rögnusnúðar

2011-08-16T20:24:00.004Z

Já, ég ætla ekki að kalla þessa snúða neitt annað en Rögnusnúða. Þessi uppskrift og þessir snúðar hafa fylgt mér síðan ég fór fyrst að baka ein og upp á eigin spítur. Síðan þá hefur uppskriftin ekki breyst neitt svakalega en aðferðin hefur aðeins breyst.

Reyndar finnst mér eins og þetta sé "mín uppskrift" og líður aðeins og ég sé að ljóstra upp leyndarmáli !

úff púff, anda inn og út, hér kemur þetta!

Mjúkir, bragðgóðir með miklu súkkulaði.. Bestu gersnúðar sem þið munið hafa smakkað !

Þurrefnum er blandað í skál. og ég bræði vanalega smjörið, set mjólkina útí og nota heitt vatn og bæti því saman við til þess að fá vökvann volgan. (Ef ykkur finnst þetta eitthvað flókið þá getið þið hitað vökvann í potti eða í örbylgjuofni þangað til að hann er volgur. Setjið ofan í smjör, mjólkur og vatnsblönduna, egg og kardimommudropa.

Blandið saman öllum vökvanum útí þurrefnin og hrærið saman með sleif þar til að þið náið þessu það vel saman að þið getið farið að hnoða þetta saman í höndunum

þessi mynd er á hvolfi... mér er alveg sama... en ykkur ? :)

Hér er degið hnoðað saman og orðið slétt og fínt :)

Setjið deigið í stóra skál (ég erfði hnoðskál frá mömmu í denn og nota hana alltaf þegar ég geri snúða)

og látið hefast í klst. Ég er yfir höfuð svakalega óþolinmóð og læt deigið yfirleitt standa í heitu vatni í vaskinum.

Eftir klst er deigið orðið stórt og fluffy. Sláið það niður og fletjið út á borð.

Ekki skipta deiginu niður

Fletjið ALLT deigið út :)

(já, ég segi þetta með ásakandi röddu, þetta er svo mikilvægt !)

takk :)

já og í guðana bænum setjið smá hveiti undir svo að deigið límist ekki við borðið :)

Ofan á degið set ég bráðið smjör/smjörlíki

ofan á það set ég blöndu af púðursykri og sykri (50%/50%) með slatta af kanil.

Því miður er engin uppskrift og svoldið eftir feel hvað maður setur mikið.

ég myndi giska á að maður þurfi um 150 gr smjör (ekki innifalið í uppskriftinni hér neðar) og best er að dreifa því út með sleikju.

Svo er bara að rúlla öllu deiginu upp í rúllu og skera niður í snúða. Hafið þá þykka eða um 3 cm.

Ef þið hafið tíma, látið snúðana lyfta sér aftur þarna í 30-60 mín, ef ekki, so be it :) og ég skil ykkur alveg að geta ekki beðið svo lengi, ég get það MJÖG sjaldan :)

Bakið í ofni á blæstri (ef þið ætlið að láta allar plöturnar inn í einu) og alls alls ALLS ekki láta snúðana verða brúnni en þetta... Þeir eiga að verða djúsí inní.

Að sjálfsögðu er must að hafa miiiiikið súkkulaði og kremið sem ég nota getið þið séð í uppskriftinni af Djöflatertunni sem er annarsstaðar á síðunni.

Uppskrift

1 kg hveiti

2 pakkar þurrger

2 tsk lyftiduft

120 gr sykur

2.5 dl mjólk

200 gr smjör/smjörlíki

2 dl vatn

1 stk egg

2 tsk kardimommudropar

Aðferð:

-Öll þurrefnin sett í skál, vökvinn hitaður þar til volgur og smjörið/smjörlíkið bráið, hnoðað

-Látið hefa sig í klst, flatt út í ferning, bráðnu smjöri smurt yfir allt deigið og vel af púðursykurs, sykurs og kanilblöndu stráð jafnt yfir

-Deiginu rúllað upp, skorið í sneiðar og raðað á plötu og látið hefast í 30-60 mín

-Bakað við 180 í 15-20 mín eða þar til snúðarnir eru ljósbrúnir

-látnir kólna og sett óhemju mikið af súkkulaðikremi ofaná !

Enjoy my folks !!!

p.s. þetta er stór uppskrift... en snúðarnir eru líka stórir og svakalega mjúkir og bragðgóðir svo þið ættuð ekki að hafa of miklar áhyggjur af því aið eiga eftir að henda þeim :)

Taco, tortilla og Fajitas kryddblanda

2011-08-09T17:43:00.000Z

Ég er farin að gera svona blöndu reglulega og eiga í krukku inní skáp. þar á undan hed ég vanalega keypt tilbúið krydd í bréfum en þau kosta rúmlega 200 kr stykkið og dugir í eitt skipti. Hvers vegna ekki að nýta krydd sem maður á?

Uppskrift:

4 msk chili krydd

3 msk paprika

3 msk cumin

2 msk laukduft

1 msk hvítlaukduft

1 msk salt

Öllu hrært saman og geymt í loftþéttri krukku með loki.

Notað út á kjúkling eða hakk þegar þið gerið Tortilla, Taco eða Fajitas.

Þegar þið gerið hakk:

Steikið hakkið (einn bakka), hellið 1 dl af vatni útá þegar hakkið er steikt og notið 2 matskeiðar af kryddblöndunni (meira ef þið viljið). Látið malla saman þar til vökvinn er farinn.

Þegar þið gerið kjúkling:

Kryddið kjúklinginn mjög vel með kryddinu. Ef þið notið lundir, þarf ekki að skera þær í smærri bita en ég hef skorið bringurnar í smærri bita og steikt svo uppúr olíu.

Svipmyndir af helginni

2011-08-07T21:46:00.000Z

Piparsteik á svölunum í steikjandi hita kl 20 um kvöld... Alveg hægt að nýta plássið þó það sé lítið

Ben and Jerry's heimagerður jarðaberjaís... devine ! (p.s. viljiði uppskrift?)

Súkkulaði cupcakes með hlynsýrópssmjörkremi og pekanhnetum

Add caption

Garden Girl

2011-08-04T19:28:00.001Z

Síðan ég sá þessar vörur fyrst hefur mig langað í allt sem til er frá þessu merki og mesta snilldin er að þetta fæst orðið á Íslandi !... Helst af öllu langar mig auðvitað í garð, því að sjálfsögðu væri hálf glatað að klæða sig uppí í flotta skó, setja á sig rósótta hanska og fara í töff smekkbuxur til þess að labba útá svalir og róta í blómapottum!

síríjöslí, svooooo töff !!!!!

Farið inná þessa síðu til að nálgast upplýsingar um hvernig þið getið fengið vörurnar eða kíkt í búðina :)

http://www.steindir.is/

Harissa-kjúklingur á teini

2011-08-04T16:43:00.001Z

Mikið hefur verið rætt um Harissa í matarbloggheimum upp á síðkastið. Aðallega hefur verið að tala um hve bragðmikið og spennandi þetta kryddmauk er. En það er frekar sterkt, með tómat, chili og hvítlauk en er þó alls ekki eins og eitthvað sem maður gerir auðveldlega heima.

Ég ákvað að prufa að gera mína útfærslu af rétti með þessu mauki og er hann alveg rosalega auðveldur og tilvalinn á grillið heima eða í útilegunni.

Svona lítur Harissa maukið út sem fæst orðið í flestum búðum og er það mauk sem ég notaði.

Uppskriftin og aðferðin er einföld.

Skerið niður 3 kjúklingabringur, skellið öllu saman og setjið í box sem ætti ekki að opnast (ef þið eruð að fara í útilegu og ætlið að taka þetta með).

Ég er mjög oft með marineraðan kjúkling með mér í útilegum til þess að grilla annað kvöldið og grilla þá vanalega maístöngla líka.

Ég á fjölnota grillpinna sem ég fékk mjög ódýra í IKEA og hef vanalega 4 stk af þeim í matartöskunni minni sem fer allt með okkur í útilegum. Einnig er ég með einnota latexhanska til þess að nota til að þræða uppá pinnana svo að það er auðvelt að þrífa sig eftir á.

Til þess að hafa eitthvað annað en kjúklinginn og maísinn setti ég eina öskju af sveppum í box, hellti yfir hvítlauksolíu, pipraði og saltaði og þræddi svo upp á pinnann líka kvöldið eftir þegar þetta var grillað.

Þetta er mjög gott kryddmauk og alls ekkert svakalega sterkt (Arnar Smári 8 ára, borðaði þetta með bestu lyst og kvartaði ekki yfi að þetta væri sterkt). Spennandi bragð og allt öðruvísi en maður er vanur.

Góð tilbreyting frá grilluðu kjöti!

Uppskrift

3 stk kjúklingabringur, hver og ein skorin í 8 bita

2 msk Harissa mauk

2 msk sýrður rjómi (má vera með einhverjum bragðefnum og einnig er hægt að nota jógúrt )

2 msk matarolía

1/2 tsk salt

blandað saman í skál og geymt þar til það er notað.

Þrætt upp á grillpinna/spjót og grillað þar til tilbúið

gott með kaldri hvítlaukssósu

Gamaldags vínarbrauð

2011-07-29T23:53:00.001Z

tilvalið í útilegurnar ...

blogg kemur í næstu viku

Busy bee

2011-07-28T14:51:00.003Z

Ég hef verið meira en lítið upptekin sl 2 vikurnar... unnið út í eitt og gert lítið annað.

Það virðist vera næg röksemdarfærsla hjá yfirstjórn spítalans að það sé í lagi að loka fjöldanum öllum af sjúkraplássum/rúmum yfir sumarmánuðina "af því að það hefur verið gert áður" ?!
Mig dauðlangar að sjá tölfræðina yfir það hvort að það séu FÆRRI sjúklingar á sumrin heldur en á veturna?
Sumarið hefur því einkennst af deildarvinnu á slysadeildinni, vitandi það að að séu sjúklingar um alla ganga uppí húsi þar sem deildar eru lokaðar.

Að vísu er ég farin að sjá fyrir endan á þessu fjöri og fer í sumarfrí eftir kvöldvaktina í kvöld ! Kem svo ekki aftur fyrr en 5. september.
Já loksins á ég mitt fyrsta sumarfrí og dauðkvíður næstum því fyrir því. Hvað á ég að gera í rúmar 4 vikur ??
Held að ég læri að prjóna?
Eða kannski ætti ég að vera súper dugleg að finna og búa til uppskriftir til að setja á bloggið svo þið getið fengið að njóta reglulega næstu vikurnar :)

Súkkulaðikaka - djöflaterta - skúffukaka - muffins

2011-07-17T22:25:00.004Z

Já, þetta er fjölhæf uppskrift.

Ég hef áður sett hana inn undir nafninu Rosalegar súkkulaðimuffins. Núna ætla ég að sýna ykkur hvernig ég geri súkkulaðiköku eða djöflatertu eins og margir kalla hana. Kakan er alveg rosalega mjúk og bragðgóð. mmmmm

Ég viðurkenni hér með að kakan er úr Kökubók Hagkaups og eru allar uppskriftirnar þar eftir Jóa Fel.
Þessa köku bakaði ég líka í tólf-földu magni á Halldórskaffi þegar ég sá um kökurnar þar. Ef ykkur vantar eina góða kökubók þá mæli ég með henni, hún var meira að segja ein af mínu "fyrstu".

Kremið ólíkt mörgum kremum og kemst því næst sem ég hef áður prufað að ná "bakarískremi" án þess að nota ekta súkkulaði.

Uppskrift:

150 gr sykur

150 gr púðursykur

125 gr smjörlíki/smjör við stofuhita

2 egg

260 gr hveiti

1/2 tsk salt

1 tsk matarsódi

1 tsk lyftiduft

40 gr kakó

2 dl mjólk

Aðferð:
Þeytið smjör, sykur og púðursykur afskaplega vel saman, bætið við eggjum einu og einu í einu og þeytið þar til þetta er loftmikið og girnilegt :)
bætið svo restinni af innihaldinu útí soppuna, hrærið þar til blandað saman og setjið í það form sem hentar hverju sinni ... bakið í miðjum ofni á 180°C í ca 30 mín eða þar til tilbúin. Fer eftir þykkt kökunnar.

t.d.

2x8" tertuform og fáið flotta og háa súkkulaðiköku
2x9" tertuform og fáið "venjulega" súkkulaðiköku
gerið 1.5 uppskrift og gerið kökuna á 3 hæðum (það er mjög flott!)
setjið í skúffukökuform (1 uppskrift smellpassar í formin sem fást með plastlokunum sem smella ofaná).
gerið muffins (og setjið ef til vill súkkulaðibita útí)

Krem:

500 gr flórsykur
80 gr smjör brætt
60 gr kakó
1 tsk vanilludropar/extract
1 stk egg
2 msk kaffi
heitt vatn ef það þarf að þynna kremið aðeins.

Aðferð:
allt sett í skál og þeytt og þeytt og þeytt :) þar til blandað, flott og slétt en má ekki vera of þykkt, þá er erfitt að setja það á kökuna, það á samt svo sannarlega ekki að vera of þunnt heldur.

spurning um...

2011-07-15T00:53:00.002Z

að fjárfesta í svona fyrir næsta sumar??

þetta er s.s. ferða gasofn.

sjáið hér

(kaninn er ávallt með'idda!)

:)

Marmarakaka

2011-07-12T20:21:00.003Z

Góð og alveg rosalega mjúk marmarakaka... My style ! :)

Sama gamla sagan... Þeytið smjör og sykur saman, bætið eggjjum einu og einu við

Setjið öll þurrefnin + vanilludropa + mjólk útí og blandið saman

Hér eru 2 aðferðir í boði.

setjið 1/3 af deginu í smurt form, takið 1/3 frá og geymið 1/3 í skálinni.
Mín aðferð er
Setjið 2/3 af deginu í form ! :)

Við þann 1/3 sem efitir er í skálinni bætiði við 1 1/2 msk kakó, 2 msk sykur og 2 msk mjólk og blandið saman.
Hellið síðan brúna deginu yfir hvíta degið

stingið hníf í kökuna og rennið honum í gegn til að blanda brúna deginu aðeins við það ljósa.

Uppskrift:

150 g smjör/smjörlíki
1/ 1/2 dl sykur
2 egg
3 dl hveiti
1 tsk lyftiduft
1/2 dl mjólk
1 tsk vanilludropar

Aðferð er eins og skýrt er frá við myndirnar.
Bakað í 30-40 mín í 180°C í miðjum ofni eða þar til pinni sem stunginn er í miðja kökuna kemur hreinn út og ekki með óbökuðu deigi á.

Á Höfðabrekku gerði ég vanalega um 30 marmarakökur í einu. Þá hætti ég að nenna þessu ljóst-brúnt-ljóst deig þegar maður setur deigið í formin... Það var OF mikið vesen. Ég fór þá að setja ljóst deg 2/3 hlutar og 1/3 hlutann brúnan ofan á það ljósa. Þetta blandast ágætlega saman og kemur vel út.
Prufið hvorugtveggja og sjáið hvað þið viljið gera

Endilega takið kökuna svo með ykkur í útilegur í sumar :)

Nokkrar myndir frá írskum dögum

2011-07-03T22:40:00.000Z

Kíktum á laugardaginn á Akranes til Katrínar og Gumma og einnig á írska daga.

um kvöldið var farið í garðpartý með gítarspili og tilheyrandi og svo haldið á Lopapeysuballið víðfræga.

Auðvitað vorum við öll í lopapeysum í tilefni þess

Katrín og Ásdís

Viðar

Ég

Ég og Viðar

Katrín afmælisbarn

Gummi og Katrín

Grillmarkaðurinn

2011-07-03T22:14:00.001Z

ég bauð Viðari út að borða á Grillmarkaðinn á föstudaginn síðasta á fyrsta formlega opnunarkvöldinu. Fyrr í vikunni hafði verið "rennsli" og á fimmtudeginum opnunarveisla.
Var ótrúlega ánægð að hafa náð að panta borð og við klæddum okkur því upp og fórum á formlegt date :)

Vorum bæði afskaplega spennt fyrir að prufa staðinn og vorum harðákveðin í að við skyldum fá okkur kjöt.

Allt þarna er mjög framandi og fallegt á að líta og mörg smáatriði alveg stórskemmtileg.

Til að byrja með þá eru matseðlarnir one of a kind ...

Matseðill eru A4 blöð, fest á voldugt, ryðgað/lakkað járnspjald.

Afar frumleg leið til að bera fram brauð

Ég sem drekk ekki rauðvín geri það af og til þegar ég fæ mér nautasteik...

Viðar beið spenntur eftir matnum

í forrétt fengum við okkur skötuselsspjót.

ég fékk mér nautakótilettu með tilheyrandi meðlæti

mmmm!!!

Viðar fékk sér kjötþrennu, nautakjöt, lambakjöt og önd

ég hefði kannski snyrt þetta betur EF ég hefði ekki verið alveg búin með magaplássið

Viðar ansi sáttur !

mynd yfir grillið margumtalaða

Smá um matinn:

Skötuselurinn var æði... Sterk marinering og mátulega rétt svo eldaður í gegn. Bragðaðist næstum eins og humar.

Steikin sem ég bað um medium kom rare. Það rann ekki einu sinni blóð úr miðri steikinni, hún var það rare steikt. Spurning hvort að hún hefði eldast aðeins meira ef hún hefði fengið nægan tíma til að jafna sig eftir eldunina á grillinu en ég því miður þurfti að senda hana til baka. Eftir 10 mínútur kom hún aftur fullkomlega elduð. Hvað varðar gæðin á steikinni þá var hún mjög mjög bragðgóð. En ég á enn eftir að finna þetta meyra og mjúka nautakjöt á Íslandi sem maður hefur fengið á dýrum veitingastöðum útí heimi. Á íslenskan mælikvarða er þessi steik á toppnum.

Fannst svoldið skemmtilegt að fá krullufranskar með og þær eru alltaf góðar. Við reyndar pöntuðum okkur stökkar kartöflur með sem komu í einhversskonar hvítlaukssósu og úff... þær voru góðar!

Steikin kemur á stórum viðarplatta sem hélt hita í matnum í lengri tíma. Mjög magnað.
Gaman var að fá meðlætið með í litlum skálum þar sem mér finnst svoldið óaðlaðandi að borða meðlæti með steik löðrandi úr blóðugum safa frá kjötinu. Eina sem ég hef útá að setja með meðlætið að mér fannst það koma svoldið úr sitthvorri áttinni. Purée sem var örlítið sætt, sveppir með káli sem var örlítið súrt, krullufranskar og svo salatblöð með fetaosti sem var með sterku rósmarínbragði (eins og hann oftast er). Ofan á kjötinu flaut svo þunn og vel niðursoðin kirsuberjasósa sem var mjög spennandi á bragðið og full af óvæntum eftirbrögðum og þarofan á baunaspírur sem mér fannst ekki alveg eiga við en mjög ferskar og góðar.

Þjónustan var góð. Greinilegt var að starfsfólkið er enn að krafla sig fram úr byrjunarerfiðleikum og virtist stundum ganga í hringi en ég get ekki annað en gefið þjóninum okkar (Natasha) súper einkunn. Sérstaklega þegar það kom að því að steikja steikina mína betur og fékk ég 2x statusupdate um að hún væri alveg að koma.

Viðar var mjög ánægður með sitt en ég ætla ekki að tala fyrir hann hér. Allt hans kjöt var medium steikt og öndin meira kannski útí medium-rare eins og hún á að vera.

Heildarverð var um 12 þúsund sem ég tel svo sannarlega vera sanngjarnt verð og hef nákvæmlega engu við að bæta með það.

Klikkuðum á að fara á neðri hæðina og skoða okkur um en við erum bæði svo spennt fyrir að fara aftur og prufa fleira á matseðlinum að það verður vonandi ekki langt þangað til að það verður :)

ég hvet ykkur til að fara á Grillmarkaðinn og fá ykkur góðan mat :)

Jarðarber í vændum?

2011-07-01T19:07:00.000Z

Það virðist sem svo að það muni koma jarðarber í ár... Amk er þessi eina planta sem lifnaði eftir veturinn komin með blóm. Ég er svo búin að kaupa 3 nýjar plöntur sem vaxa nú og reyna að ná hinni :) Verður fróðlegt að sjá

Kryddjurtir, fræðsla

2011-07-01T18:13:00.000Z

Jæja

Kryddjurtirnar mínar vaxa og dafna og ég vil að þið lesið ykkur aðeins til um hvernig þið skulið rækta svona heima ...

Hér er heimasíðan hjá Garðyrkjustöðinni Engi, þaðan sem ég fékk grænu og bragðgóðu plönturnar mínar :)

www.engi.is

Endilega lesið ykkur svo til um kryddjurtir og ræktun

Engi / Kryddjurtir

Rabbabari

2011-06-28T23:34:00.001Z

Fékk sendingu frá Vík í dag... Fékk hankapoka fullan af rabbabara úr garðinum hjá mömmu og pabba og gekk frá honum í kvöld.

Þið sem þekkið einhvern sem á rabbabara... núna er tíminn til að stela nokkrum leggjum, skera niður og frysta. Þið getið svo gert rabbabarasultu seinna þegar þið nennið eða bara gert hana núna og hér er uppskriftin.

Ég nota hlutföllin:

1 kg rabbabari

800 gr sykur

Aðferð:

soðið saman út í hið óendanlega við lágan hita þar til sultan er orðin rétt á litinn (dökk rauðbrún) og hefur þykknað mikið. Einhver kenndi mér þá reglu að sleifin á að geta staðið sjálf í pottinum. ( tekur um 3-5 tíma)

mauka hana svo með töfrasprota til að ná henni mjúkri og án allra þráða.

set í krukkur og borða með bestu list ofan á ristað brauð eða með lambasteikinni !

Ég á alltaf rabbabara í frystinum. Að vísu frýs rabbabarinn allur saman í einn klump en það þarf bara rétt að berja pokanum í borð og hann brotnar auðveldlega í sundur. Rabbabarann nota ég svo til að gera sósur, súpur, kökur, sultur... hvenær sem er !

ég þori að veðja að munnvatnið fer á fullt þegar þið sjáið svona safaríkan og súran rabbabara :)

Bananabrauð

2011-06-23T23:14:00.001Z

Bananabrauð er eitt það auvðeldasta sem hægt er að baka... I'm telling you the truth.
Það er SVO auðvelt að meira að segja Viðar hefur bakað bananabrauð sem var alveg fullkomið.

Hér kemur uppskrift af einu bananabrauði.

Þurrefnin sett í skál

Bönunum bætt við

Nei... ok.

í guðana bænum stappið þá fyrst. En Viðar ætlaði nú að gera þetta svona þegar hann gerði þetta fyrst.

Þetta er ekki hægt...

stappið þá fyrst

takk :)

Stappaðir bananar ... mega vera oggulitir bitar eftir

Notið helst gamla brúna banana...

Bakið endilega bananabrauð þegar þið eigið gamla brúna banana :) það er mun skemmtilegra en að henda þeim

Þurrefni, bananar og egg... ekki flókið :)

Hrært saman með sleif... Gleymdi ég að segja ykkur að þetta er uppskrift fyrir þá sem eiga hvorki handþeytara eða hrærivél

Sett í smurt mót

inní miðjan ofn á 180°C í 30-40 mínútur (fer eftir stærð mótsins...) - mitt er í 35 mínútur

Bananabrauð og Marmarakaka....

Uppskrift:

2 bananar
1/2 bolli sykur
1 bolli hveiti
1 egg
1/2 tsk matarsódi
1/4 tsk salt

Aðferð:
Þurrefnum er blandað í skál
Bananar stappaðir og blandað saman við ásamt 1 stk egg. Hrært saman með sleif þar til allt er blandað saman
sett í smurt form og bakað í 30-40 mínútur á 180°C.

Borðist niðursneytt með engu, með smjöri, með smjöri og osti og jafnvel með kæfu (jább.. þekki einn sem gerir það, síríjöslí)

svo verð ég að segja að þetta er snilldarbrauð til að fara með í útileguna í sumar !
Það mylst lítið sem ekkert þetta brauð, það geymist lengi og er alltaf mjúkt og gott

enjoy !

Lítið í fréttum...

2011-06-23T20:19:00.000Z

Hef unnið alla vikuna og er gjörsamlega búin eftir alveg ruglað busy vaktir á Slysó sl daga. .
Það er þó allt á uppleið enda er ég hér með komin í helgarfrí!

í tilefni þess gerði ég enn eina tilraunina...
Indversk kryddaðar kjúklingabringur, ofan á kartöflugratíni. Meðlæti var papadums með mangó chutney, salat og maísstöngull... áhugavert og gott.

í kvöld þarf ég hins vegar að baka fyrir fyrstu útilegu ársins þar sem haldið verður eitthvað austur á leið.
Ég þó ætla að reyna að skella inn matarbloggi áður en ég legg af stað ;)

kv

kryddjurtir... framhald

2011-06-20T19:48:00.000Z

Hér gengur allt vel í ræktuninni... Reyndar þurfti ég að losa mig við Basilíkuna og Stevíuna sem voru inni í pottum þar sem allt var hvítt af lús :S og ég (pödduhrædda ég) lét Viðar hlaupa með plönturnar beint út í tunnu :/ Allar ráðleggingar um hvernig best sé að losa sig við lús af plöntum eru þess vegna alveg óþarfar.

Eins og þig sjáið þá lítur þetta allt alveg fullkomnlega út !!! :)

Sjáið bara hvað þær voru einu sinni litlar

Ég verð þó að viðurkenna að jarðarberjaræktunin hefur algerlega farið til fja*** enda bara ein planta af 5 lifandi síðan í fyrra.

Ætlaði í gróðrarstöðina Mörk í dag og kaupa nýjar til að lenda ekki í jarðarberjalausu sumri en var kölluð út til vinnu á Slysó og þess vegna enginn tími í dag. Sjáum til hvað gerist á morgun ;)

heimakryddað grillkjöt

2011-06-13T17:23:00.006Z

Ef þið hafið tækifæri á, í guðana bænum ekki kaupa kryddað kjöt í búðunum. Í fyrsta lagi eru þetta ekki bestu bitarnir og erfitt er að átta sig á hvernig bitarnir eru í rauðgulum vökvanum í vacuum-pökkuðu plasti... og í öðru lagi er magnað hvað það kostar að kaupa kryddaða bita !

Kaupið heldur tilboðsbita, frosna í kjötborðunum í lágvöruverslunum, útvegið ykkur buffhamar og kryddið sjálf !

Mér finnst íslenskt kjöt látið hanga of stutt... Ég tek t.d. lambalæri eða hrygg amk viku fyrir áætlaðan eldunartíma til að það verði örugglega orðið meyrt og mjúkt þegar það kemur að því að elda það.

Í köldum ísskápunum hjá okkur, vel vöfnu inn í matarfilmu eða í boxum er kjöt ekki að fara að skemmast á 1-4 dögum í marineringu ef það er alveg ferskt til að byrja með... Það er heldur ekkert að því að geyma kjöt við kjöraðstæður í 7 daga ef þú tekur það ferskt úr frysti.

þessvegna, EF ég hef tímann til að láta þetta vera í nokkra daga í ísskáp áður en ég elda kjötið... auðvitað ! :) það er öllum til góða!

Hér er ég með tilboðssvínakótelettur sem ég keypti í nýju uppáhalds búðinni minni, Víði... 898 kr kg... lítil fita og stórar kótelettur... Skellti ferskum kryddjurtum (graslaukur, timian og oregano) útí mixer+ uppáhalds grillkjötskryddinu ásamt smá olíu.

Sett yfir kjöt sem var búið að buffa aðeins með buffhamri og látið marinerast í 1 dag (þarna keypti ég kjötið 1 degi fyrir áætlaðan grilltíma og gat því ekki haft þetta lengur, en svona er þetta bara :) )

kjötið bragðaðist alveg prýðisvel og hlakka ég til að leika mér með hinar sneiðarnar sem eftir eru ! :)

Endilega prufið ykkur áfram. Kryddjurtirnar þurfa jú ekki að vera ferskar en auðvitað hvet ég ykkur til að prufa að rækta sjálf útá svölum.

Hér er staðurinn þar sem ég fékk mínar kryddjurtir, forræktaðar og tilbúnar til að setja útá svalir! :)

Garðyrkjustöðin Engi (ég hvet ykkur til að gera like á síðuna. Ekkert smá spennandi að fylgjast með sumarmarkaðinum og fleirum uppákomum sem maður getur kíkt á sunnudagsbíltúrnum í sumar!)

Svo er aldrei að vita nema að það fari að líða að bloggi :) þá meina ég alvöru matarbloggi...

Update : Kryddið sem ég nota, og lærði að nota af mömmu minni sem er alger grillkjötssnillingur heitir Rustica.

Þetta er krydd sem kemur alveg í risastórum 600 gramma dunki og fæst aðeins í Fjarðarkaupum (svo ég viti til)... Einu sinni fékkst þetta krydd aðeins í heildsölum fyrir veitingastaði en sem betur fer fæst þetta orðið í Fjarðarkaupum. Ég (og mamma) notum einnig mikið kjötkraftinn, grænmetiskraftinn + sveppakraftinn... alveg ótrúlega góðar vörur !

Fjör vikunnar

2011-06-10T19:36:00.000Z

mmmmm

Snúðar

2011-05-31T23:29:00.000Z

Jæja...

Ætli það sé komið að því að fara að huga ða því að blogga snúðabloggið ógurlega?

Þið þarna... þið sem hafið smakkað ÞÁ... (þið vitið hverja ég er að tala um ... )
Ef þið eruð ekki viss þá eru þeir einhvernveginn svona

Sú var tíðin að það voru ófáir sem mættu í snúðakaffi ef boðið var upp á það... Ég verð að bjóða fólki bráðum í kaffi eins og var gert hér um árið og ég bloggaði um það þá.

eða viljiði kannski blogg líka ?

Eplakaka á hvolfi !

2011-05-31T19:55:00.002Z

oh, mér finnast svona kökur svo rosalega góðar, sérstaklega með eplum en líka með ananas :)

Hérna er uppskrift sem er ekki glúteinlaus!

Ég prufaði að nota vanillukökumixið frá Bob's red mill sem fæst í Kosti og þið verðið eiginlega að tjékka á þessum vörum, enda ótrúlegt úrval af hinu og þessu sem hefur ekki fengist á Íslandi + lífrænum og glúteinfríum vörum.

Kökumixið sem ég notaði er laust við allt glútein og þess vegna frábær kostur fyrir þá sem reyna að sleppa því úr fæðunni eða eru með óþol. Að vísu getiði notað allar vanillukökuuppskriftir sem þið eigið í kokkabókunum ykkar en hér kemur mín útfærsla í þetta sinn

setjið púðursykur og smjör í pott og hitið þar til allt er bráðið saman

hellið í smelluform eða annarsskonar form.

Skerið niður epli og raðið í botninn

Kökumixið

Setti það sem átti að setja útí. Egg, olíu og vatn

Hrært saman þar til allt er slétt og fínt

Hellt yfir eplin og karamelluna

bakað í ofni þar til reddí.. mmm

flæðandi karamella

hvolft ofan á disk: mmmmm!!!

tvöfallt mmmmmm!!

Kakan kom mér alveg ótrúlega á óvart. ég vissi ekki að það væri hægt að hafa glúteinlausa köku svona mjúka og safaríka. Að vísu er ekki eins bragð að henni eins og ef þetta væri kaka búin til úr hveiti en hún er þrátt fyrir það ansi bragðgóð. Sérstaklega með smá rjóma... ;)

Uppskrift:

sjóðið saman:

100 gr púðursykur
80 gr smjör

skerið niður 1-2 epli (fer eftir því hvað þið notið stórt form hvað þið þurfið mörg epli, en ég nota 9" kökurform sem er mun minna en þetta klassíska kringlótta form.)
En... þið getið notað ýmis form. t.d. hægt að gera litlar mini muffins eða setja þetta í eldfast mót.

Farið eftir leiðbeiningum á pakkanum og hellið yfir. Bakið í ofni þar til pinni sem stungið er í kemur hreinn út. Hjá mér tók það klst og korter en kakan var frekar þykk þar sem ég notaði minna kökuform en ella.

Það getur alltaf gerst að það leki smá karamella út úr forminu og brenni ef hún drippar í botninn á ofninum. Ég læt kökuna standa á smjörpappír og þá er vandamálið úr sögunni.

Endilega prufið :)

Ananas-salsa

2011-05-29T19:53:00.003Z

Mig hefur langað til að gera þessa uppskrift í svolítinn tíma en hvergi séð almennilega uppskrift til að fara eftir svo ég bjó hana að mestu til sjálf.

Hugmyndin með þessu salsa er að hafa með bragðsterkum mat, þetta er sæt/súr salsa með smá kikki af sterku þar sem það er chili í þessu líka.

Þetta er snilld með grilluðum kjúkling sem var einmitt það sem ég gerði (þó svo að ég hafi reyndar notað grillpönnu í þetta skiptið)

Margt er hægt að gera við þetta ananas salsa. Það er t.d. hægt að setja það í samlokur, með í salat, á milli á hamborgara og eins og ég ætla að gera í kvöld þegar byggið er kólnað.... að blanda þessu saman við bygg, hrísgrjón, kúskús osfrv osfrv

Aðferðin er afskaplega auðveld fyrir svona frábært meðlæti en eina vinnan felst í að saxa og saxa.

hér er nýafklipptur kóríander úr litla garðhimnaríkinu mínu útá svölum...mmmm

Hér er allt komið í skál og á aðeins eftir að hræra saman.

Tilbúið...

Uppskrift:

Ananas Salsa:

1/4 af ferskum ananas, hreinsaður og saxaður í frekar litla bita

1 tsk rautt chili, fræhreinsað og mjög fínt saxað.

2 msk kóríander, þvegið og saxað fínt (mælt eftir að ég er búin að saxa)

4 msk rauð paprika, söxuð

1 msk lime safi (ferskur eða úr flösku)

1 msk olía

Nú veit ég um nokkra sem engan vegin geta borðað kóríander.

Ef þú ert einn af þeim en langar að prufa eitthvað suðrænt, auðvelt og spennandi þá getið þið notað ferska steinselju í staðinn.

Einnig ef ykkur langar til að rækta ykkar eigin kryddjurtir útí garði eða á svölunum þá mæli ég með að þið kaupið pottaðar plöntur frá Garðyrkjustöðinni Engi en þið getið séð Hérna hvernig ég setti minn kryddjurta"garð" upp

einnig er facebook síða Garðyrkjustöðvarinnar hér.

Nú er bara að byrja :)

Fleiri uppskriftir frá þessari máltíð koma síðar :)

Eldgos

2011-05-23T00:55:00.001Z

Úff... aftur ? Seriously?

Þið sem þekkið mig vel vitið að ég er úr Vík og mest öll ættin mín er í kringum Kirkjubæjarklaustur.
Öll systkin mömmu eru bændur og amma og afi búa einnig líka fyrir austan þó svo að þau séu hætt fjárbúskap og reyndar ferðaþjónustubúskap líka.

Í dag (sunnudag) er það þó ekki ég sem er í fjölmiðlum heldur eiga mamma og systkini hennar vinninginn

hér er viðtal við mömmu á mbl sjónvarp:

Þetta er allt kolsvart

hér er viðtal við Björgvin á mbl sjónvarp:

Græn tún orðin grá

og

hér er viðtal við Þóru (og Eyþór) á RÚV

Fundu ekki féð í myrkrinu

Ég hef viljandi linkana öskugráa í tilefni eldgossins og öskunnar.
Vonandi lýkur þessu fljótt

Vík-Reykjavík

2011-05-18T22:46:00.001Z

Það að keyra þessa leið hefur stundum valdið ýmislegum tilraunum, uppákomum, atvikum og já í þessu tilviki blómastuldi...

Sá þúsundir páskalilja þegar ég keyrði framhjá Hveragerði og stökk út !

skoðaði aðeins aðstæður

flækti mig aðeins í trjánum

og fann nokkrar páskaliljur... Ég þakka Stefni Gíslasyni fyrir að hafa gefið mér þennan veiðihníf fyrir mörgum árum síðan og þakka mér að hafa haft hann í emergency-kassanum í skottinu. Hann kom að góðum notum! :)

og hér eru þær :) alveg gríðarlega fallegar og hmmm kannski pínu páskalegar.

Þess má geta að Hildur tók myndirnar og þær eru teknar á iphone 1 (haha) og því ekki í meiri gæðum en þettan.

Blogg í miðri viku

2011-05-18T15:59:00.002Z

Ég reyni að setja inn matarblogg einu sinni í viku en að sjálfsögðu, ef andinn kemur yfir mig og ef ég hef einhverju frá að segja þá set ég inn blogg :)
Ég var á spjalli við Björgvin (aka Björgvin og Ellý) í gærkvöldi og komst að því að ég er búin að eiga www.ragna.is síðan 2004. Það gera orðið 4 ár
Ég hef verið að blogga á þessu vefsvæði síðan 2003, sem gerir 8 ár. Vá!
Ég eiginlega byrjaði að blogga áður en allt blogg-æðið hófst og annar hver maður var kominn með sína bloggsíðu og ég lifði af facebook bylgjuna þegar allir hættu að blogga og nota orðið bara facebook

Að vísu hefur bloggsíðan breyst mikið síðan þá og innihald síðunnar hefur breyst að sama skapi.
Í fyrstu bloggaði ég bara um hvað á daga mína dreif en síðasta vor ákvað ég að ég myndi breyta blogginu og áherslum og gera það að matarbloggi þar sem ég myndi blogga eftir fyrirmynd annarra matarbloggara sem ég fylgist með.

Það varð svo úr að ég frestaði því að byrja matarbloggið þangað til eftir útskrift úr Hjúkrunarfræði í júní 2010 og hef síðan þá sett inn uppskriftir að meðaltali 1x í viku.

Viku eftir viku hefur heimsóknunum svo fjölgað og ég hef fengið kynningu á síðunni í dagblöðum, í gegnum önnur vefsvæði og í gegnum fyrirtæki.

Ég reikna með að halda áfram strikinu og setja inn uppskrift af einhverju gómsætu að minnsta kosti 1x í viku og setja svo jafnvel einhver myndablogg eða örblogg inn á milli.